Yanacaqdoldurma məntəqəsində plastik qaba yanacağın doldurulması

Rusiyadan benzin çıxarılmasına qadağa qoyula bilər

2
(Yenilənib 14:57 26.04.2021)
Benzin "daxili bazar üçün əhəmiyyətli" məhsullar siyahısına daxil oluna və beləliklə də, zəruri hallarda Rusiya benzininin Avrasiya İqtisadi İttifaqına daxil olmayan ölkələrə ixracı qadağan oluna bilər.

 

BAKI, 26 aprel — Sputnik. Hazırda Rusiya hökuməti ölkədən benzinin ixracına müvəqqəti qadağan qoyulması üçün qanunvericilik bazasının hazırlanması ilə məşğuldur. Sputnik Azərbaycan Rusiya mediasına istinadən xəbər verir ki, hökumət bununla bağlı olaraq Energetika Nazirliyinə "ayrı-ayrı neft məhsullarının" ixracının müvəqqəti məhdudlaşdırılması üçün müvafiq aktlar layihəsinin hazırlanmasını tapşırıb.

Məlumatda deyilir ki, benzin "daxili bazar üçün əhəmiyyətli" məhsullar siyahısına daxil oluna və beləliklə də, zəruri hallarda Rusiya benzininin Avrasiya İqtisadi İttifaqına daxil olmayan ölkələrə ixracı qadağan oluna bilər.

Xatırladaq ki, bir müddət əvvəl benzinin qiymətinin sabit saxlanması üçün Rusiya hökumətinin onun ixracını qismən məhdudlaşdıra biləcəyi barədə məlumat yayılıb.

Baş nazirin energetika məsələlərinə cavabdeh olan müavini Aleksandr Novak bildirib ki, hökumət məhdud dövr üçün bu tədbirləri dəstəkləyə bilər.

Yanacağın ixracına qoyulan qadağalar (birbaşa qadağa və ya ixrac rüsumunun artırılması şəklində) daxili bazarda onun təklifinin artmasına gətirir. Bu isə öz növbəsində qiymətlərin azalmasını şərtləndirir.

2

Ey qızıl lalələr, qızıl lalələr video

3
(Yenilənib 13:03 06.05.2021)
Yaz fəsli Azərbaycan təbiətində xüsusi rəngarənglik yaradır. Bakı-Şamaxı-Yevlax avtomobil yolunun kənarında, Göyçayın Qarayazı kəndinin ətrafında bitən qızıl lalələr gözəl mənzərə ortaya çıxarıb.

Rayonun dörd bir yanında yamyaşıl çəmənliklərdə boy verən lalələr paytaxt sakinləri ilə bərabər, yerli qonaqların, yaradıcı insanların da diqqətini cəlb etməyi bacarır.

3
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

5
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

5