Rusiyada yol polisi, arxiv şəkli

Rusiyada yol hərəkəti qaydalarına əlavələr ediləcək

11
(Yenilənib 23:52 23.04.2021)
Yol polisi əməkdaşları yay mövsümündə qış şinləri və qış mövsümündə yay şinlərindən istifadəyə görə cərimə yaza bilərlər.

 

BAKI, 24 aprel — Sputnik. Rusiya Federasiyasında yol hərəkəti qaydalarına əlavələrin edilməsi ilə bağlı təkliflər layihəsi müvafiq orqanlara təqdim olunub. Sputnik Azərbaycan Rusiya mediasına istinadən xəbər verir ki, yeni qaydalar qəbul olunduğu təqdirdə nəqliyyat vasitələrinin istismarına qadağanın qoyulması üçün texniki nasazlıqların və şərtlərin siyahısı xeyli genişlənə bilər.

Volkswagen ID.4
© REUTERS / Matthias Rietschel

Həmin nasazlıqlardan hər hansı birinin aşkar olunduğu təqdirdə bu ölkənin inzibati xətalar məcəlləsinə görə sürücülərə qarşı 500 rubldan sürücülük vəsiqəsindən məhrum edilməyə qədər cəza tətbiq edilə bilər.

Belə ki, yol polisi əməkdaşları yay mövsümündə qış şinləri və qış mövsümündə yay şinlərindən istifadəyə, habelə yük avtomobillərinin qış mövsümündə dişli təkərlərinin olmadığı təqdirdə sürüşmə əleyhinə zəncirlərinin olmadığına görə də cərimə yaza bilərlər. Bu qaydaların tətbiqi vaxtı və qüvvədə olduğu müddət ölkənin hər regionu üçün yerli hakimiyyət orqanlarının qərarına əsasən ayrılıqda müəyyən olunacaq.

Bundan əlavə, işıqlandırma faraları təmizləyicilərinin işləməməsi və ya onların konstruksiya tələblərinə zidd olaraq ümumiyyətlə olmaması, faralar üzərində müdafiə plyonkasının, habelə konstruksiya tələblərinə uyğun olmayan lampaların quraşdırılması da cəzaya səbəb ola bilər.

Günəşdən qorunma dimdiklərinin və istehsalçı tərəfindən nəzərdə tutulduğu təqdirdə təhlükəsizlik yastıqlarının olmaması, habelə görüntü bucağını məhdudlaşdıran "əşyaların" aşkar edilməsi də qanun pozuntusu hesab olunacaq. Əgər videoqeydiyyat cihazı arxa görmə güzgüsünün arxasına, yaxud üzərinə yerləşdirilibsə və görmə bucağını məhdudlaşdırmırsa, o zaman bu hal qayda pozuntusu hesab olunmayacaq.

Daha sonra yeni təkliflərdə avtomobilin kompüter yaddaşında mühərrikin və ya sürətlər qutusunun nasazlığı ilə bağlı qeydlərin aşkar olunması da əksini tapıb.

Avtomobilin bamperindən kənara çıxan polad və analoji konstruksiyaların olması, habelə qəzadan sonra bamperin metal hissələrinin əyilərək bamper xəttindən kənara çıxması da bundan sonra qayda pozuntularına şamil olunacaq. Mütəxəssislərin fikrincə, bu hallar estetik görünüşü pozmaqdan əlavə, həmçinin piyadaların xəsarət almasına da səbəb ola bilər.

Yeni qaydalar layihəsi hazırda Rusiya hökuməti yanında Analitik mərkəzin mütəxəssisləri tərəfindən qiymətləndirilir və artıq 2022-ci ilin mart ayından qüvvəyə minə bilər.

11
Teqlər:
əlavə, yol hərəkəti qaydaları, Rusiya

Azərbaycanda sutkalıq yoluxma sayı aşağı düşdü

14
Yeni yoluxma hallarının müəyyənləşdirilməsi ilə əlaqədar 10 717, bu günə qədər isə ümumilikdə 3 300 581 test icra olunub

 

BAKI, 6 may — Sputnik. Azərbaycanda koronavirus (COVID-19) infeksiyasına 844 yeni yoluxma faktı qeydə alınıb, 2 057 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 18 nəfər vəfat edib.

İndiyədək ölkədə ümumilikdə 324 685 nəfərin koronavirus infeksiyasına yoluxması faktı müəyyən edilib, onlardan 301 006 nəfər müalicə olunaraq sağalıb, 4 635 nəfər vəfat edib. 19 044 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 10 717, bu günə qədər isə ümumilikdə 3 300 581 test icra olunub.

14
Şəhid dəfni, arxiv şəkli

"Vətən Müharibəsi Qəhrəmanı"nın tabutu hərbi ehtiram zamanı Dövlət bayrağı ilə örtüləcək

3
(Yenilənib 16:20 06.05.2021)
Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsinə dəyişiklik təklif edilir. Tabutu hərbi ehtiram göstərilməsi zamanı Azərbaycan Respublikasının Dövlət bayrağı ilə örtülən şəxslərin əhatə dairəsi genişləndirilir.

BAKI, 6 may — Sputnik. "Vətən Müharibəsi Qəhrəmanı"nın tabutu hərbi ehtiram göstərilməsi zamanı Dövlət bayrağı ilə örtüləcək.

Sputnik Azərbaycan-ın məlumatına görə, bununla əlaqədar Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsinə dəyişiklik təklif edilir.

Təklif edilən dəyişikliyə əsasən, tabutu hərbi ehtiram göstərilməsi zamanı Azərbaycan Respublikasının Dövlət bayrağı ilə örtülən şəxslərin əhatə dairəsi genişləndirilir. Layihəyə əsasən, "Vətən Müharibəsi Qəhrəmanı" adı verilmiş, "Zəfər" və "Qarabağ" ordeni ilə təltif edilmiş şəxslər bu sıraya daxil edilir.

Bundan başqa, dəfn mərasiminin təşkili və keçirilməsi zamanı hərbi ehtiram göstərilən şəxslərin əhatə dairəsi genişləndirilir. Bununla əlaqədar Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsinə dəyişiklik təklif edilir.

Layihəyə əsasən, "Vətən Müharibəsi Qəhrəmanı" adı verilmiş, Zəfər və Qarabağ ordeni ilə təltif edilmiş həqiqi hərbi xidmətdən ehtiyata və ya istefaya buraxılmış şəxslərin dəfn mərasiminin təşkili və keçirilməsi zamanı hərbi ehtiram göstəriləcək.

3