Rusiyada epdimioloji vəziyyət

"Rospotrebnadzor" pandemiyanın bitməsinin maksimum müddətini proqnozlaşdırıb

265
Hadisələrin pis cərəyan edəcəyi təqdirdə isə infeksiyanın yayılması bir il ərzində sona yetəcəkHadisələrin pis cərəyan edəcəyi təqdirdə isə infeksiyanın yayılması bir il ərzində sona yetəcək

BAKI, 2 aprel — Sputnik. Koronavirus pandemiyası hadisələrin optimal ssenari əsasında cərəyan edəcəyi təqdirdə yarım ildən sonra başa çatacaq. Sputnik Azərbaycan Rusiya mediasına istinadən xəbər verir ki, bunu "Rospotrebnadzor"un nəzdindəki Epidemiologiya üzrə mərkəzi elmi-tədqiqat institutunun direktor müavini Natalya Pşeniçnaya deyib. Onun sözlərinə görə, hadisələrin pis cərəyan edəcəyi təqdirdə isə infeksiyanın yayılması bir il ərzində sona yetəcək.

"Hələ ötən ilin aprel ayında alimlər riyazi hesablamalar əsasında dünyanı pandemiyanın minimum bir il yarım – iki il davam edəcəyi barədə xəbərdar etmişdi. Biz görürük ki, bu hesablamalar hələ ki, özünü doğruldur", - deyə Pşeniçnaya xatırladıb.

Direktor müavini onu da əlavə edib ki, vəziyyətin nikbin və ya bədbin ssenari üzrə cərəyan etməsi vətəndaşların nə dərəcədə şüurlu davranacağından və profilaktik tədbirlərə riayət edib-etməyəcəyindən asılı olacaq.

Xatırladaq ki, bir müddət əvvəl Rusiyanın səhiyyə naziri Mixail Muraşko ölkədə COVID-19 epidemiyasının 2021-ci ildə başa çatması üçün bütün tədbirlərin görüldüyünü deyib. Onun sözlərinə görə, gələn il koronavirus peyvəndi vurulmuş vətəndaşların sayı, yaşlılar da nəzərə alınmaqla, on milyonlarla ölçülə bilər.

"Biz immunitetli təbəqənin olmasını təmin etməliyik", - deyə nazir qeyd edib.

Pandemiya dövrü ərzində Rusiyada 4554264 yoluxma halı qeydə alınıb, 4176419 nəfər sağalıb, infeksiyadan 99233 nəfər dünyasını dəyişib. Dünyada 129 milyona qədər insan koronavirusa yoluxub, 2,8 milyondan çox insan həlak olub.

265
Azərbaycanda Formula 1

Azərbaycanda Formula 1-ə görə viza prosedurları sadələşdirildi - SƏRƏNCAM

2
(Yenilənib 17:19 17.04.2021)
Dövlət Miqrasiya Xidməti Azərbaycana uçuşlar həyata keçirən aviasiya şirkətlərinə 2021 Formula 1 Azərbaycan Qran Pri yarışı ilə bağlı Azərbaycana gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə məlumat verməlidir.

BAKI, 17 aprel — Sputnik. Prezident İlham Əliyev "2021 Formula 1 Azərbaycan Qran Pri yarışının təşkili və keçirilməsi ilə bağlı Azərbaycan Respublikasına gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında" sərəncam imzalayıb.

Sərəncamla müəyyən edilib ki, 2021 Formula 1 Azərbaycan Qran Prisinin təşkili və keçirilməsi ilə əlaqədar Azərbaycan Respublikasına gələn və bu Sərəncamın 2-ci hissəsində göstərilən sənədlərdən hər hansı birini təqdim edən əcnəbilər və vətəndaşlığı olmayan şəxslər 2021-ci il mayın 1-dən iyunun 15-dək Azərbaycan Respublikasının beynəlxalq hava limanlarında viza ala bilərlər.

Aşağıdakı sənədlərdən biri viza verilməsi üçün əsas hesab edilir:

Formula 1 yarışlarının beynəlxalq təşkilatçıları olan "Formula One Management Limited" Şirkətinin və Beynəlxalq Avtomobil Federasiyasının müvafiq qaydalarına uyğun olaraq akkreditasiyadan keçməni təsdiq edən akkreditasiya kartı;

Bakı Şəhər Halqası Əməliyyat Şirkətində akkreditasiyadan keçməni təsdiq edən akkreditasiya kartı.

Azərbaycan Respublikasının Xarici İşlər Nazirliyinə 2021 Formula 1 Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə "Formula One Management Limited" Şirkətinə, Beynəlxalq Avtomobil Federasiyasına və xarici ölkələrin müvafiq orqanlarına məlumat versin və bu məlumatın Nazirliyin, eləcə də Azərbaycan Respublikasının xarici ölkələrdəki səfirliklərinin və konsulluqlarının internet informasiya ehtiyatlarında yerləşdirilməsini təmin etmək tapşırılıb.

Azərbaycan Respublikasının Dövlət Miqrasiya Xidməti Azərbaycan Respublikasına uçuşlar həyata keçirən aviasiya şirkətlərinə 2021 Formula 1 Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə məlumat verməlidir.

2

Azərbaycanda bir gündə 2287 nəfər COVID-19-dan sağalıb

9
İndiyədək ölkədə ümumilikdə 298522 nəfərin koronavirus infeksiyasına yoluxması faktı müəyyən edilib, onlardan 262480 nəfər müalicə olunaraq sağalıb, 4107 nəfər vəfat edib, aktiv xəstə sayı 31935 nəfərdir.

BAKI, 17 aprel - Sputnik. Azərbaycan Respublikasında koronavirus (COVID-19) infeksiyasına 2148 yeni yoluxma faktı qeydə alınıb, 2287 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 298522 nəfərin koronavirus infeksiyasına yoluxması faktı müəyyən edilib, onlardan 262480 nəfər müalicə olunaraq sağalıb, 4107 nəfər vəfat edib, aktiv xəstə sayı 31935 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 14583, ötən müddət ərzində isə ümumilikdə 3096740 test aparılıb.

9