Sən supersən! finalı

"Sən supersən - 60+" başlayır

11
(Yenilənib 14:28 31.03.2021)
Bu dəfə müsabiqənin iştirakçıları müxtəlif səbəblərdən yaxınlarının və doğmalarının dəstəyindən məhrum olmuş yaşlı vokalçılardır.

BAKI, 31 mart — Sputnik. "Sən supersən!" yenidən həm Rusiyanın müxtəlif guşələrindən, həm də MDB və Baltikyanı ölkələrdən olan istedadlı insanları eyni səhnədə bir araya gətirəcək. Ancaq bu dəfə müsabiqənin iştirakçıları müxtəlif səbəblərdən yaxınlarının və doğmalarının dəstəyindən məhrum olmuş yaşlı vokalçılardır. Rusiyanın NTV kanalı musiqi müsabiqəsi çərçivəsində yeni layihəyə başladığını elan edib. "Sən supersən!" adlı böyük səs-küy doğurmuş şou çərçivəsində 60 yaşdan yuxarı istedadlı insanlar üçün ayrıca müsabiqə düzənlənəcək. Yeni layihə "Sən supersən! 60+" adlanır.

NTV-nin baş prodüseri Timur Vaynşteynin sözlərinə görə, "Sən supersən!" müsabiqəsinin yeni istiqaməti təsadüfən yaranmayıb.

"Bu şou 18 ölkədən olan 385 uşaq üçün ailə oldu və əməlli-başlı hərəkata çevrildi. Biz çox istərdik ki, dəstəkdən məhrum olmuş yaşlı insanlara da öz yaradıcı potensiallarını nümayiş etdirmək və arzularını reallaşdırmaq üçün kömək edək".

Onun sözlərinə görə, müsabiqə, həmçinin vokalçılara öz doğmaları və yaxınları ilə görüşmək imkanı verəcək. Artıq seçim turu başa çatıb: müsabiqənin ən gənc iştirakçısının 60 yaşı yeni tamam olub, ən yaşlısının isə 87 yaşı var.

İşitrakçılardan bəziləri peşəkar musiqiçilərdir. Məsələn, yeni şounun birinci mövsümünün iştirakçıları arasında konservatoriya məzunu və Mariinski Teatrının aktyoru da var.

Bununla belə, iştirakçıların əksəriyyəti peşəkar musiqiçilər deyil. Onların arasında həkimlər, kimyaçılar, evdar xanımlar və hətta Rusiya Daxili İşlər Nazirliyinin istefada olan polkovniki var.

Ənənəyə uyğun olaraq bu şounun da aparıcıları Vadim Takmenyov və Anastasiya Pak olacaq. Müsabiqənin münsiflər heyətinin tərkibi isə hələlik gizli saxlanılır.

Qaydalara gəlincə, demək olar ki, heç nə dəyişməyib. Müsabiqə iki mərhələdə keçiriləcək: seçim və final. Çıxış edəndən sonra münsiflərdən üç və ya dörd "hə" alan iştirakçı gözləmə otağına keçmək imkanı qazanacaq. Əgər münsiflərdən heç biri yaşıl düyməni vurmasa, səslər yarıya bölünəcək, yaxud da münsiflərdən yalnız biri səs versə, vokalçı layihədən çıxacaq.

"Sən supersən!" şousu dəfələrlə Rusiyanın TEFİ mükafatına layiq görülüb.

Yeni "Sən supersən! 60+" şousu NTV kanalı, Sputnik Beynəlxalq İnformasiya Agentliyi və radiosu tərəfindən Maarif Nazirliyinin dəstəyi ilə keçirilir.

11
Teqlər:
"Sən supersən!" Beynəlxalq Vokal Müsabiqəsi, "Sən supersən!" beynəlxalq vokal layihəsi, "Sən supersən!" musiqi müsabiqəsi, "Sən supersən!" müsabiqəsi
Prezident İlham Əliyev, arxiv şəkli

"Ermənistan Azərbaycanla aqressiv davranmağa cəhd etmək durumunda deyil" - İlham Əliyev

0
"Bəli, mən prezidentəm və öz öhdəliklərimi yerinə yetirməliyəm. Lakin biz hamımız insanıq, hisslərimiz var. Biz onları gizlədə, onları idarə edə bilərik. Bəzən bu çox çətindir".

Eldar Tanrıverdiyev, Sputnik Azərbaycan

BAKI, 13 aprel — Sputnik. Təbii ki, azərbaycanlıların və ermənilərin gələcəkdə necə qarşılıqlı əlaqədə olacağını təxmin etmək çətindir. Düşünürəm ki, bu, böyük ölçüdə siyasətçilərin iradəsindən və siyasi müdrikliyindən asılı olacaq. Düşünürəm ki, burada, həm də Yerevanda körpülər qurmaq üçün daha aktiv olmalıyıq. Təbii ki, əgər bunu Ermənistan istəyirsə. Biz onların niyyətlərini bilmirik. Onlar bunu heç vaxt açıqlamayıblar. Sputnik Azərbaycan xəbər verir ki, bunu Azərbaycan Prezidenti İlham Əliyev bu gün ADA Universitetində keçirilən "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında deyib.

"Mən artıq bir neçə dəfə demişəm ki, biz müharibə səhifəsinin bağlandığını düşünürük. Mən artıq bir neçə dəfə demişəm ki, biz artıq Ermənistanla mümkün sülh razılaşması ilə bağlı da danışa bilərik. Bu bizim planlarımızdır. Lakin biz Ermənistan tərəfindən belə bir mesajlar görmürük.

Ermənistan Baş naziri susub. Ermənistan xarici işlər naziri isə aqressivdir. Ermənistan Azərbaycanla aqressiv davranmağa cəhd etmək durumunda deyil. Müharibə zamanı baş verənləri xatırlamalıdırlar. Erməni müxalifəti əslində isteriyadadır. Hazırda Azərbaycanafobiya və türkofobiya yeganə amilə çevrilib. Bu onlarda həmişə ən önəmli faktorlardan biri olub. Onların seçki kampaniyalarını Azərbaycanafobiya və türkofobiya, revanşizm hissi üzərində quracaqlarına əminəm.

Buna görə bu qarşılıqlı əlaqəni birtərəfli qura bilmərik. Mövqeyimiz aydındır. Biz buna hazırıq. Bu asan olmayacaq. Ağdama və digər işğaldan azad olunan ərazilərə qayıdacaq sabiq məcburi köçkünlər ermənilərin onların torpaqlarına, onların yaxınların məzarlarına, dini abidələrə nə etdiklərini görəcəklər. Onlar nə hiss edəcəklər? Mən bunu təxmin edə bilərəm. Bilirsiniz, mən müharibə zamanı təmas xəttini keçəndə və ya Ağdama binokl vasitəsi ilə baxanda və işğaldan azad olunan ərazilərə səfər edəndə eyni şeyi hiss etdim. Bəli, mən prezidentəm və öz öhdəliklərimi yerinə yetirməliyəm. Lakin biz hamımız insanıq, hisslərimiz var. Biz onları gizlədə, onları idarə edə bilərik. Lakin bəzən bu çox çətindir. Mən Azərbaycanlı qaçqınların hansı hissləri keçirəcəyini proqnozlaşdıra bilmərəm. Lakin gələcəyə baxan bir insan kimi, əgər Ermənistan tərəfi müsbət siqnallar verərsə, biz bu əlaqələri qurmaq üçün hər şeyi edəcəyik", -  Azərbaycan Prezidenti əlavə edib.

0

"İskəndər-M" raketləri barədə Bakı Moskvaya rəsmi məktub ünvanlayıb

3
(Yenilənib 11:49 13.04.2021)
"Mən Azərbaycan xalqından heç nə gizlətmirəm və hesab edirəm ki, Azərbaycan xalqı hər şeyi bilməlidir".

BAKI, 13 aprel — Sputnik. Azərbaycan Prezidenti İlham Əliyev rusiyalı həmkarı Vladimir Putinlə Qarabağda "İskəndər-M" raketlərinin qalıqlarının aşkar olunması barədə məlumatı müzakirə etdiyini bildirib. Sputnik Azərbaycan bildirir ki, Azərbaycanın Müdafiə Nazirliyi Rusiyanın Müdafiə Nazirliyinə rəsmi məktub ünvanlayıb.

"Aprelin 1-də mənim rusiyalı həmkarım Vladimir Putinlə telefon danışığım olub. Adətən, bildiyiniz kimi, telefon danışıqlarının məzmunu iki tərəf arasında razılaşdırılır, birgə, razılaşdırılmış məlumat verilir. Lakin mən Azərbaycan xalqından heç nə gizlətmirəm və hesab edurəm ki, Azərbaycan xalqı hər şeyi bilməlidir. Biz bu məsələni müzakirə etmişik (Putinlə)", - deyə İlham Əliyev "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında bildirib.

"Mənim göstərişimlə Azərbaycanın Müdafiə Nazirliyi şəkillərlə, sübutlarla birlikdə rəsmi məktub göndərib. Lakin biz hələ heç bir cavab almamışıq", - deyə dövlət başçısı bildirib.

Prezident rəsmi Yerevanın adı çəkilən raketlərdən istifadə olunması barədə bəyanatını "qəribə" adlandırıb.

"Onlar gah partlamamış raketlər barədə danışırlar, gah deyirlər ki, bu sirdir. Deməli, raketlər istifadə olunub. Biz Yerevandan rəsmi cavab gözləyirik. Mən sizə hələ bundan artığını deyəcəyəm: bizdə kifayət qədər sübut var, lakin biz rəsmi izahatları gözləyəcəyik", - deyə Əliyev vurğulayıb.

3
Teqlər:
məktub, Moskva, Bakı, raket, "İskəndər"