Şurnux kəndində Azərbaycana xoş gəlmisiniz plakatı, arxiv şəkli

Azərbaycanla Ermənistanın sərhədi SSRİ-nin xəritələri əsasında qurulur

399
Yerləşdirmə sərhədlərin delimitasiya və demarkasiyası bitənədək müvəqqəti yerləşdirmədir. Delimitasiya və demorkasiya üçün isə ikitərəfli münasibətlərin olması zəruridir.

BAKI, 27 mart — Sputnik. Hazırda Azərbaycan-Ermənistan sərhəddindəki postlar SSRİ-nin 1975-1976-cı illərdə hazırlanmış hərbi xəritələri əsasında yerləşdirilir. Sputnik Azərbaycan Rusiya mediasına istinadən xəbər verir ki, bunu Ermənistan baş nazirinin müavini Tiqran Avinyan bildirib.

Onun sözlərinə görə, bu yerləşdirmə sərhədlərin delimitasiya və demarkasiyası bitənədək müvəqqəti yerləşdirmədir. Delimitasiya və demorkasiya üçün isə ikitərəfli münasibətlərin olması zəruridir.

Avinyan onu da qeyd edib ki, proses uzun müddət sürə bilər.

"Biz Gürcüstanla bu prosesi hələ də başa çatdırmamışıq. Lakin gec-tez bu prosesi bütün qonşularımızla keçməliyik", - deyə baş nazirin müavini bildirib.

Qeyd edək ki, bir qədər əvvəl Rusiya prezidenti Vladimir Putin və Ermənistanın baş naziri Nikol Paşinyan arasında telefon danışığında tərəflər Dağlıq Qarabağda vəziyyətin sabitləşdiyi və sakit olduğu bildirilib.

Xatırladaq ki, 2020-ci ilin sentyabr ayında Ermənistan tərəfinin təxribatı nəticəsində Dağlıq Qarabağda döyüş əməliyyatları yenidən başlanıb. Hərbi əməliyyatlar nəticəsində Azərbaycan işğal olunmuş ərazilərini qaytarmağa nail olub.

Rusiya, Ermənistan və Azərbaycan rəhbərləri birlikdə noyabrın 10-dan atəşin dayandırılması barədə qərar qəbul ediblər, Rusiya sülhməramlıları Qarabağa yerləşdirilib. Razılaşmaya əsasən, atəşkəsdən sonra Ağdam, Kəlbəcər və Laçın rayonları da Azərbaycan silahlı qüvvələrinin nəzarətinə qaytarılıb.

Ermənistan vətəndaşları adı çəkilən bəyanatı təslimçilik kimi qəbul edib və Yerevanda baş nazir Nikol Paşinyanın istefası tələbi ilə aksiyalar keçib.

399
PPX avtomobili

Daha iki koronavirus xəstəsinə cinayət işi açılıb

2
Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 2 nəfər barəsində cinayət işi başlanılıb.

BAKI, 12 aprel — Sputnik. Daxili işlər orqanlarının əməkdaşları tərəfindən şənbə və bazar günlərində respublika ərazisində 17 nəfər aktiv koronavirus xəstəsi ictimai yerlərdə aşkar edilərək saxlanılıb.

Bu barədə Daxili İşlər Nazirliyinin (DİN) Mətbuat xidmətindən məlumat verilib.

Polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 2 nəfər barəsində cinayət işi başlanılıb.

Hazırda istintaq araşdırmaları davam etdirilir.

"Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik", - Mətbuat xidmətindən bildirilib.

2
Kosmos

Rəşad Nəbiyev: "Azərbaycan dünya kosmik sənayesinin üzvünə çevrilib"

2
"Peyklərimiz dünya kosmik ailəsində layiqli yerimizi təmin edib", - rabitə və yüksək texnologiyalar naziri qeyd edib.

BAKI, 12 aprel — Sputnik. "Bu gün insanın kosmosa ilk uçuşundan 60 il ötür".

Sputnik Azərbaycan xəbər verir ki, bunu nəqliyyat, rabitə və yüksək texnologiyalar naziri Rəşad Nəbiyev bildirib.

"Çox sevinirəm ki, Prezident İlham Əliyevin uzaqgörən siyasəti nəticəsində Azərbaycan dünya kosmik sənayesinin üzvünə çevrilib. Peyklərimiz dünya kosmik ailəsində layiqli yerimizi təmin edib", - Rəşad Nəbiyev qeyd edib.

2