Laboratoriya işçisi, arxiv şəkli

Testosteronla səxavət tərs mütənasib imiş

15
(Yenilənib 01:30 19.03.2021)
Alimlər bildirirlər ki, təcrübə zamanı iştirakçıların beyin aktivliyinə MRT vasitəsilə nəzarət olunub. Nəticədə bəlli olub ki, testeosteron beynin temporo-parietal qovşağında fəaliyyətə təsir edir. Beynin bu nahiyəsi isə empatiya və şəfqət hisslərini idarə edir.

BAKI, 19 mart — Sputnik. Kişi orqanizmində testosteron hormonunun səviyyəsi onun nə dərəcədə səxavətli olmasına təsir edir. Sputnik Azərbaycan Rusiya mənbələrinə istinadən xəbər verir ki, belə bir qənaətə Çinin Jençjen Universitetinin alimləri gəliblər.

Mütəxəssislər 18-25 yaş arasında olan 70 könüllü üzərində təcrübə aparıblar. İki qrupa bölünmüş iştirakçıların yarısının dərisinə tərkibində çoxlu miqdarda testosteron olan gel, qalan yarısının dərisinə isə plasebo, yəni təsirsiz vasitə sürtülüb.

Tibb işçidi dərman göstərir, arxiv şəkli
© REUTERS / Amr Abdallah Dalsh

Bir müddət sonra təcrübə iştirakçılarına müəyyən məbləğdə pul verərək həmin vəsaiti yaxınları, tanışları və özləri arasında bölməyi təklif ediblər.

Aydın olub ki, yaxınlarına münasibətdə kişilərin səxavəti, demək olar ki, eyni səviyyədə olub.

Az tanıdıqları insanlara münasibətdə isə təcrübə iştirakçıları fərqli yanaşma nümayiş etdiriblər. Belə ki, dərisinə testosteron sürtülmüş kişilər daha eqoistcəsinə davranaraq onlara verilmiş pulun, demək olar ki, hamısını özlərinə saxlamağa qərar veriblər.

Alimlər bildirirlər ki, təcrübə zamanı iştirakçıların beyin aktivliyinə MRT vasitəsilə nəzarət olunub. Nəticədə bəlli olub ki, testosteron beynin temporo-parietal qovşağında fəaliyyətə təsir edir. Beynin bu nahiyəsi isə empatiya və şəfqət hisslərini idarə edir.

15
Türkiyə hərbçiləri, arxiv şəkli

İrandan Türkiyəni qəzəbləndirəcək plan

83
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

83
Belarus Prezidenti Aleksandr Lukaşenko, arxiv şəkli

Lukaşenkoya qarşı sui-qəsd hazırlayanlar Moskvada saxlanılıb

75
Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

BAKI, 17 aprel - Sputnik. Rusiya paytaxtında ABŞ və Belarus ikili vətəndaşlığı olan Yuri Zenkoviç və Belarus vətəndaşı Aleksandr Feduta saxlanılıb.

APA “RİA Novosti”yə istinadən xəbər verir ki, bu barədə Federal Təhlükəsizlik Xidmətinin (FTX) İctimaiyyətlə əlaqələr mərkəzi məlumat yayıb.

Məlumata görə, həmin şəxslər may ayının 9-da Minskdə hərbi çevriliş etməyi və Belarus Prezidenti Aleksandr Lukaşenkonun fiziki yolla hakimiyyətdən kənarlaşdırılmasını planlaşdırırmışlar.

“Rusiya FTX Belarus Respublikasının Dövlət Təhlükəsizlik Komitəsi ilə birlikdə keçirdiyi xüsusi əməliyyat zamanı yerli və ukraynalı millətçilərin cəlb edilməsi yolu ilə Belarusda “rəngli inqilab” ssenarisinin işlənilməsi əsasında hərbi çevriliş təşkil etməyi və prezident Aleksandr Lukaşenkonun fiziki olaraq hakimiyyətdən kənarlaşdırılmasını planlaşdıran ABŞ və Belarus vətəndaşlığı olan Yuri Leonidoviç Zenkoviç və Belarus vətəndaşı Feduta Aleksandr İosifoviçin qanunsuz fəaliyyətləri ifşa olunub”, - deyə məlumatda qeyd olunub.

Məlumata görə, Zenkoviç və Feduta messencerlərdən biri vasitəsilə apardıqları şəxsi söhbətlərində Belarus Respublikasında silahlı üsyan planının müzakirəsini təşkil ediblər və Moskvada ölkənin Silahlı Qüvvələrinin müxalif yönümlü generalları ilə fərdi görüş keçirməyi qərara alıblar.

Zenkoviç Moskvaya gəldikdən sonra ABŞ və Polşadakı məsləhətləşmələrdən sonra görüş paytaxt restoranlarından birinin kabinəsində baş tutub, görüş zamanı sui-qəsdçilər “Belarus generalları”na bildiriblər ki, planlarının uğurla həyata keçirilməsi üçün respublikanın bütün yüksək rəhbərliyini fiziki cəhətdən kənarlaşdırmaq lazımdır.

Onlar xüsusi olaraq xalqa müraciətlərini yayımlamaq üçün radio və televiziya mərkəzlərinin ələ keçirilməsinin və paytaxtda hazırkı hökumətə sadiq olan daxili qoşunlar və çevik polis qüvvələrinin bloklanmasının nəzərdə tutulduğu hərbi çevriliş planını ətraflı müzakirə ediblər.

Belarus prezidentinin hakimiyyətdən kənarlaşdırılması ilə konstitusiya quruluşunun dəyişdirilməsi və ölkənin idarə edilməsini “Milli Sülh Komitəsi”nə həvalə olunması yekun hədəf olaraq qarşıya qoyulmuşdu.

Zenkoviç və Feduta ilə bağlı Belarus istintaq orqanları Cinayət Məcəlləsinin 357-ci maddəsi (sui-qəsd və ya dövlət hakimiyyətini ələ keçirmək məqsədi ilə törədilən digər hərəkətlər) ilə cinayət işi başlanılıb.

75