Türk polisi, arxiv şəkli

Türk həkimlər Azərbaycana qeyri-qanuni yolla dərman satıblar - İstintaq başlayıb

41
(Yenilənib 14:15 19.02.2021)
Polis Adana Şəhər Səhiyyə İdarəsinin tibbi xidmətlər üzrə müdir müavini Y.C., 4 həkim, 2 səhiyyə işçisi, 2 bioloq, 9 əczaçı, 13 nəfər aptek və dərman firmasında çalışan şəxsin də daxil olduğu 46 şübhəli şəxsə qarşı əməliyyat keçirib.

BAKI, 19 fevral — Sputnik. Adana Şəhər Baş Polis İdarəsinin Qaçaqmalçılıq və Mütəşəkkil Cinayətkarlıqla Mübarizə şöbəsinin əməkdaşları qeyri-qanuni şəkildə resept yazmaqla qazanc əldə edilməsi, ictimai mülkiyyətə zərər vurulması, xərçəng xəstəliyindən əziyyət çəkən Türkiyə vətəndaşlarının müalicəsində istifadə edilməli olan dərmanların Azərbaycan, Suriya, İran və İraqa satmağa cəhd göstərilməsi, xüsusi reseptlə satılan narkotik tərkibli dərmanları reseptsiz satmaqla narkotik maddə ticarətinə yol verilməsində şübhəli bilinən şəxslərə qarşı əməliyyat keçirib.

Polis qrupları Adanaya tabe 11 rayonda Adana Şəhər Səhiyyə İdarəsinin tibbi xidmətlər üzrə müdir müavini Y.C., 4 həkim, 2 səhiyyə işçisi, 2 bioloq, 9 əczaçı, 13 nəfər aptek və dərman firmasında çalışan şəxsin də daxil olduğu 46 şübhəli şəxsə qarşı əməliyyat keçirib. Əməliyyat zamanı aralarında Y.C.-nin də olduğu 41 şübhəli həbs olunub. Onlar Adana Məhkəmə Tibb Ekspertiza İdarəsində tibbi müayinədən keçiriləndən sonra polis idarəsinə aparılıblar.

Şübhəli şəxslərə qarşı öz aralarında 12 milyon 523 min 111 lirəlik pul transferi həyata keçirdiklərinə dair iddia irəli sürülüb.

Qalan beş şübhəli şəxsin axtarışı davam edir.

41
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6
Lady Qaqa

Ledi Qaqa büsbütün dəyişdi

9
(Yenilənib 22:51 26.02.2021)
35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

BAKI, 26 fevral — Sputnik. Albomları və "A Star Is Born" filmindəki aktrisalıq qabiliyyəti ilə müzakirələrə səbəb olan Ledi Qaqa xarici görünüşündə dəyişiklik edib.

Sputnik Azərbaycan xarici mətbuata istinadən bildirir ki, 35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

Hazırda film çəkillişlərində iştirak edən Ledi geyim tərzini və saç rəngini dəyişib. O, bunu rol aldığı ekran işi üçün edib.

Qeyd edək ki, Qaqa "Gucci" adlı ekran əsərində çəkilir.

9