Körpə

Azərbaycanda uşaqlara ən çox dini adlar verilib

22
(Yenilənib 14:26 31.03.2021)
Mart ayında açıqlanan statistikaya görə isə, son beş ildə Polad adını daşıyan körpələrin sayı 430 olub.

BAKI, 31 mart — Sputnik. Cari ildə ən çox qoyulan oğlan adları açıqlanıb. Sputnik Azərbyacan-ın Ədliyyə Nazirliyinə istinadən xəbərinə görə, cari ildə ən çox qoyulan oğlan adı Əli olub. Belə ki, 2021-ci il ərzində 241 yenidoğulmuş körpəyə Əli adı qoyulub. Cari ilin statistikasına görə, 239 körpəyə Yusif, 232 körpəyə Hüseyn adı verilib. 

Ən çox üstünlük verilən qız adı isə Zəhra olub. Belə ki, cari ildə 285 yenidoğulmuş körpəyə Zəhra, 216 körpəyə Aylin, 212 körpəyə isə Zeynəb adı qoyulub.

Bu ay ərzində daha 23 körpəyə Polad adı verilib. Ötən ayadək olan statistikada qeyd olunurdu ki, son 5 ildə 407 körpəyə Polad adı verilib. Mart ayında açıqlanan statistikaya görə isə son beş ildə Polad adını daşıyan körpələrin sayı 430 olub.

Qeyd edək ki, 2017-ci ildə 68, 2018-ci ildə 55, 2019-cu ildə 53, 2020-ci ildə isə 193 yenidoğulmuş körpəyə Polad adı verilib. Cari ilin 3 ayında isə 61 körpəyə Polad adı verilib.

Azərbaycanda Polad adı ötən ilin iyul hadisələrindən sonra, general-mayor Polad Həşimovun vəfatından sonra məşhurlaşıb.

P.Həşimov 2020-ci il iyulun 14-də Tovuz istiqamətində baş verən şiddətli döyüşlər zamanı şəhid olub. O, iyulun 15-də II Fəxri xiyabanda dəfn olunub. 2020-ci il dekabrın 9-da Prezident İlham Əliyevin sərəncamı ilə P.Həşimova Azərbaycanın Milli Qəhrəmanı adı verilib.

 

22
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

2
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

2
Teqlər:
görüş, Cozef Bayden, Vladimir Putin
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

6
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

6
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə