Türkiyə bayrağı, arxiv şəkli

Türkiyə ilə İtaliya arasında diplomatik qalmaqal böyüyür

41
Türkiyə Prezident Administrasiyasının İctimaiyyətlə əlaqələr şöbəsinin rəhbəri Fəxrəddin Altun: "İtaliya diktator görmək istəyirsə, öz tarixinə baxsın".

 

BAKI, 9 aprel — Sputnik. İtaliyanın Baş naziri Mario Draqinin Avropa İttifaqı (Aİ) nümayəndələrinin Türkiyəyə səfəri zamanı baş verən kreslo qalmaqalı ilə əlaqədar Prezident Rəcəb Tayyib Ərdoğanın ünvanına səsləndirdiyi fikirlər Ankarada sərt reaksiya doğurub. Türkiyənin NTV kanalının yaydığı xəbərə görə, dünən gecə saatlarında İtaliyanın Türkiyədəki səfiri Massimo Qaiani Xarici İşlər Nazirliyinə çağırılıb.

Türkiyə Xarici İşlər Nazirliyindən bu barədə verilən açıqlamada bildirilir ki, qurum vəzifəyə təyinat yolu ilə gəlmiş Draqinin Avropada ən yüksək səslə seçilmiş lider olan Prezident Ərdoğan haqqında dediyi sözləri şiddətlə qınayır və belə hesab edir ki, bu addımın Türkiyə-İtaliya müttəfiqliyinə qətiyyən uyğun gəlmir "Odur ki Türkiyə-Aİ arasında formalaşmağa başlayan müsbət danışıqlar prosesini baltalamağa yönəlmiş bu çirkin ifadələrin dərhal geri götürülməsini istəyirik", – deyə açıqlamada vurğulanır.

Türkiyənin xarici işlər naziri Mövlud Çavuşoğlu isə "Twitter"-dəki paylaşımında "İtaliya Baş naziri Draqinin qəbuledilməz populist ritorikasını və seçki yolu ilə vəzifəyə gəlmiş Prezidentimiz haqqında çirkin, hədsiz ifadələrini şiddətlə qınayır və özünə qaytarırıq", – sözlərini yazıb.

Türkiyə Böyük Millət Məclisinin sədri Mustafa Şəntop isə "Twitter" hesabındakı paylaşımında "İtaliyanın çarəsizlikdən Baş nazir elədiyi şəxsin çirkin sözlərini özünə qaytarırıq. Xam və səviyyəsiz siyasətçi ölkəsinin çiynində ağır yükdür", – ifadələrinə yer verib.

Türkiyə Prezident Administrasiyasının İctimaiyyətlə əlaqələr şöbəsinin rəhbəri Fəxrəddin Altun öz sosial media hesabından məsələyə münasibət bildirərək italyan dilində "İtaliyanın vəzifəyə təyin olunmuş Baş naziri türk xalqının 52 faiz səsi ilə prezident seçilmiş hörmətli Rəcəb Tayyib Ərdoğana "diktator" deməklə həddini aşıb. Diplomatiyada yeri olmayan bu üslubu şiddətlə qınayırıq. Diktator görmək istəyən İtaliyanın tarixinə baxsın", - sözlərini yazıb.

Qeyd edək ki, İtaliyanın Baş naziri Ərdoğanla bağlı aşağıdakı ifadələri işlətmişdi: "Türk prezident Ərdoğanın davranışını qətiyyən qəbul etmirəm. Hesab edirəm ki, bu, tamamilə yersiz davranış idi. Avropa Komissyasının sədri Von der Leyenin bu şəkildə aşağılanmasına görə çox məyus oldum. Bu durumda onlara lazım olan qiyməti verib öz adları ilə çağırmalıyıq. Bu diktatorların iş birliyinə ehtiyacları var".

41
Vladimir Putin və Co Bayden arasında görüş, 2011-ci il

Bayden Putinin görüşü: Bakının şansı qədərdir?

1535
Əgər Bayden erməni tərəfinə bağlılığından əl çəksə, o zaman rahat şəkildə Xəzərin Azərbaycan sahilində rusiyalı həmkarı ilə ciddi danışıqlar apara bilər.

BAKI, 7 may — Sputnik. ABŞ və Rusiya Prezidentləri Co BaydenVladimir Putin Azərbaycanın paytaxtı Bakıda görüşə bilər. Sputnik Azərbaycan "Politico" nəşrinə istinadən xəbər verir ki, bu barədə ABŞ-ın sabiq rəsmi şəxsləri bildiriblər.

Bu ilin aprelində Çexiya Baş nazirinin birinci müavini (həmin vaxt Çexiya XİN-in səlahiyyətlərini icra edirdi) Yan Qamaçek bildirib ki, bu ölkənin Moskva və Vaşinqtondakı səfirlərinə Rusiya – ABŞ sammitinin Praqada keçirilməsini təklif etməyi tapşırıb. Bu bəyanat Çexiya və Rusiya arasında diplomatik böhran baş verməmişdən qabaq səsləndirilib.

ABŞ-ın sabiq rəsmi şəxsləri və analitikləri bəyan ediblər ki, hər iki prezidentin görüşü Çexiya paytaxtı Praqa, İslandiya paytaxtı Reykyavik, Sloveniya paytaxtı Lyublyana və Azərbaycan paytaxtı Bakıda da keçirilə bilər.

Nəşr qeyd edir ki, Bakının görüş yeri kimi seçilməsi də gəzinti kimi bir şey olardı, xüsusilə ABŞ tərəfi üçün. Azərbaycanın həm Vaşinqton, həm də Moskva ilə güclü əlaqələri olmasına baxmayaraq, bu, qeyri-standart seçim olardı. Baydenin Bakıya gəlmə şansları o qədər də yüksək deyil. Səbəblərdən biri: Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

"Politico" yazır ki, Baydenin Bakıya səfəri böyük ehtimalla Ermənistanı, həmçinin erməni əsilli amerikalıları narahat edəcək: "Bayden bu yaxınlarda 20-ci əsrin əvvəllərində baş verən "erməni soyqırımı"nı rəsmi olaraq tanıyaraq bu icmanın əksəriyyətini sevindirdi".

Bakının üstünlükləri 
Sözsüz ki, əgər bu görüş həqiqətən baş tutacaqsa, tərəflər onun harada keçirilməsi barədə qərarı özləri verəcəklər. Lakin biz, “Politico”dan fərqli olaraq, Bakını görüşün keçirilmə ehtimalı olan yerlər siyahısından silmirik.
Birincisi, ona görə ki, elə bu günlərdə ABŞ prezidentinin administrasiyası “Azadlığa dəstək aktı”na 907-cü düzəlişin dayandırılması müddətini uzadıb. Beləliklə, Bayden Azərbaycana birbaşa yardım etməyə icazə verib.
Özü də bu barədə ABŞ dövlət katibi Entoni Blinken Azərbaycan prezidenti İlham Əliyevə şəxsən telefonla məlumat verib ki, bu da Amerika tərəfinin Bakı ilə münasibətlər qurmaq niyyətindən xəbər verir.
İkincisi, Azərbaycan paytaxtı artıq neçə illərdir ki, ciddi beynəlxalq tədbirlərə ev sahibliyi edir, həmçinin ABŞ və Rusiyadan olan yüksək mənsəb sahiblərinin görüşləri üçün şərait yaradır.


Belə ki, 2017-ci ildə Bakıda Rusiya Silahlı Qüvvələrinin Baş qərargah rəisi, general Valeri Gerasimov və NATO Hərbi komitəsinin rəhbəri Petr Pavel arasında görüş olub. Daha sonra, 2018-ci ildə Gerasimov iki dəfə Bakıda NATO birləşmiş qüvvələrinin ali baş komandanı Kertis Skaparotti ilə görüşüb. 2019-cu ildə isə Gerasimov bir daha Bakıya gələrək burada NATO Hərbi komitəsinin sədri ilə görüşüb.
2020-ci ilin fevralında, pandemiya ərəfəsində Azərbaycan paytaxtında rusiyalı generalın NATO-nun Avropadakı birləşmiş qüvvələrinin baş komandanı Tod Uolterslə danışıqları da keçirilib.
Bütün hallarda danışıqlar yüksək səviyyədə keçirilib və tərəflər Azərbaycan hakimiyyətinə tədbirlərin keçirilməsi üçün şərait yaratdığına görə minnətdarlıq ifadə ediblər.
Odur ki, əgər Bayden erməni tərəfinə bağlılığından əl çəksə, o zaman rahat şəkildə Xəzərin Azərbaycan sahilində rusiyalı həmkarı ilə ciddi danışıqlar apara bilər.
Həm də ki, hazırda Bakı, bir çox Avropa paytaxtlarından fərqli olaraq, pandemiyadan sonra özünə gəlməyə başlayır. Şəhərdə faktiki olaraq heç bir məhdudiyyət yoxdur və baxmalı yerlər də var. Məsələn, dünyada yeganə olan “Suraxanı tanker-muzeyi”, İçəri Şəhərin Qoşa Qala qapısı yanındakı köhnə hamam, Hərbi Qənimətlər Parkı.

Eləcə də oxuyun: 

* Bayden Azərbaycana hərbi yardıma niyə icazə verir – politoloq şərhi

* Hərbi ekspert Baydenin qərarı barədə: "Bakı Vaşinqtona hava-su kimi lazımdır"

* Gerasimov Bakıda - NATO ilə təkbətək

 

1535
Şuşada konsert, arxiv şəkli

Şuşada "Xarıbülbül" musiqi festivalı keçiriləcək

4
32 ildən sonra Cıdır düzündə keçiriləcək budəfəki "Xarıbülbül" musiqi festivalı Heydər Əliyev Fondu tərəfindən təşkil olunur

BAKI, 7 may — Sputnik. Azərbaycan Prezidenti İlham Əliyevin tapşırığına uyğun olaraq, Azərbaycanın mədəniyyət paytaxtı Şuşa şəhərində "Xarıbülbül" musiqi festivalı keçiriləcək.

Sputnik Azərbaycan-ın məlumatına görə, bu barədə Heydər Əliyev Fondundan məlumat verilib.

Bildirilib ki, Şuşanın rəmzi olan gülün adını daşıyan "Xarıbülbül" musiqi festivalı ilk dəfə 1989-cu ilin may ayında Şuşanın əsrarəngiz Cıdır düzündə təşkil olunub.

32 ildən sonra Cıdır düzündə keçiriləcək budəfəki "Xarıbülbül" musiqi festivalı Heydər Əliyev Fondu tərəfindən təşkil olunur. Hazırda festivala son hazırlıq işləri görülür.

Festival çərçivəsində Cıdır düzündə Azərbaycanda yaşayan müxtəlif xalqların musiqi yaradıcılığı "Azərbaycan musiqisində multikulturalizm" mövzusunda təqdim ediləcək, xalq mahnıları və klassik musiqidən ibarət proqram təşkil olunacaq.

4