İt

Dünyada heyvanlar üçün COVID-19 əleyhinə ilk peyvənd hazırlanıb

10
(Yenilənib 14:45 31.03.2021)
Tədqiqatın nəticələri peyvəndin zərərsiz olması və immunogen aktivliyinin yüksək olması barədə fikir bildirməyə imkan verir.

BAKI, 31 mart — Sputnik. Dünyada heyvanlar üçün ilk və hələ ki, yeganə olan COVID-19 əleyhinə peyvənd "Karnivak-Kov" Rusiyada qeydiyyatdan keçirilib. Sputnik Azərbaycan Rusiya KİV-lərinə istinadən xəbər verir ki, yeni preparat Rusiyada kənd təsərrüfatına nəzarəti həyata keçirən "Rosselxoznadzor"un "Federal heyvanların sağlamlığının mühafizəsi mərkəzi"nin əməkdaşları tərəfindən hazırlanıb.

"Rosselxoznadzor"un rəis müavini Konstantin Savenkov jurnalistlərlə söhbətində bildirib ki, ötən ilin oktyabrından etibarən "Karnivak-Kov" itlər, pişiklər, tülkülər, arktik tülkülər və samurlar üzərində sınaqdan keçirilib.

"Tədqiqatın nəticələri peyvəndin zərərsiz olması və immunogen aktivliyinin yüksək olması barədə fikir bildirməyə imkan verir. Belə ki, sınaqlara cəlb olunmuş bütün heyvanların orqanizmində 100% koronavirusa qarşı anticisimlərin formalaşdığı müəyyən olunub", - deyə Savenkov bildirib.

Hazırda "Rosselxoznadzor" mütəxəssisləri heyvanlarda peyvənddən sonra immunitetin məhz hansı müddətə meydana gəldiyini araşdırırlar. Qurum rəsmisinin sözlərinə görə, bu müddət altı aydan az deyil.

"Artıq aprel ayında yeni preparatın kütləvi istehsalı başlaya bilər", - deyə rəis müavini bildirib.

Savenkov həmçinin yeni peyvəndin böyük əhəmiyyət kəsb etdiyini dilə gətirib. Belə ki, Ümumdünya Heyvan Sağlamlığı Təşkilatı bəzi heyvan növlərinin koronavirusa qarşı həssas olduğunu bəyan edib,

COVID-19-a yoluxma halları isə bir çox ölkələrdə qeydə alınıb. Rusiyada hələ ki, pişiklərin bu virusa yoluxması ilə bağlı iki hal qeydə alınıb.

Rusiyalı alimlərin qənaətinə görə, heyvanlar üçün peyvəndin tətbiqi virusun əksər hallarda törədicinin növlərarası yoluxması zamanı baş verən mutasiyasının qarşısını ala bilər.

"Qeyd etmək lazımdır ki, koronavirus infeksiyasının heyvanlardan insanlara keçməsi ehtimalının elmi sübutu yoxdur və bu barədə Ümumdünya Səhiyyə Təşkilatı dəfələrlə bəyanat verib", - deyə Savenkov vurğulayıb.

Qurum təmsilçisi onu da bildirib ki, heyvanlar COVID-19-dan fərqli koronavirusa da yoluxa bilərlər.

 

10
Teqlər:
Koronavirus, epidemiya, COVID-19
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

4
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

4
Teqlər:
görüş, Cozef Bayden, Vladimir Putin
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

10
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

10
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə