Serbiyada vaksinasiya prosesi

107 yaşlı serbiyalı xanım koronavirusa qarşı peyvənd olunub

126
Serbiya vətəndaşları istədikləri vaksini seçərək peyvənd vurulması üçün onlayn ərizə ilə müraciət edə bilərlər.

BAKI, 5 aprel — Sputnik. Serbiyanın Novi-sad şəhərinin 107 yaşlı sakini, 1914-cü il təvəllüdlü İlona Kovaç koronavirusa qarşı peyvənd olunub. Sputnik Azərbaycan Rusiya mediasına istinadən xəbər verir ki, İlona xanım artıq peyvəndin ikinci dozasını da alıb.

Həkimlərin sözlərinə görə, İlona xanım özünü əla hiss edir. Xanıma məhz hansı peyvəndin vurulması açıqlanmır. Lakin həkimlər bütün peyvəndlərin faydalı olduğunu bildiriblər.

Xəstəxananın ictimaiyyətlə əlaqələr departamentinin əlaqələndiricisi Zorka Bakoviç bildirib ki, 107 yaşlı Kovaç özü peyvənd olunmaq arzusunu bildirib, "hazırda sağ və salamatdır". İlona xanıma peyvəndin ilk dozası xəstəxana, ikinci dozası isə ev şəraitində vurulub.

Qeyd edək ki, Serbiya əhalisi ABŞ və Almaniyanın birgə istehsalı olan "Pfizer/BioNTech", Rusiyanın "Sputnik V", Çinin "Sinopharm", habelə İngiltərə və İsveç alimlərinin birgə hazırladıqları "AstraZeneca" preparatı ilə peyvənd olunur. Serbiya vətəndaşları istədikləri vaksini seçərək peyvənd vurulması üçün onlayn ərizə ilə müraciət edə bilərlər.

126
Kosmos

Rəşad Nəbiyev: "Azərbaycan dünya kosmik sənayesinin üzvünə çevrilib"

2
"Peyklərimiz dünya kosmik ailəsində layiqli yerimizi təmin edib", - rabitə və yüksək texnologiyalar naziri qeyd edib.

BAKI, 12 aprel — Sputnik. "Bu gün insanın kosmosa ilk uçuşundan 60 il ötür".

Sputnik Azərbaycan xəbər verir ki, bunu nəqliyyat, rabitə və yüksək texnologiyalar naziri Rəşad Nəbiyev bildirib.

"Çox sevinirəm ki, Prezident İlham Əliyevin uzaqgörən siyasəti nəticəsində Azərbaycan dünya kosmik sənayesinin üzvünə çevrilib. Peyklərimiz dünya kosmik ailəsində layiqli yerimizi təmin edib", - Rəşad Nəbiyev qeyd edib.

2

Yevlax Sabirabadda ağır cinayətin qarşısı alınıb

6
(Yenilənib 10:25 12.04.2021)
Yevlax RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Elvin Əliyevin yaşadığı evin həyətində qonaqların iştirakı ilə özünə toy məclisi təşkil etdiyi müəyyən edilib.

BAKI, 12 aprel — Sputnik. Daxili işlər orqanlarının əməkdaşları tərəfindən karantin rejimi qaydalarının pozulması hallarının qarşısının alınması istiqamətində tədbirlər davam etdirilir.

DİN-in mətbuat xidmətinin Bərdə regional qrupundan verilən məlumata görə, Sabirabad RPŞ-nin əməkdaşları tərəfindən həyata keçirilmiş növbəti tədbirlər zamanı Qarağac kənd sakini Etibar Qocayevin yaşadığı evin həyətində qonaqların iştirakı ilə övladına toy məclisi təşkil etdiyi müəyyən edilib.

Həmin ünvana baxış keçirilən zaman sanitar-epidemioloji və karantin qaydalarının pozulduğu aşkar edilib. Polis əməkdaşları tərəfindən qayda pozuntusuna yol vermiş 9 nəfər barəsində qanunamüvafiq tədbirlər yerinə yetirilib.

Yevlaxda da toy məclisi aşkarlanıb. Yevlax RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Elvin Əliyevin yaşadığı evin həyətində qonaqların iştirakı ilə özünə toy məclisi təşkil etdiyi müəyyən edilib. Həmin ünvana baxış keçirilən zaman sanitar-epidemioloji və karantin qaydalarının pozulduğu aşkar edilib. Polis əməkdaşları tərəfindən qayda pozuntusuna yol vermiş 6 nəfər barəsində qanunamüvafiq tədbirlər yerinə yetirilib.

6