Dollar, arxiv şəkli

Universitetdə saxta dollar çap edənlər tutuldular

236
(Yenilənib 00:19 18.03.2021)
Polis şübhəlilərin saxta dollar əskinaslarının Ukraynaya, saxta avroların isə Qərbi Avropa ölkələrinə qaçaqmalçılığı ilə məşğul olan iri cinayətkar qruplaşmanın üzvü olduğunu ehtimal edir.

BAKI, 18 mart — Sputnik. Bolqarıstan polisi amerikalı həmkarları ilə birlikdə Sofiya universitetlərindən birində uzun müddət saxta dollar əskinaslarının çap edildiyini aşkar edib.

Sputnik Azərbaycan xarici mediaya istinadla xəbər verir ki, ali təhsil ocağının adı açıqlanmasa da, universitetdən printer və digər çap avadanlığının müsadirə olunduğu bildirilir.

Ümumilikdə hüquq mühafizə orqanları əməkdaşları 4 milyonluq saxta dollar və 3.5 milyondan artıq məbləğdə saxta avro aşkar edərək götürüblər.

Bundan əlavə, universitetin biri qadın, biri isə kişi olmaqla iki əməkdaşı da həbs edilib. Sofiya prokurorluğundan verilən məlumata görə, onlar universitetin nəşriyyatında hazırlanan saxta pulların nominal dəyərinin 10%-ni özlərinə götürürlərmiş.

Polis şübhəlilərin saxta dollar əskinaslarının Ukraynaya, saxta avroların isə Qərbi Avropa ölkələrinə qaçaqmalçılığı ilə məşğul olan iri cinayətkar qruplaşmanın üzvü olduğunu ehtimal edir.

 

236
PPX avtomobili

Daha iki koronavirus xəstəsinə cinayət işi açılıb

2
Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 2 nəfər barəsində cinayət işi başlanılıb.

BAKI, 12 aprel — Sputnik. Daxili işlər orqanlarının əməkdaşları tərəfindən şənbə və bazar günlərində respublika ərazisində 17 nəfər aktiv koronavirus xəstəsi ictimai yerlərdə aşkar edilərək saxlanılıb.

Bu barədə Daxili İşlər Nazirliyinin (DİN) Mətbuat xidmətindən məlumat verilib.

Polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 2 nəfər barəsində cinayət işi başlanılıb.

Hazırda istintaq araşdırmaları davam etdirilir.

"Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik", - Mətbuat xidmətindən bildirilib.

2
Kosmos

Rəşad Nəbiyev: "Azərbaycan dünya kosmik sənayesinin üzvünə çevrilib"

2
"Peyklərimiz dünya kosmik ailəsində layiqli yerimizi təmin edib", - rabitə və yüksək texnologiyalar naziri qeyd edib.

BAKI, 12 aprel — Sputnik. "Bu gün insanın kosmosa ilk uçuşundan 60 il ötür".

Sputnik Azərbaycan xəbər verir ki, bunu nəqliyyat, rabitə və yüksək texnologiyalar naziri Rəşad Nəbiyev bildirib.

"Çox sevinirəm ki, Prezident İlham Əliyevin uzaqgörən siyasəti nəticəsində Azərbaycan dünya kosmik sənayesinin üzvünə çevrilib. Peyklərimiz dünya kosmik ailəsində layiqli yerimizi təmin edib", - Rəşad Nəbiyev qeyd edib.

2