Laboratoriya işçisi, arxiv şəkli

COVID-19-a qarşı ən effektiv vasitə aşkarlandı

25
(Yenilənib 17:42 20.03.2021)
Tədqiqatçılar həmçinin ehtimal edirlər ki, COVID-19-un yaşlılarda daha ağır keçməsi onların orqanizmində melatoninin az olması ilə də bağlı ola bilər.

BAKI, 20 mart — Sputnik. Kanada və Argentina tədqiqatçıları belə bir qənaətə gəliblər ki, melatonin hormonu bəzi hallarda SARS-CoV-2 koronavirusu ilə yoluxmanın, COVID-19-un ağır formasının inkişafının qarşısını alır və hətta bu xəstəliyə qarşı vurulan peyvəndi gücləndirən preparata da çevrilə bilər. Sputnik Azərbaycan Rusiya mediasına istinadən xəbər verir ki, Kanadanın Toronto və Argentinanın Papa katolik Universitetinin alimləri melatoninin COVID-19 xəstəliyini yüngülləşdirməsi və hətta koronovirus infeksiyasının inhibisiyasına (ləngitməsini) dair sübutlar toplayıblar.

Məlum olduğu kimi, melatonin hormonu iltihab əleyhinə, immuniteti tənzimləyici və antioksidant xüsusiyyətlərə malikdir. Bundan əlavə adı çəkilən hormon xroniki yuxusuzluq, diabet, metabolik sindrom və ürək-damar xəstəliklərinin qarşısını alır.

SARS-CoV-2 virusu orqanizmdə ACE2 fermentini çevirən anqiotezin reseptoru vasitəsilə yayılır. Virusun üzərindəki qlikoprotein ACE2 ilə birləşərək hüceyrəyə daxil olur və orada çoxalmağa başlayır.

Alimlər bildirirlər ki, melatonin kalmudolinin, yəni ACE2-nin səthi ekspressiyasını tənzimləyən zülalın əmələ gəlməsinin qarşısını alır. Bundan əlavə melatonin iltihabi sitokinlərin sayını da azaldır ki, bu da

COVID-19 ağırlaşması ilə bağlıdır.

Və nəhayət, melatonin orqanizmin neyron müdafiəsini təmin edir. Məlumdur ki, bəzi COVID-19 xəstələri beyində virusun aktivliyi ilə bağlı olan simptomlar – iybilmənin itməsi, iflic, insult, qıcolma və ensefalopatiya kimi simptomlardan əziyyət çəkirlər. Neyron müdafiəçisi kimi melatonin COVID-19-un bir çox nevroloji təsirlərini azaldır.

Odur ki, tədqiqatçılar melatoninin universal bir preparat, hətta COVID-19-ə qarşı "gümüş güllə" ola biləcəyini deyirlər.

Onlar bu hormonu yardımçı və ya müstəqil virusa qarşı antivirus preparat, həmçinin SARS-CoV-2-ə qarşı peyvəndin səmərəsini artıran maddə kimi nəzərdən keçirməyi təklif edirlər.

"Təhlükəsiz melatoninin adekvat dozalarda istifadəsi koronovirus xəstələrində ağırlaşdırıcı simptomların qarşısını ala, koronovirus infeksiyasının immunopatologiyasını azalda bilər", - deyə alimlər bildirir.

Tədqiqatçılar həmçinin ehtimal edirlər ki, COVID-19-un yaşlılarda daha ağır keçməsi onların orqanizmində melatoninin az olması ilə də bağlı ola bilər.

25
Teqlər:
Koronavirus, epidemiya, COVID-19
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

9
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

9
Teqlər:
Nyu-York, moda
Lil Nas X, arxiv şəkli

Dizaynında insan qanı istifadə olunan "İblis ayaqqabıları" satışdan çıxarıldı

6
Xatırladaq ki, rep ifaçısı Lil Nas X "Satanic Shoes" ("İblis ayaqqabıları") adı altında 666 cüt idman ayaqqabısı istehsal edib. İdman ayaqqabısı "Nike Air Max 97"-yə bənzəyir.

BAKI, 10 aprel — Sputnik. "İblis ayaqqabıları"nın satıcısı "Nike"ın məhkəmə iddiasından sonra onun satışdan geri çağırılmasına razılıq verib.

Sputnik Azərbaycan xarici mediaya istinadən xəbər verir ki, ödədikləri pullar alıcılara geri qaytarılacaq.

Xatırladaq ki, rep ifaçısı Lil Nas X "Satanic Shoes" ("İblis ayaqqabıları") adı altında 666 cüt idman ayaqqabısı istehsal edib. İdman ayaqqabısı "Nike Air Max 97"yə bənzəyir, sadəcə altlıq hissədə hava qabarcığı mürəkkəbə qarışmış bir damla qan ilə doldurulub.

Посмотреть эту публикацию в Instagram

Публикация от Vince Hizon (@vincehizon12)

Bununla əlaqədar olaraq "Nike" məhkəməyə müraciət edib və həmin idman ayaqqabıların satışının müvəqqəti qadağan olunmasına nail olub.

6