Yevlaxda Aşağı Bucaq kəndində

Yexlaxdakı cücə sexində faciə: İşçi qadın yanaraq öldü

22
(Yenilənib 16:21 15.04.2021)
Kənd sakini: "Gecə saatlarında qəfildən kəndin üzərinin qırmızı rəngə boyandığını gördük. Elə bildik qamışlıq yanır. Sonra qonşular dedi ki, yanan cücə sexidir".

Rahim Məmmədov, Sputnik Azərbaycan

BAKI, 15 aprel — Sputnik. Yevlaxda gecə saatlarında baş verən yanğın zamanı 53 yaşlı qadın yanaraq dünyasını dəyişib. Dəhşətli hadisə ötən gecə rayonun Aşağı Bucaq kəndindəki cücə sexində baş verib.

Sakinlər bildirib ki, qəfildən göyün üzünün qırmızı alova büründüyünü görüblər. Əvvəlcə qamışlığın yandığını zənn etsələr də, sonradan cücə sexinin alovlandığını görüblər. Güclü yanğın tez bir zamanda ətrafa yayıldığından hadisə yerinə yanğınsöndürənlər çağırılıb.

Kənd sakini Buğda Allahverdiyevin Sputnik Azərbaycan-a bildirdiyinə görə, yanğın zamanı obyektdən hər hansı əşya çıxarmaq mümkün olmayıb. Həmçinin sexin işçisi Səidə Hüseynova da yanaraq dünyasını dəyişib:

"Gecə saatlarında qəfildən kəndin üzərinin qırmızı rəngə boyandığını gördük. Elə bildik qamışlıq yanır. Sonra qonşular dedi ki, yanan cücə sexidir. Yanğınsöndürənləri çağırdıq. Çox çətinliklə söndürdülər. Heç nə çıxarmaq mümkün olmadı. Apartlar, yumurtalar, hər şey yanıb yararsız hala düşüb."
  • Yevlaxda Aşağı Bucaq kəndində
    © Sputnik / Rahim Mammadov
  • Yevlaxda Aşağı Bucaq kəndində
    © Sputnik / Rahim Mammadov
  • Yevlaxda Aşağı Bucaq kəndində
    © Sputnik / Rahim Mammadov
  • Yevlaxda Aşağı Bucaq kəndində
    © Sputnik / Rahim Mammadov
1 / 4
© Sputnik / Rahim Mammadov
Yevlaxda Aşağı Bucaq kəndində

Qeyd edək ki, yanğın zamanı ümumi sahəsi 30 m² olan birmərtəbəli evin yanar konstruksiyaları və ona bitişik ümumi sahəsi 520 m² olan cücə sexinin yanar konstruksiyaları 360 m² sahədə yanıb. Həmçinin orada olan aparatlar, xeyli yumurta yanaraq yararsız hala düşüb. Yanğın hadisəsinin hansı səbəbdən baş verdiyi aparılacaq araşdırmalardan sonra məlum olacaq.

22
Min bir gecə baleti, arxiv şəkli

"Min bir gecə" baleti beynəlxalq festivalda

2
(Yenilənib 23:11 07.05.2021)
Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

BAKI, 7 may — Sputnik. Görkəmli Azərbaycan bəstəkarı Fikrət Əmirovun "Min bir gecə" baleti mayın 13-dən iyunun 2-dək Tatarıstanın paytaxtı Kazanda keçiriləcək Rudolf Nureyev adına 36-cı Beynəlxalq klassik balet festivalında nümayiş olunacaq. Sputnik Azərbaycan xəbər verir ki, Tatarıstan Dövlət Akademik Opera və Balet Teatrının səhnəsində reallaşacaq festival Rusiyanın Əməkdar incəsənət xadimi, həmvətənimiz Eldar Əliyevin xoreoqrafik quruluşunda Mariinski Teatrının Primorsk səhnəsinin (Vladivostok) "Min bir gecə" tamaşası ilə açılacaq. Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

Eldar Əliyevin quruluşunda "Min bir gecə" baletinin premyerası 2020-ci ilin avqustunda olub.

Dünyaca məşhur balet artistləri, xoreoqraf və dirijorları bir araya gətirən Rudolf Nureyev adına festival 1987-ci ildən keçirilir.

2

Qəbul imtahanlarında pulsuz iştirak edəcək vətəndaşların siyahısı genişləndirilib

4
Yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

BAKI, 7 may - Sputnik. Ali və orta ixtisas təhsili müəssisələrinə tələbə qəbulunu stimullaşdırmaq və əhalinin sosial müdafiəsini daha da gücləndirmək məqsədi ilə “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamında dəyişiklik edilib.

Bu barədə Dövlət İmtahan Mərkəzindən (DİM) məlumat verilib.

Dəyişikliyə əsasən “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının (Azərbaycan Respublikasının Qanunvericilik Toplusu, 2017, № 2, maddə 271) 1.2-ci bəndinin sonunda nöqtə işarəsi nöqtəli vergül işarəsi ilə əvəz olunub və aşağıdakı məzmunda 1.3 – 1.7-ci bəndlər əlavə edilib:

“1.3. Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları;

1.4. şəhid ailəsinin üzvləri;

1.5. valideynlərini itirmiş və valideyn himayəsindən məhrum olmuş uşaqlar;

1.6. məcburi köçkün statusu olan şəxslər;

1.7. I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.”.

Beləliklə, yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

Xatırladaq ki, “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamına əsasən orta ixtisas təhsili müəssisələrinə və ali təhsil müəssisələrində ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı DİM-in keçirdiyi imtahanlarda iştirak etmək üçün Tarif (qiymət) Şurasının müəyyən etdiyi qiymətlərə uyğun olaraq, ümumi təhsil müəssisələrini bitirən aşağıdakı kateqoriyadan da olan Azərbaycan Respublikası vətəndaşlarının imtahanlarda iştirakı üçün tələb edilən məbləğin ödənilməsi dövlət büdcəsinin vəsaiti hesabına həyata keçirilir:

1.1. ilk dəfə orta ixtisas təhsili müəssisələrinə tələbə qəbulu ilə bağlı imtahanda iştirak üçün müraciət etmiş abituriyentlər;

1.2. ilk dəfə ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı imtahanda iştirak üçün müraciət etmiş abituriyentlər.

4