Mina sahəsi, arxiv şəkli

Suqovuşanda mina partlaması bir nəfərin həyatına son qoyub

22
(Yenilənib 10:17 19.02.2021)
Laçın rayonundan keçmiş məcburi köçkün, 1988-ci il təvəllüdlü Mahmudov Bəxtiyar Mahmud oğlu minaya düşərək həyatını itirib.

BAKI, 18 fevral - Sputnik. Bu gün Tərtərin Suqovuşan kəndində mina partlaması nəticəsində bir nəfər həlak olub.  

Sputnik Azərbaycan xəbər verir ki, həmin şəxs Laçın rayonundan keçmiş məcburi köçkün olan, hazırda Tərtərin Seydimli kəndində yaşayan 1988-ci il təvəllüdlü Mahmudov Bəxtiyar Mahmud oğludur. 

Xatırladaq ki, Suqovuşan kəndi 3 oktyabr 2020-ci il tarixində Qarabağda gedən döyüşlər zamanı Azərbaycan Silahlı Qüvvələri tərəfindən işğaldan azad edilib. 

22
Azərbaycanda koronavirus infeksiyasına qarşı vaksinasiya

Emin Əmrullayev peyvənd olunan müəllimlərin sayını açıqladı

1
(Yenilənib 13:09 05.03.2021)
Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur

BAKI, 5 mart — Sputnik. "Artıq təhsil işçilərinin vaksinasiyası prosesinin üçüncü günüdür. Bu müddətdə 1000-dən çox müəllimimizin vaksinasiyası həyata keçirilib".

Sputnik Azərbaycan-ın məlumatına görə, bu barədə təhsil naziri Emin Əmrullayev sosial şəbəkədəki hesabında yazıb.

Nazir qeyd edib ki, şagirdlərin davamlı öyrənməsi və təhsil müəssisələrinin mütəmadi fəaliyyətini təmin etmək üçün 50 yaşdan yuxarı pedaqoji və texniki heyətin peyvənd olunması zəruridir: "Birlikdə qısa zaman ərzində bu prosesi uğurla başa çatdıracağımıza inanıram".

Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur.

1
Teqlər:
müəllimlər, Sinovac Biotech, vaksinasiya, Azərbaycan
Mövzu:
Azərbaycanda COVID-19 əleyhinə vaksinasiya
Yeni Azərbaycan Partiyasının loqotipi, arxiv şəkli

Altı partiya YAP-a qoşuldu, Siyasi Şura ləğv olundu

5
Azərbaycanda altı siyasi partiya hakim Yeni Azərbaycan Partiyasına (YAP) qoşulub. YAP-ın 40 nəfərdən ibarət İdarə Heyəti və Nəzarət Təftiş Komissiyası formalaşdırılıb

BAKI, 5 mart — Sputnik. Azərbaycanda 6 siyasi partiya hakim Yeni Azərbaycan Partiyasına (YAP) qoşulub. Sputnik Azərbaycan xəbər verir ki, bu barədə YAP-ın bu gün keçirilən VII qurultayında qərar qəbul edilib.

YAP-a qoşulan partiyalar bunlardır: Azərbaycan Xalq Demokratik Partiyası; Azərbaycan Kəndli Partiyası; Milli Qurtuluş Partiyası; Azərbaycan Yurddaş Partiyası; Azərbaycan Milli Hərəkat Partiyası; Azərbaycan Demokratik Sahibkarlar Partiyası.

Həmçinin YAP-ın Siyasi Şurası ləğv olunub. YAP-ın 40 nəfərdən ibarət İdarə Heyəti və Nəzarət Təftiş Komissiyası formalaşdırılıb.

Partiyada Veteranlar Şurası yaradılıb. Arif Rəhimzadə Veteranlar Şurasının sədri seçilib. 

5
Teqlər:
Siyasi Şura, YAP, partiya