Mars planeti, arxiv şəkli

Marsda həyat üçün əlverişli şərait var

28
(Yenilənib 10:54 26.04.2021)
"Qırmızı planet"dən gəlmiş meteoritlərin bəzi tiplərində torium, uran və kalium kimi radioaktiv maddələr, habelə sulfid mineralları var. Həmin bu maddələr sulfatlara və suyu özündə saxlamaq üçün səthində kifayət qədər dəlikli suxurlara çevrilə bilər.

BAKI, 26 aprel — Sputnik. Astrobiololar Marsın təkində mikrobların yaşaması üçün enerji və bütün zəruri maddələrin olduğu qənaətinə gəliblər. Sputnik Azərbaycan Rusiya mediasına istinadən xəbər verir ki, mütəxəssislər bu fikrə "Qırmızı panetin" səthindən qoparaq Yer üzərinə düşmüş meteoritlərin kimyəvi tərkibini təhlil etdikdən sonra gəliblər.

Belə ki, "Astrobiology" məcmuəsində dərc olunmuş məlumatlara əsasən, tədqiq edilmiş suxurlar su ilə daim təmasda olduğu təqdirdə onlarda Yerin qaranlıq dərinliklərində mövcud olan mikroorqanizmlərin analoqlarının yaşaması üçün zəruri olan əlavə kimyəvi birləşmələr əmələ gələ bilər.

Tədqiqatlar göstərir ki, Marsın da təkinin böyük hissəsi canlı orqanizmlərin yaşaması üçün yararlıdır.

Haqqında danışılan bu cür mümkün reaksiyalardan biri "radioliz"dir. Bu reaksiya zamanı suxurların tərkibində olan radioaktiv elementlər su ilə reaksiyaya girir və nəticədə həyat mənbəyi hesab etdiyimiz bu maye hidrogen və oksigenə parçalanır. Həmin hidrogen qrunt sularında həll olunur. Minerallar, məsələn pirit isə sərbəstləşmiş oksigeni özünə çəkərək sulfat mineralları yaradır. Mikroblar həll olunmuş hidrogeni yanacaq şəklində uda və sulfatların tərkibindəki oksigeni isə həmin yanacağın "yandırılması" üçün istifadə edə bilərlər.

Tədqiqatlar göstərir ki, "Qırmızı planet"dən gəlmiş meteoritlərin bəzi tiplərində torium, uran və kalium kimi radioaktiv maddələr, habelə sulfid mineralları var. Həmin bu maddələr sulfatlara və suyu özündə saxlamaq üçün səthində kifayət qədər dəlikli suxurlara çevrilə bilər.

Bu isə Marsda həyat üçün zəruri olan şəraitin olması ehtimalını sübut edir.

Məlumdur ki, Marsın təkində aktiv qrunt suları sistemi olub. Bu cür suların hazırda da olmasını deməyə alimlərin kifayət qədər əsası var.

28
Cilberto Malvestuto, arxiv şəkli

İtaliyalı veteran alman əsgərlərinin yalançı dəfn mərasimindən danışıb

2
(Yenilənib 18:22 09.05.2021)
Malvestuto İtaliya Müqavimətinin hərbi bölməsi olan məşhur Mayella briqadasının sağ qalan son zabitidir.

BAKI, 9 may — Sputnik. İtaliya Müqavimət hərəkatının iştirakçısı Cilberto Malvestuto İkinci Dünya müharibəsi ilə bağlı xatirələrini bölüşüb. Sputnik Azərbaycan "RİA Novosti" agentliyinə istinadən xəbər verir ki, veteranın yaddaşına möhkəm həkk olmuş epizodlardan biri alman əsgərlərinin yalançı dəfn mərasimi ilə bağlıdır.

Həmin vaxt alman hərbçiləri müəyyən vaxt ərzində əllərində xaç tutaraq guya döyüş yoldaşlarının dəfni səhnəsini oynayıblar.

"Səhəri gün isə həmin ərazidən bizə artilleriyadan atəş açıldı. Biz başa düşdük ki. Bunların hamısı aldadıcı oyun imiş. Almanlar həmin fəndi bir daha işlətmək istədikdə mən atəş açmaq əmrini verdim, onlar hərəsi bir tərəfə qaçdı. Onların atıb qaçdığı arabada mərmilər var idi. Ölənlər oldu, mən müharibənin nə olduğunu elə həmin vaxt başa düşdüm", — deyə Malvestuto bildirib.

Bundan əlavə, italiyalı veteran özünü vətəni qarşısında borcunu yerinə yetirmiş hesab etdiyini və gənclərin "bir-birinə qardaş kimi münasibət bəsləməsini" istədiyini deyib.

Qeyd edək ki, aprel ayında Malvestutonun 100 yaşı tamam olub. Veteran doğulduğu Sulmona şəhərindəki ahıl insanlara qulluq müəssisəsində yaşayır. Malvestuto İtaliya Müqavimətinin hərbi bölməsi olan məşhur Mayella briqadasının sağ qalan son zabitidir.

2
Məmur, arxiv şəkli

Dövlət Əmək Müfəttişliyi Xidməti 477 hüquq pozuntusu aşkar edib

2
(Yenilənib 18:21 09.05.2021)
Hüquq pozuntuları əsasən əmək müqavilələrinin bağlanılmaması və ya onun şərtlərinin yerinə yetirilməməsi, məzuniyyət hüquqlarının pozulması, qanunvericiliyin tələbləri pozulmaqla əmək müqavilələrinə xitam verilməsi və s. ilə bağlı olub.

BAKI, 9 may — Sputnik. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti daxil olmuş müraciətlərin araşdırılması zamanı 477 hüquq pozuntusu aşkar edib.

Sputnik Azərbaycan xəbər verir ki, bu barədə Xidmətin yanvar-aprel ayına olan hesabatında qeyd olunub.

Bildirilib ki, hüquq pozuntuları əsasən əmək müqavilələrinin bağlanılmaması və ya onun şərtlərinin yerinə yetirilməməsi, məzuniyyət hüquqlarının pozulması, qanunvericiliyin tələbləri pozulmaqla əmək müqavilələrinə xitam verilməsi və s. ilə bağlı olub.

Aşkar olunan hüquq pozuntularının aradan qaldırılması üçün qanunvericilik çərçivəsində tədbirlərin görülməsi təmin olunub. Eyni zamanda, hüquq pozuntularına yol vermiş işəgötürənlərə əmək qanunvericiliyinin müvafiq məsələlərə dair tələbləri barədə məlumatlar verilib.

2