Türk bayrağının arxasında Ərdoğan

Türkiyədən ABŞ-a xəbərdarlıq

24
(Yenilənib 14:40 31.03.2021)
Prezident Co Bayden sözügedən ifadəni işlədərsə, bu addım Türkiyə-ABŞ münasibətlərinə ciddi zərbə vuracaq.

BAKI, 31 mart — Sputnik. Türkiyə və ABŞ-ın yeni hakimiyyəti arasında həllini gözləyən S-400, "Feto" və PKK məsələlərinə "erməni soyqırımı" da əlavə olunub. Hazırda Türkiyədə ABŞ prezidenti Co Baydenin aprelin 24-də verəcəyi açıqlama, daha doğrusu, onun ənənəvi çıxışında "soyqırımı" ifadəsini işlədib-işlətməyəcəyi böyük maraqla gözlənilir.

"Türkiyə" qəzetinin diplomatik mənbələrə istinadla verdiyi xəbərə görə, artıq Vaşinqtona bu barədə xəbərdarlıq edilərək bildirilib ki, Co Bayden sözügedən ifadəni işlədərsə, bu addım Türkiyə-ABŞ münasibətlərinə ciddi zərbə vuracaq: "Bu mövzudakı həssaslığımızı ifadə etdik. ABŞ tərəfi "Bəli, bununla bağlı bizə təzyiq var, ancaq belə bir niyyətimiz yoxdur dedi", - deyə cavab verdi".

Qeyd edək ki, keçmiş prezidentlər Donald Tramp və Barak Obama yaşananları "böyük fəlakət" adlandırmışdılar.

Xatırladaq ki, ABŞ Konqresinin alt qanadı olan Nümayəndələr Palatası və yuxarı qanadı olan Senat 2019-cu ildə 1915-ci il hadisələrini "soyqırım" kimi tanıyan qanunu təsdiqləsə də, keçmiş prezident Donald Tramp bu qərarı dəstəkləmədiyini bildirmişdi.

Qərara ən kəskin reaksiya isə Türkiyə prezidenti Rəcəb Tayyib Ərdoğandan gəlmişdi. O, bildirmişdi ki, ABŞ "erməni soyqırımı"nı tanısa, buna cavab olaraq NATO-nun Türkiyə ərazisindəki hərbi bazaları bağlanacaq.

24
İnsanın kölgəsi, arxiv şəkli

Bakıda kanalizasiya quyularının qapaqlarını oğurlayan şəxs saxlanılıb

4
(Yenilənib 19:02 17.04.2021)
Qeyd edilən faktlarla bağlı Nizami Rayon Polis İdarəsinin İstintaq şöbəsində Cinayət Məcəlləsinin müvafiq maddəsi ilə cinayət işi başlanılıb.

BAKI, 17 aprel — Sputnik. Paytaxtın Nizami rayonunda kanalizasiya quyularının qapaqlarını oğurlamaqda şübhəli bilinən şəxs saxlanılıb.

Bu barədə Daxili İşlər Nazirliyindən məlumat verilib.

Nizami Rayon Polis İdarəsinin 23-cü Polis Bölməsinin əməkdaşları tərəfindən həyata keçirilən əməliyyat nəticəsində oğurluq etməkdə şübhəli bilinən paytaxt sakini Lətifxan Musayev tutulub. Araşdırma zamanı onun Keşlə qəsəbəsi ərazisində 5 kanalizasiya quyusunun qapağını oğurladığı müəyyən edilib. Saxlanılan zaman L.Musayevin üzərindən 1 büküm psixotrop maddə olan metamfetamin də aşkar edilib.

Qeyd edilən faktlarla bağlı Nizami Rayon Polis İdarəsinin İstintaq şöbəsində Cinayət Məcəlləsinin müvafiq maddəsi ilə cinayət işi başlanılıb. İstintaq tədbirləri davam etdirilir. Saxlanılan şəxsin qanunsuz əməllərindən zərərçəkən başqa vətəndaşlar varsa, bu barədə ərazi polis orqanlarına, habelə DİN-in "102" Xidməti Zəng Mərkəzi Sistemi ilə əlaqə saxlayaraq məlumat verə bilərlər.

4
Qubada Türkiyə-Azərbaycan Qardaşlıq Parkının tikintisi

Qubada iki ölkənin qardaşlığına həsr olunmuş park salınır

3
(Yenilənib 19:01 17.04.2021)
Qubada Azərbaycan-Türkiyə qardaşlıq parkının ümummilli lider Heydər Əliyevin doğum günündə - mayın 10-da açılacağı nəzərdə tutulub.

Leyla Abdullayeva, Sputnik Azərbaycan

BAKI, 17 aprel — Sputnik. Həftənin əvvəlindən Quba şəhərində Azərbaycan-Türkiyə qardaşlıq parkının inşasına başlanılıb. Sputnik Azərbaycan-ın verdiyi məlumata görə, şəhərin mərkəzində - Əliqulu Nərimanov küçəsində inşa edilən park Qubada iki ölkənin qardaşlığını və dostluğunu təcəmm etdirəcək. Parkın ümumi sahəsi 2000 kvadrat metrdən çoxdur. Parkın mərkəzində Azərbaycan-Türkiyə qardaşlığını və dostluğunu əks etdirəcək möhtəşəm abidə olacaq. Abidənin müəllifi, heykəltəraş Şıxəli Təhməzov deyir ki, abidənin iki əldə palıd ağacının kök atmasını əks etdirən görüntülənəcək ki, bu da Türkiyə ilə Azərbaycanın çox qədim qardaşlığının rəmzi nümunəsi olacaq.

  • Azərbaycan - Türkiyə qardaşlıq parkının inşası
    © Sputnik / Leyla Abdullayeva
  • Azərbaycan - Türkiyə qardaşlıq parkının inşası
    © Sputnik / Leyla Abdullayeva
  • Azərbaycan - Türkiyə qardaşlıq parkının inşası
    © Sputnik / Leyla Abdullayeva
1 / 3
© Sputnik / Leyla Abdullayeva
Azərbaycan - Türkiyə qardaşlıq parkının inşası

Qardaşlıq parkına ümummilli lider Heydər Əliyevin, Mustafa Kamal Atatürkün, dövlət başçıları İlham Əliyevin, Rəcəb Tayyib Ərdoğanın Azərbaycanla Türkiyənin necə dost və qardaş olmalarına dair qiymətli kəlamları həkk ediləcək.

Bu gün Quba İH başçısı Ziyəddin Əliyev Azərbaycan bölgələri arasında ən möhtəşəm qardaşlıq parkı olacaq yeni parkın ərazisində olub, tikinti işləri ilə maraqlanıb, tapşırıqlarını və tövsiyələrini verib. Ziyəddin Əliyev bu parkın qubalılar üçün ən gözəl istirahət guşəsi kimi, iki ölkə arasında sıx dostluğun bariz nümunəsi kimi sakinlərin daimi ziyarət yeri olacağını deyib.

Qubada Azərbaycan-Türkiyə qardaşlıq parkının ümummilli lider Heydər Əliyevin doğum günündə - mayın 10-da açılacağı nəzərdə tutulub.

3