T-72 tankı, arxiv şəkli

Rusiyadan Ermənistana hərbi texnika göndərilməsinin qarşısı alındı

1485
(Yenilənib 16:05 06.04.2021)
Məlumatda qeyd olunur ki, müsadirə olunan stabilizatorlar "T-72" tankları da daxil olmaqla hərbi texnikaya yerləşdirilir. Onların açıq şəkildə ticarəti qadağan olunub.

Eldar Tanrıverdiyev, Sputnik Azərbaycan

BAKI, 6 aprel — Sputnik. Ural gömrük xidməti tərəfindən Ermənistana tank stabilizatorlarının ehtiyat hissələrinin göndərilməsinin qarşısı alınıb. Bu barədə Sputnik Azərbaycan Rusiya KİV-nə istinadən xəbər verir.

"Hərbi təyinatlı məhsulu - 37 ədəd 8L026P tezlikli stabilizator və tank stabilizatorunun idarəetmə bölməsi üçün 30 ədəd RP-5 polarizə relesini - Cənubi Ural (Çelyabinsk vilayəti) sakini kuryer xidməti vasitəsilə göndərib", - deyə Ural Gömrük Xidmətinin yaydığı məlumatda bildirilir.

Qeyd olunur ki, məhsulu göndərmək üçün adı çəkilməyən şəxs kuryer xidmətinə nəqliyyat-logistika şirkətinə saxta ixrac sənədləri təqdim edib.

O, identifikasiya nömrələrini gizlətmək və onlara yeni görünüş vermək üçün stabilizatorları rəngləyib.

Məlumatda qeyd olunur ki, müsadirə olunan stabilizatorlar "T-72" tankları da daxil olmaqla hərbi texnikaya yerləşdirilir. Onların açıq şəkildə ticarəti qadağan olunub.

Hazırda Rusiyada faktla bağlı Rusiya Federasiyasının Cinayət Məcəlləsinin 226.1 (Hərbi texnikanın materiallarının və avadanlıqlarının qaçaqmalçılığı) maddəsi ilə cinayət işi açılıb. Bu maddə ilə cinayət işi üzrə təqsirdirilən şəxs 7 ilə qədər azadlıqdan məhrum edilə və 1 milyon rubl (22 236 AZN) miqdarında cərimələnə bilər.

1485
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

4
"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər. 

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

4
Teqlər:
səfər, Rusiya, Türkiyə, Mövlüd Çavuşoğlu
Yanğın şlanqı, arxiv şəkli

Bakının mərkəzində çaxnaşma: dördmərtəbəli binada yanğın oldu

6
(Yenilənib 00:19 21.04.2021)
Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar.

BAKI, 21 aprel - Sputnik. Bakının mərkəzində yanğın olub.

Sputnik Azərbaycan bildirir ki, Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nəsimi rayonu, 28 May küçəsi 4 ünvanında yerləşən dördmərtəbəli binada yanğın olması barədə məlumat daxil olub.

Nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunublar. Yanğın söndürülüb.

 

6
Teqlər:
yanğın, Bakı