Təyyarənin göyərtəsində sərnişinlər, arxiv şəkli

"COVID təyyarəsi": 47 sərnişinin koronavirus testi pozitiv çıxdı

20
(Yenilənib 13:49 20.04.2021)
Testlərin nəticəsi məlum olduqdan sonra Honq-Konq Hindistandan gələn bütün təyyarələrə qadağa qoyub.

BAKI, 20 aprel — Sputnik. Hindistanın paytaxtı Yeni Dehlidən Honq-Konqa uçan təyyarədəki 68 sərnişindən 47-sinin koronavirus testi pozitiv çıxıb. Sputnik Azərbaycan bu barədə Türkiyənin NTV kanalına istinadla məlumat yayıb. Xəbərdə bildirilir ki, testlərin nəticəsi məlum olandan sonra Honq-Konq Hindistandan gələn bütün təyyarələrə qadağa qoyub.

Çin Xalq Respublikasının xüsusi statusa malik Honq-Konq bölgəsinin rəhbərliyi Mumbaydan gələn təyyarələrdə də bir neçə yoluxma halının aşkarlandığını bildirib.

Qeyd edək ki, COVID-19-un ilk aşkarlandığı bölgələrdən biri olan Honq-Konqda indiyə kimi koronavirusa 11 min 696 yoluxma halı qeydə alınıb və ən az 205 nəfər həyatını itirib.

Hindistan isə son dövrdə koronavirusa yoluxma və ölüm hallarına görə rekord vurub. Ölkədə gündəlik aparılan hər üç testdən biri pozitiv çıxır.

Ümumilikdə Hindistanda bu günə kimi qeydə alınan yoluxma halı 15 milyonu keçib, ölənlərin sayı isə 180 min nəfərə çatıb.

20

"Eurovision-2021": Azərbaycan təmsilçisi finala yüksəldi

35
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

35
Təcili tibbi yardım avtomobili, arxiv şəkli

Lənkəranda piyadanın ölümü ilə nəticələnən yol-nəqliyyat hadisəsi olub

9
Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib.

BAKI, 18 may - Sputnik, Rahim Muradov. Lənkəranda avtomobil piyadanı vurub. Sputnik Azərbaycan-ın məlumatına əsasən, hadisə rayonun Şağlaser kəndi ərazisində baş verib.

Gecə saatlarında adı hələlik məlum olmayan Masalli rayonu Alvadı kənd sakini idarə etdiyi "VAZ 2107" markalı minik avtomobili ilə Şağlaser kənd sakini 57 yaşlı Ağaziyad Əliyevi vurub. Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib. Ağaziyad Əliyevin meyiti aidiyyatı üzrə Məhkəmə Tibbi Ekspertiza və Və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.

9