7 nömrəli məktəb

Yevlaxda müəllim laborant virusa yoluxdu,məktəb distant təhsilə keçdi

21
(Yenilənib 18:58 12.04.2021)
"Yoluxma qeydə alınan Nizami Gəncəvi adına 7 saylı orta məktəbdə 1185 şagird təhsil alır, 131 müəllim isə dərs tədris edir"

 

Rahim Məmmədov, Sputnik Azərbaycan

BAKI, 12 aprel — Sputnik. Son günlər koronavirusa yoluxma halları artdığından bir neçə rayon və şəhərdə orta məktəblər bağlanıb. Yoluxma hallarının qarşısını almaq üçün təhsil ocaqlarında tədris müvəqqəti olaraq dayandırılıb. Sputnik Azərbaycan xəbər verir ki, Yevlaxın ən böyük təhsil ocaqlarından biri olan 7 saylı orta məktəbdə də dərslər distant formaya keçirilib. Təhsil ocağında bir müəllim və bir laborantda koronovirus testi müsbət çıxdığından əyani tədris dayandırılıb.

Dahi Nizami Gəncəvinin adını daşıyan orta məktəbdə 1185 şagird təhsil alır, 131 müəllim isə həmin şagirdlərə dərs tədris edir. Yevlax rayon Təhsil Şöbəsinin məsləhətçisi Ümidvar Məmmədov Sputnik Azərbaycan-ın bölgə müxbirinə bildirib ki, orta məktəbdə dərslər 2 həftə ərzində distant formada keçiriləcək:

© Sputnik / Rahim Mammadov
Yevlax rayon Təhsil Şöbəsinin məsləhətçisi Ümidvar Məmmədov

"Aprel ayının 8-dən etibarən 7 saylı orta məktəbdə distant tədrisə keçilib. Pedoqoji heyətdə koronovirusa yoluxma faktı qeydə alınıb. Orta məktəbdə yoluxma hallarının artmaması üçün məktəb bağlanıb. Bundan sonra təhsil ocağında dezinfeksiya işləri aparılıb. Hazırda distant olaraq, dərslər davam etdirilir".

Ü.Məmmədov onu da qeyd edib ki, orta məktəb müəllimlərinin vaksinasiya işləri də sürətlə aparılır. Bu günə qədər təhsil işçilərinin böyük əksəriyyəti koronovirus əlehinə peyvənd edilib.

Ölkə üzrə tədris bərpa edildikdən sonra ilk dəfə olaraq Yevlaxda fəaliyyət göstərən bir orta məktəbdə dərslər distant formada keçirilir. Rayonun digər təhsil müəssələrində əyani tədris davam edir.

21
Taxıl biçini, arxiv şəkli

Taxıl biçini başlayacaq - Kombaynlara GPS qoşulur

6
(Yenilənib 23:29 08.05.2021)
May ayının sonundan etibarən Azərbaycanda taxıl biçininə başlanılacaq. Hazırda biçinə cəlb ediləcək kombaynlar üzərində sazlama işləri aparılır.

BAKI, 8 may — Sputnik. May ayının sonundan etibarən Azərbaycanda taxıl biçininə başlanılacaq. Bununla əlaqədar "Aqroservis" ASC tərəfindən biçinə hazırlıq işlərinin əsas mərhələsinə start verilib.

Sputnik Azərbaycan xəbər verir ki, hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexanizatorlar sertifikat ilə təmin ediliblər.

6
Türkiyə Silahlı Qüvvələrin Baş Qərargah rəisi Hulusi Akar, arxiv şəkli

Hulusi Akar son 5 ayda zərərsizləşdirdikləri terrorçuların sayını açıqlayıb

6
(Yenilənib 23:28 08.05.2021)
Türkiyənin müdafiə naziri ayın 5-i qeyd etmişdi ki, aprelin 23-dən bəri İraqın şimalında həyata keçirilən Pəncə - İldırım və Pəncə - Şimşək əməliyyatları nəticəsində 68 terrorçu zərərsizləşdirilib.

 

BAKI, 8 may — Sputnik. Yanvarın birindən bu günə qədər İraq və Suriyanın şimalında keçirilən əməliyyatlar zamanı 988 terrorçu zərərsizləşdirilib. Sputnik Azərbaycan "Anadolu" agentliyinə istinadən xəbər verir ki, bunu Türkiyənin müdafiə naziri Hulusi Akar bildirib.

Türkiyənin müdafiə naziri mayın 5-i qeyd etmişdi ki, aprelin 23-dən bəri İraqın şimalında həyata keçirilən Pəncə - İldırım və Pəncə - Şimşək əməliyyatları nəticəsində 68 terrorçu zərərsizləşdirilib.

6