İtalyada polis

İtaliyada bir əməliyyatda 96 mafioz həbs olunub

6
Bəzi mafiozlara yeni ittihamnamələr artıq digər cinayətlərə görə cəza çəkdikləri həbsxanalarda təqdim olunub.

BAKI, 26 aprel — Sputnik. Bazar ertəsi səhər çağlarında İtaliya polisinin Apuliya vilayətinin Bari şəhərində mütəşəkkil cinayətkarlıqla mübarizə çərçivəsində həyata keçirdiyi əməliyyat nəticəsində təqribən 100-ə qədər insan saxlanılıb. Sputnik Azərbaycan Rusyia KİV-lərinə istinadən xəbər verir ki, polis xüsusi təyinatlıları və yerli mafiya ilə mübarizə idarəsinin birgə keçirdiyi "Dumanlı burulğan" əməliyyatı nəticəsində şəhərdə demək olar ki bütün kriminal fəaliyyəti özündə cəmləşdirən nüfuzlu "Strişulyo" klanının üzvləri saxlanıb.

Nəticədə 96 nəfər dəmir barmaqlıqlar arxasına göndərilib, üç nəfər barəsində isə ev dustaqlığı barədə qərar qəbul olunub. Saxlanılanların hamısına qarşı mafioz fəaliyyət, narkotiklərin ticarəti, soyğunçuluq, ağır bədən xəsarətləri yetirmə, qanunsuz silah saxlama və gəzdirmə maddələri ilə ittihamlar irəli sürülüb. Ümumilikdə isə hazırda 147 nəfər istintaq altındadır.

Bu gün həyata keçirilmiş həbslər müəyyən ərazilərə nəzarət etmək uğrunda qanqsterlərin 2015-ci ildən indiyə qədər həyata keçirdiyi cinayət əməllərinin, habelə təşkilatdaxili cinayət iyerarxiyasının aşkar olunaraq sənədləşdirilməsi nəticəsində mümkün olub. Maraqlıdır ki, bəzi mafiozlara yeni ittihamnamələr artıq digər cinayətlərə görə cəza çəkdikləri həbsxanalarda təqdim olunub.

Əməliyyatın təfərrüatları barədə Bari şəhər məhkəməsinin "Bitonto bunkeri" adlandırılan binasında keçiriləcək mətbuat konfransında açıqlanacaq. Jurnalistlər qarşısında İtaliya Milli Prokurorluğunun mafiya ilə mübarizə üzrə rəhbərliyi müvafiq açıqlama ilə çıxış edəcək.

6

"Eurovision-2021": Azərbaycan təmsilçisi finala yüksəldi

36
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

36
Təcili tibbi yardım avtomobili, arxiv şəkli

Lənkəranda piyadanın ölümü ilə nəticələnən yol-nəqliyyat hadisəsi olub

9
Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib.

BAKI, 18 may - Sputnik, Rahim Muradov. Lənkəranda avtomobil piyadanı vurub. Sputnik Azərbaycan-ın məlumatına əsasən, hadisə rayonun Şağlaser kəndi ərazisində baş verib.

Gecə saatlarında adı hələlik məlum olmayan Masalli rayonu Alvadı kənd sakini idarə etdiyi "VAZ 2107" markalı minik avtomobili ilə Şağlaser kənd sakini 57 yaşlı Ağaziyad Əliyevi vurub. Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib. Ağaziyad Əliyevin meyiti aidiyyatı üzrə Məhkəmə Tibbi Ekspertiza və Və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.

9