Bakı Metropoliteninin əməkdaşı, arxiv şəkli

"Bakı Metropoliteni" işçilərin çıxarılması ilə bağlı yayılan xəbərə münasibət bildirdi

13
(Yenilənib 22:20 19.04.2021)
"Əməyin qiymətləndirilməsi və ödənilməsi zamanı əlavələrin verilməsində Azərbaycan Respublikası Əmək Məcəlləsinin tələblərinə və Metropoliten İşçiləri Həmkarlar İttifaqı ilə imzalanmış Kollektiv müqavilənin şərtlərinə tam əməl olunur." - "Bakı Metropoliteni" QSC

Nigar İsgəndərova, Sputnik Azərbaycan

BAKI, 19 aprel — Sputnik. "Bakı Metropoliteni" Qapalı Səhmdar Cəmiyyətində COVID-19 pandemiyası şəraitində tətbiq edilən xüsusi karantin rejimi dövründə, o cümlədən sərnişindaşıma fəaliyyəti dayandırıldığı müddətdə işçilərin işdən azad edilməsi halları olmayıb, eləcə də əmək haqlarının ödənilməsi ilə əlaqədar heç bir problem yaşanmayıb".

Bu barədə "Bakı Metropoliteni" QSC-dən işçilərin çıxarılması ilə bağlı şayiələr haqda Sputnik Azərbaycan-ın sorğusuna cavab olaraq bildirilib.

Qeyd olunub ki, işçilərinin əmək haqları əməyin ödənilməsi vahid tarif cədvəlinə uyğun olaraq aparılır:

"Xüsusi vurğulamaq istərdik ki, əməyin qiymətləndirilməsi və ödənilməsi zamanı əlavələrin verilməsində Azərbaycan Respublikası Əmək Məcəlləsinin tələblərinə və Metropoliten İşçiləri Həmkarlar İttifaqı ilə imzalanmış Kollektiv müqavilənin şərtlərinə tam əməl olunur. Nəinki pandemiya, həm də ondan əvvəlki dövrlərdə əmək haqlarına əlavələrin hesablanması və ödənilməsi ilə bağlı qaydalarda hər hansı dəyişiklik edilməyib. Başqa sözlə, əlavə və üstəliklər faktiki işlənilmiş vaxta mütənasib olaraq ödənilir və bu zaman xüsusi şərait, iş növbəsi üzrə, eləcə də Kollektiv müqavilədə nəzərdə tutulmuş digər hallar nəzərə alınır".

"Diqqətinizə çatdırırıq ki, "Bakı Metropoliteni" QSC-nin əməkdaşları Nazirlər Kabineti yanında Operativ Qərargahın pandemiya dövründə qəbul etdiyi qərarlara, tapşırıq və tövsiyələrə, eyni zamanda qəbul edilmiş müvafiq metodiki göstərişlərin tələblərinə uyğun qaydada işə cəlb olunurlar", - deyə qurumdan sorğuya cavab olaraq bildirilib.

13

Ey qızıl lalələr, qızıl lalələr video

0
(Yenilənib 13:03 06.05.2021)
Yaz fəsli Azərbaycan təbiətində xüsusi rəngarənglik yaradır. Bakı-Şamaxı-Yevlax avtomobil yolunun kənarında, Göyçayın Qarayazı kəndinin ətrafında bitən qızıl lalələr gözəl mənzərə ortaya çıxarıb.

Rayonun dörd bir yanında yamyaşıl çəmənliklərdə boy verən lalələr paytaxt sakinləri ilə bərabər, yerli qonaqların, yaradıcı insanların da diqqətini cəlb etməyi bacarır.

0
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

4
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

4