Patriarx Kirill

Patriarx Kirill: Türklər, Osmanlı imperiyası heç vaxt xristian azlığı məhv etməyib

557
(Yenilənib 17:37 24.04.2021)
Patriarx türklərin (Osmanlı imperiyasının -red.) zamanından mövcud olmuş xristian müqəddəslərə hörmətin indiyə qədər müsəlmanlar, ərəblər arasında qaldığını xatırladıb. 

24 aprel - Sputnik. Bu gün qondarma "erməni soyqırımı"nın qeyd olunduğu bir vaxtda Rusiya və Azərbaycanın sosial şəbəkə istifadəçiləri Moskvanın və Bütün Rusiyanın Patriarxı Kirillin iki il əvvəl "Rossiya 1" telekanalına verdiyi müsahibədən parçaları yayaraq ermənilərin saxta ittihamlarını rədd ediblər.  

Sputnik Azərbaycan-ın məlumatına görə, Rus Pravoslav kilsəsinin başçısı "Rossiya seqodnya" BİA-nın baş direktoru Dmitri Kiselyova verdiyi həmin müsahibədə bildirmişdi ki, Osmanlı imperiyasında heç kəs xristian azlığı məhv etməyib.

"Hal-hazırda baş verənlər İslam dünyasında heç vaxt olmayıb. Misal üçün götürək elə türk, Osmanlı imperiyasını. Bəli, xristian azlıq olub, lakin heç kəs onları məhv etməyib", - Kirill deyib.

O, əlavə edib ki, dini icmalar arasında qayda-qanun mövcud olub. Patriarx türklərin (Osmanlı imperiyasının -red.) zamanından mövcud olmuş xristian müqəddəslərə hörmətin indiyə qədər müsəlmanlar, ərəblər arasında qaldığını xatırladıb. 

"O vaxt müsəlmanlar xristian müqəddəslərin təhlükəsizliyini qorumağa məsul idilər. Bu icmalar arasında belə qarşılıqlı münasibətlər mövcud idi. Əlbəttə demək olmaz ki, orada ən əlverişli rejim idi, amma insanlar yaşayırdılar, öz dini borclarını yerinə yetirirdilər. Patriarxlıqlar, kilsələr mövcud idi", - deyə Moskvanın və Bütün Rusiyanın Patriarxı bildirib. 

557

"Eurovision-2021": Azərbaycan təmsilçisi finala yüksəldi

35
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

35
Təcili tibbi yardım avtomobili, arxiv şəkli

Lənkəranda piyadanın ölümü ilə nəticələnən yol-nəqliyyat hadisəsi olub

9
Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib.

BAKI, 18 may - Sputnik, Rahim Muradov. Lənkəranda avtomobil piyadanı vurub. Sputnik Azərbaycan-ın məlumatına əsasən, hadisə rayonun Şağlaser kəndi ərazisində baş verib.

Gecə saatlarında adı hələlik məlum olmayan Masalli rayonu Alvadı kənd sakini idarə etdiyi "VAZ 2107" markalı minik avtomobili ilə Şağlaser kənd sakini 57 yaşlı Ağaziyad Əliyevi vurub. Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib. Ağaziyad Əliyevin meyiti aidiyyatı üzrə Məhkəmə Tibbi Ekspertiza və Və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.

9