Qəfəsdə ayı, arxiv şəkli

Azərbaycanlı biznesmenin ayısı Rusiyada küçədən keçənlərə hücum edib

10
(Yenilənib 20:53 17.03.2021)
Ayı sahibinin qohumu isə hadisəni "malalamağa" çalışaraq deyib ki, "bu ayı artıq ev heyvanıdır, insanlara xətər yetirmir".

BAKI, 17 mart — Sputnik. Rusiyanın Nijnevartovsk şəhərində bu gün martın 17-də səhər saatlarında ayı küçədən keçənlərin arxasınca düşüb, onlara hücum edib.

Sputnik Azərbaycan Rusiya KİV-lərinə istinadən xəbər verir ki, şahidlərdən biri həmin anları əks etdirən videokadrları internetdə yayıb. Kadrlar sürətlə federal KİV-lər tərəfindən tirajlanıb.

Məlum olub ki, ayı şəhərdəki otellərdən birinin ərazisində, qəfəsdə saxlanılırmış və vəhşi heyvan qəfəsi qıraraq küçəyə çıxıb. Daha sonra yoldan keçənlərin arxasınca düşüb, avtomobil yoluna çıxıb və bu zaman sürətlə hərəkət edən avtobus onu vuraraq yaralayıb. Ayı daha da aqressivləşib və insanlara hücum etməyə başlayıb.

Qəzəbli ayını yaxalamaq üçün əsl xüsusi əməliyyat keçirmək lazım gəlib, küçədə ayını görən sakinlər hərə bir tərəfə qaçıb gizlənib. Ayını tutmağa əvvəlcə yol patrul polisinin əməkdaşları cəhd ediblər, onlar yolu bağlayıblar və ayını binalardan birinin həyətinə sıxışdırıblar. Nəhayət ayını tutmaq mümkün olub. Və bəlli olub ki, o heç də meşədən qaçıb gəlməyib, şəhərdəki otellərdən birində saxlanılırdı.

Virtualaz-ın məlumatına görə, Surqut regionunun Daxili İşlər Nazirliyi insidentlə bağlı təhqiqat aparıb və məlum olub ki, ayının sahibi azərbaycanlıdır. O, Nijnevartovskda otel sahibidir və əvvəllər də dəfələrlə dəfələrlə sanitar normalara əməl etmədiyinə, silahın qeydiyyatı qaydalarını pozduğuna, alkaqolun parakəndə satışı qaydalarına əməl etmədiyinə və saxta alkaqol satdığına görə inzibati məsuliyyətə cəlb olunub. İndi isə onun barəsində ayıya görə inzibati protokol tərtib edilib, vəhşi heyvan veterinar müayinəsinə aparılıb.

Ayı sahibinin qohumu isə hadisəni "malalamağa" çalışaraq deyib ki, bu ayı artıq ev heyvanıdır, insanlara xətər yetirmir. "O, bizim keşikçimizdir. Ev heyvanı kimidir. Mən onu qəfəsə geri qaytarmaq istəyirdim", - o, bildirib. Əslində isə ayının otelə müştəri cəlb etmək üçün orada saxlanıldığı bildirilir.

 

10
Bakı metrosunda

"Bakı Metropoliteni"ndə yeni əsaslarla qurulur

6
Təmir-baxış qanovlarında müasir idarəetmə sisteminin tətbiqi, kommutasiya sistemi mərkəzləşmiş formada yeni əsaslarla qurulur

 

BAKI, 12 aprel — Sputnik. "Bakı Metropoliteni" Qapalı Səhmdar Cəmiyyətinin "Nərimanov" elektrik deposunda qatarların baxış-təmir sahələrində daha bir texniki yenilik tətbiq edilir. Əsaslı təmir edilərək yenidən qurulan bu sahələrin fəaliyyətinin optimallaşdırılması istiqamətində innovativ tədbirlərin həyata keçirilməsi istiqamətində mühüm işlər görülür. Bu barədə "Bakı Metropoliteni" QSC-dən Sputnik Azərbaycan-a verilən məlumatda bildirilib.

Qeyd olunub ki, qanovlarda qatarların hərəkətini təmin edən 825 V-luq kontakt şəbəkəsi yenidən qurulur. Başqa sözlə, şəbəkədə kommutasiya sisteminin müasirləşməsi üzrə işlər aparılır.

Məsələnin aydın olması üçün qeyd edək ki, baxış-təmir qanovlarında qatarlar 825 V-luq sabit gərginliyi olan yollardakı kimi təmas relsindən deyil, qanovlar yerləşən sahənin tavanında quraşdırılmış təmas şəbəkəsindən alır. Bu isə təhlükəsizlik qaydalarının tələbindən irəli gələn bir məsələdir.

1966-cı ildən fəaliyyətdə olan depoda kommutasiya sisteminin dəyişdirilməsi onun daha müasir və etibarlı sistemlə əvəz edilməsi deməkdir. Bununla iş şəraiti də müasir dövrün tələbinə uyğunlaşdırılır. Görülən tədbirlərlə kontakt şəbəkəsi elementləri də yenilənməklə gücləndirilir və qanovlara yüksək gərginliyin verilməsi prosesi tam avtomatlaşdırılır.

Yeni sistemin tətbiqi ilə hər qanov qarşısında xüsusi təyin edilmiş dolablar qoyulub. Bununla baxış-təmir qanovunda dayanmış qatara sabit gərginlik verilməsi üçün çevirici qolları fırlamaq əvəzinə, sadəcə, komanda düyməsini sıxmaq yetərlidir.

Layihə İtaliyanın "Ropla" şirkəti ilə əməkdaşlıq şəraitində həyata keçirilir. Hazırda 10 qanovda yüksək gərginlik şəbəkəsinin bütün avadanlıqları, idarəetmə dolabları quraşdırılıb və sistem istifadəyə verilib. Daha 7 qanovda işlərin aparılması üçün hazırlıq tədbirləri davam etdirilir və bu, qanovların əsaslı təmiri prosesi ilə paralel aparılır.

İşlər bununla tamamlanmır. Bütün qanovlarda yeni sistem eyni mərkəzdən idarə olunacaq. Bu istiqamətdə tədbirlər davam etdirilir. İdarəetmə mərkəzində iş başında olan operator otağı tərk etmədən qatarların istənilən baxış-təmir qanovuna gərginliyin verilib-çıxarılmasını avtomatik yerinə yetirə biləcək.

6
İranın Nətənz Nüvə Mərkəzi

MAQATE hay-küylü qəzaya belə reaksiya verdi

5
(Yenilənib 00:05 13.04.2021)
"Nətənz hadisəsi ilə bağlı dünən mediada gedən məlumatlardan xəbərimiz var və bununla bağlı İran rəhbərliyi ilə əlaqə saxlayırıq"

 

BAKI, 12 aprel — Sputnik. Beynəlxalq Atom Enerjisi Agentliyi (MAQATE) İranın Nətənz Nüvə Mərkəzində baş verən qəzaya reaksiya verib. Agentlikdən bildirilib ki, qəza ilə bağlı İran hakimiyyəti ilə əlaqə saxlanılıb. Sputnik Azərbaycan RİA Novosti-yə istinadla xəbər verir ki, bunu MAQATE-nin nümayəndəsi Fredrik Dal deyib.

"Nətənz hadisəsi ilə bağlı dünən mediada gedən məlumatlardan xəbərimiz var və bununla bağlı İran rəhbərliyi ilə əlaqə saxlayırıq ", – deyə Dal bildirib.

Qeyd edək ki, dünən səhər saatlarında İran Atom Enerjisi Təşkilatının sözçüsü Behruz Kəmalvəndi İranın Nətənz Nüvə Mərkəzində qəza baş verdiyini, nəticədə insan tələfatı və çirklənmə olmadığını və qəzanın səbəblərinin araşdırıldığını bildirib.

İranın vitse-prezidenti və İran Atom Enerjisi Təşkilatının rəhbəri Əli Əkbər Salehi isə vurğulayıb ki, İranın Nətənz Nüvə Mərkəzindəki qəza hücum və "nüvə terrorizmi"nin nəticəsidir.

"İran Beynəlxalq Atom Enerjisi Agentliyini bu nüvə terrorizminə qarşı çıxmağa çağırır, eyni zamanda müvafiq addımlar atmaq hüququnu özündə saxlayır", – deyə o qeyd edib.

5