Şahmar Mövsümov, arxiv şəkli

Bir çox ölkələr qapanmalara gedir - Prezidentin köməkçisi

16
Şahmar Mövsümov: Azərbaycanda da son zamanlar virusa yoluxma ilə bağlı rəqəmlər artmağa başlayıb. Yumşalmalardan sonra bu, gözlənilən idi.

BAKI, 19 mart — Sputnik. Nazirlər Kabineti yanında Operativ Qərargahın brifinqi keçirilir. Sputnik Azərbaycan-ın məlumatına görə, mətbuat konfransında Azərbaycan Prezidentinin köməkçisi Şahmar Mövsümov, "Tibbi Ərazi Bölmələrini İdarəetmə Birliyi"nin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva iştirak edir.

Ş. Mövsümov bildirib ki, hazırda bir çox ölkələrdə virusun növbəti dalğası müşahidə olunur.

"Siz bilirsiniz ki, bir çox ölkələr qapanmalara gedirlər. Azərbaycanda da son zamanlar virusa yoluxma ilə bağlı rəqəmlər artmağa başlayıb. Yumşalmalardan sonra bu, gözlənilən idi. Saylar artdıqca, ölənlərin də sayı artır ki, bu da narahatedici məqamdır", - deyə Ş. Mövsümov bildirib.

16

Sabah ölkədə havanın temperaturu 29 dərəcəyədək yüksələcək

4
(Yenilənib 12:21 18.04.2021)
Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

BAKI, 18 aprel - Sputnik. Aprelin 19-da Azərbaycanın bəzi yerlərdə havanın temperaturu 29 dərəcəyədək yüksələcək. 

Sputnik Azərbaycan Milli Hidrometeorologiya Xidmətinin məlumatına istinadla bildiri ki, sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi gündüz cənub küləyi ilə əvəz olunacaq. Havanın temperaturu gecə  10-13 dərəcə, gündüz 19-24 dərəcə isti, Bakıda gecə 11-13 dərəcə, gündüz 20-22 dərəcə isti olacaq.

Atmosfer təzyiqi 761 mm civə sütunu təşkil edəcək. Nisbi rütubət gecə 70-80, gündüz 50-55 faiz olacaq. 

Aprelin 19-da  Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq ərazilərdə şimşək çaxacağı, qısamüddətli  yağış yağacağı ehtimalı var. Mülayim qərb küləyi  əsəcək. Havanın temperaturu gecə  10-15 dərəcə  isti, gündüz  24-29 dərəcə isti, dağlarda gecə 7-12 dərəcə isti,  gündüz 15-20,  bəzi yerlərdə 23-25 dərəcə isti olacaq.

Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

4

Xalq artisti ilə vida mərasimi keçirilir

9
(Yenilənib 12:42 18.04.2021)
Xalq artisti Eldar Quliyev aprelin 16-da vəfat edib. O, yanvarın 18-də 80 illik yubileyi günü infarkt keçirərək xəstəxanaya yerləşdirilmişdi.

BAKI, 18 aprel - Sputnik. Bu gün Azərbaycan Respublikasının Xalq artisti, tanınmış kinorejissor və ssenarist Eldar Quliyevlə vida mərasimi keçirilir.

Sputnik Azərbaycan xəbər verir ki, mərasim “Təzə Pir” məscidində təşkil olunub.

Xalq artisti Eldar Quliyev aprelin 16-da vəfat edib. O, yanvarın 18-də 80 illik yubileyi günü infarkt keçirərək xəstəxanaya yerləşdirilmişdi.

Mərhum "Qurd qapısı" qəbristanlığında dəfn ediləcək. Mədəniyyət Nazirliyindən bildirilib ki, onun dəfn yeri ailəsi tərəfindən, özünün vəsiyyəti ilə mərhum həyat yoldaşının dəfn olduğu Bakı şəhərindəki "Qurd qapısı" qəbristanlığı müəyyən edilib.

Daha əvvəl Nazirlikdən bildirilmişdi ki, mərhum sənətkarımızın qızı xarici ölkədə yaşadığına görə, dəfn onun gəlişinə kimi müvəqqəti təxirə salınıb.

9