Bakıda güclü külək ağacı avtomobilin üstünə aşırıb

Bakıda külək cövlan edir: "Maşın yoxdur artıq..." - FOTO

59
(Yenilənib 13:59 23.03.2021)
Bakıda küləyin sındırdığı irigövdəli ağac avtomobillərin üzərinə aşıb. Hadisə səbəbindən yolda hərəkət qısa müddətlik dayanıb.

İbrahim Həşimov, Sputnik Azərbaycan

BAKI, 23 mart – Sputnik. Güclü külək səhər saatlarında Bakının Sabunçu rayonu Bakıxanov qəsəbəsində, Nazim İsmayılov prospektində irigövdəli ağacı “Opel” və “Chevrolet” markalı avtomobillərin üzərinə aşırıb. Sputnik Azərbaycan-ın məlumatına görə, yolun kənarında dayanmış “Opel” markalı minik avtomobilinin içərisində onun sahibi Rüstəm Qasımov olub.

“Oturmuşdum maşında, ağac aşdı üstünə. Maşın yoxdur artıq. 4-5 min ziyan dəyib. Özüm maşının içindəydim, xəsarət almadım. Oturacağı arxaya çəkib, özümü dala ataraq çıxdım”, – R. Qasımov deyib.

“Chevrolet” markalı minik avtomobilinin içərisində isə maşın sahibinin atası Sahil Tağıyev olub.

“Həmin vaxt mən avtomobilin içində olmuşam, amma maşın oğlumundur. Xəsarət almadım, maşının damı əzilib. Təxminən 200-300 manat civarında ziyan dəyib. Maşını təmirə apardılar”, - deyə S.Tağıyev qeyd edib.

Hadisə səbəbindən yolda hərəkət qısa müddətlik dayanıb. Daha sonra aşan ağac kəsilərək ərazidən götürülüb və yolda nəqliyyatın hərəkəti bərpa edilib.

  • Bakıda güclü külək ağacı avtomobilin üstünə aşırıb
    © Sputnik / Ibrahim Hashimov
  • Bakıda güclü külək ağacı avtomobilin üstünə aşırıb
    © Sputnik / Ibrahim Hashimov
  • Bakıda güclü külək ağacı avtomobilin üstünə aşırıb
    © Sputnik / Ibrahim Hashimov
  • Bakıda güclü külək ağacı avtomobilin üstünə aşırıb
    © Sputnik / Ibrahim Hashimov
  • Bakıda güclü külək ağacı avtomobilin üstünə aşırıb
    © Sputnik / Ibrahim Hashimov
1 / 5
© Sputnik / Ibrahim Hashimov
Bakıda güclü külək ağacı avtomobilin üstünə aşırıb

Milli Hidrometeorologiya Xidmətindən isə bildirilib ki, yaxın 2-3 gün ərzində Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənir. Hidrometeoroloji Proqnozlar Bürosunun direktoru Gülşad Məmmədovanın sözlərinə görə, martın 24-dən 25-nə keçən gecə yarımadanın bəzi yerlərində qısamüddətli yağış yağacağı ehtimal olunur.

“Arabir güclənən cənub-qərb küləyi 25-i gündüz mülayim şimal küləyi ilə əvəz olunacaq. Havanın temperaturu gecə saatlarında 5-8, günorta saatlarında isə 15-18, 24-də bəzi yerlərdə 20 dərəcəyədək isti olacağı gözlənir. Bölgələrdə də yaxın 2 gün ərzində bəzi yerlərdə yağış yağacaq, ayrı-ayrı yerlərdə yağışın intensiv olacağı, dağlıq ərazilərdə qar yağacağı ehtimal olunur. Havanın temperaturu 13-18, dağlıq ərazilərdə isə 5-10 dərəcə isti olacaq”.

59
Teqlər:
ağac, avtomobil, külək, Bakı
Türkiyə hərbçiləri, arxiv şəkli

İrandan Türkiyəni qəzəbləndirəcək plan

78
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

78
Belarus Prezidenti Aleksandr Lukaşenko, arxiv şəkli

Lukaşenkoya qarşı sui-qəsd hazırlayanlar Moskvada saxlanılıb

70
Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

BAKI, 17 aprel - Sputnik. Rusiya paytaxtında ABŞ və Belarus ikili vətəndaşlığı olan Yuri Zenkoviç və Belarus vətəndaşı Aleksandr Feduta saxlanılıb.

APA “RİA Novosti”yə istinadən xəbər verir ki, bu barədə Federal Təhlükəsizlik Xidmətinin (FTX) İctimaiyyətlə əlaqələr mərkəzi məlumat yayıb.

Məlumata görə, həmin şəxslər may ayının 9-da Minskdə hərbi çevriliş etməyi və Belarus Prezidenti Aleksandr Lukaşenkonun fiziki yolla hakimiyyətdən kənarlaşdırılmasını planlaşdırırmışlar.

“Rusiya FTX Belarus Respublikasının Dövlət Təhlükəsizlik Komitəsi ilə birlikdə keçirdiyi xüsusi əməliyyat zamanı yerli və ukraynalı millətçilərin cəlb edilməsi yolu ilə Belarusda “rəngli inqilab” ssenarisinin işlənilməsi əsasında hərbi çevriliş təşkil etməyi və prezident Aleksandr Lukaşenkonun fiziki olaraq hakimiyyətdən kənarlaşdırılmasını planlaşdıran ABŞ və Belarus vətəndaşlığı olan Yuri Leonidoviç Zenkoviç və Belarus vətəndaşı Feduta Aleksandr İosifoviçin qanunsuz fəaliyyətləri ifşa olunub”, - deyə məlumatda qeyd olunub.

Məlumata görə, Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

Zenkoviç Moskvaya gəldikdən sonra ABŞ və Polşadakı məsləhətləşmələrdən sonra görüş paytaxt restoranlarından birinin kabinəsində baş tutub, görüş zamanı sui-qəsdçilər “Belarus generalları”na bildiriblər ki, planlarının uğurla həyata keçirilməsi üçün respublikanın bütün yüksək rəhbərliyini fiziki cəhətdən kənarlaşdırmaq lazımdır.

Onlar xüsusi olaraq xalqa müraciətlərini yayımlamaq üçün radio və televiziya mərkəzlərinin ələ keçirilməsinin və paytaxtda hazırkı hökumətə sadiq olan daxili qoşunlar və çevik polis qüvvələrinin bloklanmasının nəzərdə tutulduğu hərbi çevriliş planını ətraflı müzakirə ediblər.

Belarus prezidentinin hakimiyyətdən kənarlaşdırılması ilə konstitusiya quruluşunun dəyişdirilməsi və ölkənin idarə edilməsini “Milli Sülh Komitəsi”nə həvalə olunması yekun hədəf olaraq qarşıya qoyulmuşdu.

Zenkoviç və Feduta ilə bağlı Belarus istintaq orqanları Cinayət Məcəlləsinin 357-ci maddəsi (sui-qəsd və ya dövlət hakimiyyətini ələ keçirmək məqsədi ilə törədilən digər hərəkətlər) ilə cinayət işi başlanılıb.

70