Uşaqlar televizora baxırlar, arxiv şəkli

İyirmi yeddi il sonra doğma evinə qayıdan zabitimiz haqqında cizgi filmi çəkilib - VİDEO

109
Sultan Abbasbəyli: "Balaca tamaşaçılarımıza vətənpərvərlik hisslərinin aşılanması üçün cizgi filmlərinin böyük rolu var. İkinci Qarabağ müharibəsi bizim üçün bir şans idi ki, biz bu hadisələri ekranlaşdıraq".

Şahpəri Abbasova, Sputnik Azərbaycan

BAKI, 20 mart — Sputnik. Cəbrayıl rayonunun işğaldan azad edilmiş Horovlu kəndində çəkilmiş bir fotoşəkil oktyabr ayında sosial şəbəkələrin trendinə çevrilmişdi. Azərbaycan Silahlı Qüvvələrinin Cəbrayıl rayonundan olan mayoru Camal Qəmbərov 7 yaşında məcbur çıxdığı kəndə 27 il sonra zabit kimi qayıtdı. Camal Qəmbərov əsgərlərimizlə bərabər həyətlərini taparaq oradakı nar ağacının yanında şəkil çəkdirmişdi. Hər kəsi duyğulandıran bu hadisə animator Sultan Abbasbəylinin də diqqətini cəlb edib. Animator "Həmən nar ağacı" adlı cizgi filmi haqqında Sputnik Azərbaycan-a danışıb: "Balaca tamaşaçılarımıza vətənpərvərlik hisslərinin aşılanması üçün cizgi filmlərinin böyük rolu var. İkinci Qarabağ müharibəsi bizim üçün bir şans idi ki, biz bu hadisələri ekranlaşdıraq. Kino sahəsi ilə bərabər, biz balaca tamaşaçılarımızı da düşünməliyik".

Animator "Həmən nar ağacı"nı müsabiqə üçün çəkdiyini söyləyir. Gənclər və İdman nazirliyi virtual formatda müsabiqə elan etmişdi. Müsabiqə müharibə və pandemiya mövzusunda idi. Mən həm o müsabiqə üçün, həm də öz vətəndaş borcumu yerinə yetirmək üçün çəkmişəm. Düşünürəm ki, bu tipli cizgi filmlərin davamı gəlməlidir. Balaca tamaşaçılarımız xarici cizgi filmlərinə baxdığı qədər, öz cizgi filmlərimizə də baxsınlar".

Qeyd edək ki, Camal Qəmbərov Füzuli rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə, "Füzulinin azad olunmasına görə" medalı ilə təltif edilib.

109
Televizor pultu

Zaurun verilişinin yayımı dayandırıldı - Dörd min cərimə iddiası qaldırıldı

2
(Yenilənib 11:14 21.04.2021)
3000 manatdan - 4000 manatadək cərimə olunması ilə bağlı Milli Televiziya və Radio Şurası tərəfindən inzibati xəta haqqında protokol tərtib olunub və müvafiq rayon məhkəməsinə göndərilib.

BAKI, 21 aprel — Sputnik. Milli Televiziya və Radio Şurasının (MTRŞ) iclası keçirilib. İclasda 20 aprel 2021-ci il tarixdə "ATV" televiziya kanalında yayımlanan "Bizimləsən" proqramına dəvət olunan vətəndaş tərəfindən efirdə səsləndirilən faktlar üzrə məsələyə baxılıb.

Sputnik Azərbaycan MTRŞ-a istinadən xəbər verir ki, Milli Televiziya və Radio Şurası "ATV" televiziya kanalı yetkinlik yaşına çatmayanların fiziki, əqli və mənəvi inkişafına ziyan vura bilən proqramların onların baxa biləcəyi vaxtda göstərilməsinə görə "İnzibati icraat haqqında" Azərbaycan Respublikasının 21 oktyabr 2005-ci il tarixli, 1036-IIQ saylı Qanununun 53-56-cı maddələrini, "Televiziya və radio yayımı haqqında" Azərbaycan Respublikasının 2002-ci il 25 iyun tarixli 345-IIQ saylı Qanununun 11.5.3-cü, 33-cü, və 40.2.2-2-ci maddələrini, Azərbaycan Respublikası Prezidentinin 2002-ci il 05 oktyabr tarixli 795 saylı Fərmanı ilə təsdiq edilmiş "Milli Televiziya və Radio Şurası haqqında Əsasnamə"nin 8.11-1-ci bəndini rəhbər tutaraq "ATV" televiziya kanalının efirində 21 aprel 2021-ci il tarixdə "Bizimləsən" proqramının yayımının dayandırılması, "ATV" televiziya kanalı tərəfindən, ona tətbiq edilmiş məsuliyyət tədbirinin məzmunu barədə məlumatı yayımın dayandırılması müddəti ərzində özünün efirində yayımlanmasının təmin olunması haqqında qərar qəbul edib.

Həmçinin, "ATV" televiziya kanalının İnzibati Xətalar Məcəlləsinin 388-2.0.2-ci maddəsinə əsasən 3000 manatdan - 4000 manatadək (üç min manatdan dörd min manatadək) cərimə olunması ilə bağlı Milli Televiziya və Radio Şurası tərəfindən inzibati xəta haqqında protokol tərtib olunmuş və müvafiq rayon məhkəməsinə göndərilib.

2

Qubadlının Ulaşlı kəndi bu gün necə görünür? Əsrarəngiz təbiət

2
(Yenilənib 11:11 21.04.2021)
Müdafiə Nazirliyi 9 noyabr 2020- ci ildə Azərbaycan Respublikası Silahlı Qüvvələri tərəfindən işğaldan azad edilmiş Qubadlı rayonunun Ulaşlı kəndindən ən son videogörüntüləri ictimaiyyətə təqdim edib.

Müdafiə Nazirliyi Qubadlı rayonunun Ulaşlı kəndindən yeni çəkilmiş videogörüntüləri yayıb.

Sputnik Azərbaycan xəbər verir ki, Ulaşlı kəndi Bərgüşad çayının sahilində, Bərgüşad silsiləsinin ətəyindədir. XIX əsrə aid yazılı mənbələrdə kəndin adı Hulaşlı şəklində qeydə alınıb. Tədqiqatçılara görə, oykonim erkən orta əsrlərdə Şimali Qafqazda yaşamış hulaşar tayfasının (Suriya mənbələrində Kulas) adı ilə bağlıdır. Ərəb mənbələrində onlardan xəzər tayfalarından biri kimi bəhs olunub.

XII əsrədək Volqa çayının sahilində bulqarlan Hulaş şəhəri olub. "Kitabi-Dədə Qorqud" dastanlarındakı Ulaş antroponimi də bu etnonimin variantı hesab edilir. Hulaşlann bir qismi müxtəlif vaxtlarda xəzər, bulqar və suvarlarm tərkibində Azərbaycana gəliblər. Keçmiş Borçalı qəzasında (Gürcüstan) Hulaş (Kulaş), Dağıstanda Ulaşlı kəndi, Ermənistan (XVII osr) və Qazaxıstan ərazilərində Kulaş yaşayış məntəqələrinin adları hulaşlann adı ilə bağlı olub.

Qubadlı rayonunun Ulaşlı kəndi 1993-cü ildə Ermənistan Respublikası Silahlı Qüvvələri tərəfindən işğal edilib.

9 noyabr 2020- ci ildə Azərbaycan Respublikası Silahlı Qüvvələri tərəfindən işğaldan azad edilib. 

2