Heydər Əliyev adına Tbilisi Dövlət Azərbaycan Dram Teatrında səhnə

Gürcüstandakı Azərbaycan teatrı yeni premyeralara hazırlaşır

13
(Yenilənib 13:22 05.04.2021)
Bütün tamaşalar karantin normalarına riayət edilməklə nümayiş olunacaq. Yəni sosial məsafə qorunacaq, tamaşaçıların temperaturu yoxlanacaq, ən əsası isə, bütün tamaşaçılar maskada olacaqlar.

BAKI, 5 aprel — Sputnik. Kəmalə Əliyeva. Heydər Əliyev adına Tbilisi Dövlət Azərbaycan Dram Teatrı bir illik fasilədən sonra yenidən qapılarını tamaşaçıların üzünə açıb. Teatrın bədii rəhbəri, rejissor Turqay Vəlizadənin Sputnik Azərbaycan-a verdiyi məlumata görə, teatr tezliklə tamaşaçıları yeni premyeralarla sevindirəcək.

Xatırladaq ki, cari ilin aprelin 1-də Gürcüstanda bütün teatrların fəaliyyəti bərpa olunub. Bütün teatr kollektivləri kimi, Azərbaycan teatrının da kollektivi COVID-19 pandemiyası və onunla bağlı məhdudiyyətlərdən irəli gələn bir çox çətinlikləri dəf etməli olub.

  • Heydər Əliyev adına Tbilisi Dövlət Azərbaycan Dram Teatrında səhnə
    © Photo: Tbilisi Azerbaijan State Drama Theater named after Heydar Aliyev
  • Heydər Əliyev adına Tbilisi Dövlət Azərbaycan Dram Teatrında səhnə
    © Photo: Tbilisi Azerbaijan State Drama Theater named after Heydar Aliyev
  • Heydər Əliyev adına Tbilisi Dövlət Azərbaycan Dram Teatrında səhnə
    © Photo: Tbilisi Azerbaijan State Drama Theater named after Heydar Aliyev
1 / 3
© Photo: Tbilisi Azerbaijan State Drama Theater named after Heydar Aliyev
Heydər Əliyev adına Tbilisi Dövlət Azərbaycan Dram Teatrında səhnə

"Onlayn tamaşalar canlı teatrla müqayisə oluna bilməz. Teatr tamaşaları canlı nümayiş olunmalıdır. Teatr kinodan onunla fərqlənir ki, burada tamaşaçı aktyorla canlı ünsiyyətdə olur. Hətta səhnədə arxası tamaşaçıya dayansaq belə biz publikanın həyəcanını, heyrətini hiss edirik. Bütün bunlar onlayn formatda tamaşalar zamanı mümkün deyil. Teatrların bağlanması ilə barışmaq artistlər üçün çətindir. Çünki onlar evdə oturmağa deyil, hərəkətdə olmağa öyrəşiblər", - deyə Vəlizadə bildirib.

Hazırda kollektiv tamaşalar göstərmir. Çünki hələ ötən il qoyulmuş, lakin tamaşaçılara nümayiş olunmamış tamaşaları bərpa etmək lazımdır. Tamaşaların dəqiq tarixləri hələ məlum deyil, amma onlar təqribən aprel ayında, karantin normalarına riayət edilməklə nümayiş olunacaq. Yəni sosial məsafə qorunacaq, tamaşaçıların temperaturu yoxlanacaq, ən əsası isə, bütün tamaşaçılar maskada olacaqlar.

© Photo: Tbilisi Azerbaijan State Drama Theater named after Heydar Aliyev
Heydər Əliyev adına Tbilisi Dövlət Azərbaycan Dram Teatrının kollektivi

"Karantin kollektivimizi təkcə səhnədə çıxış etmək imkanından deyil, həmçinin beynəlxalq qastrollardan da məhrum edib. Sonuncu dəfə qastrolda 2019-cu ilin sonunda olmuşuq. O zaman biz Qazaxıstanda və Ankarada keçirilən teatr festivallarında iştirak edirdik. Bütün qalan səyahətləri təxirə salmalı olduq. Məni rejissor kimi bir neçə xarici teatrlarda tamaşa qoymağa dəvət edirlər. Lakin hələ ki,bu işləri təxirə salmalı oluram. Kaş ki hər şey tezliklə normal vəziyyətə qayıtsın", - deyə Vəlizadə bildirib.

Qeyd edək ki, teatr rəhbərinin yeni tamaşa quruluşları və xarici qastrollarla bağlı çoxlu planları var. Bundan əlavə, bədii rəhbər həmçinin teatrda təmirlə bağlı problemlərin də həll olunacağına ümidvardır.

13
 Reanimasiyada COVİD-19 xəstəsi, arxiv şəkli

Ermənistanda koronavirusla bağlı vəziyyət gərgindir

5
(Yenilənib 23:05 19.04.2021)
Ermənistanda bu virusdan ölənlərin sayı 3895-ə, sağalanların sayı isə 189017-yə çatıb. Hazırda bu ölkədə 14924 nəfər xəstəxanada müalicə alır.

BAKI, 19 aprel — Sputnik. Ermənistanda koronavirusa yoluxanların sayı 208818-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 298 nəfər artıb.

Ermənistanda son gündə daha 17 nəfər ölüb. Ümumilikdə bu virusdan ölənlərin sayı 3895-ə, sağalanların sayı isə 189017-yə çatıb. Hazırda bu ölkədə 14924 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 141,4 milyonu keçib, 3 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

5
 Rusiyada epdimioloji vəziyyət

Rusiyada koronavirusdan ölüm sayı azalmaq bilmir

11
(Yenilənib 23:36 19.04.2021)
Rusiyada pandemiya yayılandan 105928 nəfər COVID-19-dan vəfat edib. Ölkədə bu virusdan sağalanların sayı 4310557-yə çatıb.

BAKI, 19 aprel — Sputnik. Son bir sutka ərzində Rusiyada 8589 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 346 nəfər ölüb.

Ümumilikdə, Rusiyada bu xəstəliyə yoluxanların sayı 4710690-a çatıb. Rusiyada pandemiya yayılandan 105928 nəfər COVID-19-dan vəfat edib. Ölkədə bu virusdan sağalanların sayı 4310557-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 141,4 milyonu keçib, 3 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

11