Əhmədağalı kəndi ərazisində insana məxsus, kəllə, qabırğa və ayaq sümükləri aşkarlanıb

Ağdamda fəhlələr kəhrizi təmizləyərkən insan skeleti tapıblar

264
(Yenilənib 13:57 23.02.2021)
Sakit Şirinov: Ekskavator buranı qazan zaman ərazidə sümük göründü. Yaxınlaşıb baxanda gördük ki, insan sümükləridir.

Emin Babayev, Sputnik Azərbaycan

BAKI, 23 fevral — Sputnik. Ağdam rayonun Əhmədağalı kəndi ərazisində kəhriz quyularında təmizləmə işləri aparan işçilər insana məxsus, kəllə, qabırğa və ayaq sümükləri aşkar ediblər. Kəhriz quyularını bərpa edən işçilərdən biri Sakit Şirinov Sputnik Azərbaycan-a bildirib ki, insan sümükləri onlar ərazidə işləyən zaman tapılıb.

"Burada işləyirdik, təsadüfən qabağımıza insan skeleti çıxdı. Həmin bu ərazi bizim qrunt çıxardıb tökdüyümüz yerdir. Ekskavator buranı qazan zaman ərazidə sümük göründü. Yaxınlaşıb baxanda gördük ki, insan sümükləridir. Digər iş yoldaşlarımızla birgə sümükləri çıxardıb yuxarı hissəyə açıq əraziyə qaldırıb yığdıq. Daha sonra da aidiyyatı qurumlara məlumat verdik."

  • Əhmədağalı kəndi ərazisində insana məxsus, kəllə, qabırğa və ayaq sümükləri aşkarlanıb
    © Sputnik / Emin Babayev
  • Əhmədağalı kəndi ərazisində insana məxsus, kəllə, qabırğa və ayaq sümükləri aşkarlanıb
    © Sputnik / Emin Babayev
  • Əhmədağalı kəndi ərazisində insana məxsus, kəllə, qabırğa və ayaq sümükləri aşkarlanıb
    © Sputnik / Emin Babayev
  • Sakit Şirinov
    © Sputnik / Emin Babayev
1 / 4
© Sputnik / Emin Babayev
Əhmədağalı kəndi ərazisində insana məxsus, kəllə, qabırğa və ayaq sümükləri aşkarlanıb

Hadisə ilə bağlı dərhal ərazi üzrə icra nümayəndəliyinə və hüquq-mühafizə orqanlarına məlumat verilib.

264
Roma Papası Fransisk, 10 sentyabr 2017-ci il

Roma Papası şiələrin lideri ilə görüşdü, İran sevindi

3
(Yenilənib 15:38 08.03.2021)
Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub

BAKI, 8 mart - Sputnik. Martın 6-da İraqa başlanan ilk səfəri çərçivəsində Roma Papası Fransisk oradakı şiələrin başçısı ayətulla Əli əs-Sistani ilə görüşüb. 

Sputnik Azərbaycan-ın məlumatına görə, bu barədə bu gün İran Xarici İşlər Nazirliyinin rəsmi sözçüsü Səid Xətibzadə bildirib və öz ölkəsinin XİN rəhbərinin bu hadisəni dinlər arasında dialoq və onların yaxınlaşması adlandırdığını əlavə edib. 

O, Papanın İraqa səfərini vacib hesab edib. 

Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub.

Fransisk İraqa səfər edən ilk Roma Papasıdır.

3
Teqlər:
İran XİN, görüş, lider, şiə, səfər, İraq, Roma papası Fransisk

Vətən müharibəsinin qaziləri qadınları təbrik etdilər - VİDEO

6
Qazilərimiz öz analarının timsalında Azərbaycan üçün layiqli övladlar böyüdən əsgər analarını, şəhid analarını və bütün Azərbaycan xanımlarını təbrik ediblər.

BAKI, 8 mart - Sputnik. Heydər Əliyev Sarayı 8 Mart – Beynəlxalq Qadınlar Günü ilə əlaqədar “İncə varlıq” adlı sosial videoçarx hazırlayıb.

Sputnik Azərbaycan-ın məlumatına görə, layihədə tarixi Qələbə əldə etdiyimiz 44 günlük Vətən müharibəsinin qaziləri Ulvi Qədir, Beyrək Quliyev, Pərvin Qasımov və Hikmət Məmmədov iştirak ediblər.

Onlar öz analarının timsalında Azərbaycan üçün layiqli övladlar böyüdən əsgər analarını, şəhid analarını və bütün Azərbaycan xanımlarını təbrik ediblər.

 

6
Teqlər:
təbrik, qazi, 8 Mart Beynəlxalq Qadınlar Günü