Bakıda aptek, arxiv şəkli

Qiymətləri qaldıran apteklər məhkəməyə verildi

13
(Yenilənib 14:36 17.02.2021)
"25 aptekdə dövlət tərəfindən tənzimlənən qiymətlərdən kənaraçıxma olduğundan onlarla bağlı işlər sənədləşdirilərək məhkəməyə göndərilib" - Məmməd Abbasbəyl.

Nigar İsgəndərova, Sputnik Azərbaycan

BAKI, 17 fevral — Sputnik. "2020-ci ildə 3 min 708 vətəndaş tərəfindən müraciət daxil olub ki, onların 528-i mobil telefon, 523-ü məişət texnikası, 336-sı geyim, 321-i məişət əşyaları ilə bağlı olub. İstehlakçı hüquqlarının qorunması üçün ötən il 38 obyektdə dərman vasitələrinin satış qiymətinə dövlət nəzarəti olub. Qeyd edim ki, ötən il ərzində 30 aptekdə yoxlama aparılıb və onlardan 25-də qanun pozuntusu aşkarlanıb. Yəni, 25 aptekdə dövlət tərəfindən tənzimlənən qiymətlərdən kənaraçıxma olduğundan onlarla bağlı işlər sənədləşdirilərək məhkəməyə göndərilib".

Sputnik Azərbaycan-ın xəbərinə görə, bu barədə Antiinhisar və İstehlak Bazarına Nəzarət Dövlət Xidmətinin “2020-ci ilin yekunları” adlı onlayn konfransı zamanı Xidmətin rəis müavini Məmməd Abbasbəyli deyib.

M.Abbasbəyli bildirib ki, qanunsuz reklamların yayımı ilə bağlı 23 müraciət daxil olub.

Xidmətin rəis müavini qeyd edib ki, bu müddətdə antiinhisar fəaliyəti haqda qanunun pozulması əlamətləri üzrə 2 işə baxılıb və 27 milyon 412 min 962 manat maliyyə sanksiyası tətbiq edilib. Haqsız rəqabətin pozulmasına görə isə 14 min 179 manatlıq sanksiya tətbiq edilib.

M.Abbasbəyli qeyd edib ki, 2020-ci ildə dövlət büdcəsindən olan ümumi satınalmalar 6 milyard yarımdan artıq olub.

Bundan başqa, qeyd olunub ki, Antiinhisar və İstehlak Bazarına Nəzarət Dövlət Xidməti tərəfindən rəqabət məcəlləsi ilə bağlı layihə hazırlanıb, aiddiyyəti qurumlara göndərilib. Bu qurumların rəy və təklifləri öyrənildikdən sonra layihə müvafiq quruma təhvil veriləcək.

Qeyd edək ki, Antiinhisar və İstehlak Bazarına Nəzarət Dövlət Xidməti tərəfindən artıq təbii inhisar subyektləri olan iri dövlət şirkətlərinin gəlir və xərc smetalarının təhlilinə başlanılıb.

13

Rusiya məktəblərində inqilabi addım: Uşaqlara qarşı rəqəmsal cinayətlərin qarşısı alınacaq

0
(Yenilənib 00:13 06.03.2021)
Rusiyanın Təhsil naziri: "Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq",

BAKI, 6 mart - Sputnik. İlin sonuna qədər Rusiya məktəbləri yalnız təsdiqlənmiş kontentə giriş üçün nəzərdə tutulan Wi-Fi şəbəkəsinə qoşulacaq. Sputnik Azərbaycan RİA Novosti-yə istinadla xəbər verir ki, bunu Rusiyanın Təhsil Naziri Sergey Kravtsov "Rossiya24" telekanalının efirində Nailə Əsgər-Zadəyə verdiyi müsahibəsində deyib. 

"Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq", - deyə nazir bildirib. 

Kravtsov ilin sonuna qədər bütün şəhər məktəblərinin saniyədə ən az 100 meqabit, kənd məktəblərinin saniyədə 50 meqabit sürətlə internetə qoşulacağını vurğulayıb.

Bu həftənin əvvəlində Vladimir Putin Daxili İşlər Nazirliyinin kollegiya iclasında interneti izləməyin və uşaqları orada qanunsuz hərəkətlərə cəlb edənlərin müəyyənləşdirilməsinin vacibliyindən danışıb.
Daha sonra "Biz Birlikdəyik" aksiyasının iştirakçıları ilə görüşdə prezident internet vasitəsilə uşaqlar arasında uşaq pornoqrafiyasının və narkotik maddələrin təbliğ olunduğunu qeyd edib.

O, həmçinin vurğulayıb ki, internet belə şəxslər üçün yetkinlik yaşına çatmayanlardan istifadə edərək qazanc əldə etmək mənbəyidir. Bundan sonra İstintaq Komitəsinin rəhbəri Aleksand Bastrıkin tabeliyində olanlara "internetə sızmağı" və rəqəmsal cinayətlərlə daha aktiv işləməyi tapşırıb.

0
Ziyarətçilər Benksinin əsərlərinə baxırlar, arxiv şəkli

Benksinin əsərini yandırmaq üçün 95 min dollar ödədilər - VİDEO

4
(Yenilənib 00:33 06.03.2021)
"Morons" rəsmində real tarixi an - rəssam Vinsent Van Qoqun "Günəbaxanlar" tablosunun hərracda 50 milyon ABŞ dollarına satıldığı vəziyyət təsvir olunub.

BAKI, 6 mart — Sputnik. "Injective Protocol" blokçeyn şirkəti küçə rəssamı Benksinin "Morons" rəsmini yandırmaq və rəqəmsal aktivə çevirmək üçün Nyu-York qalereyasına 95 min ABŞ dolları ödəyərək şəkli satın alıb.

Sputnik Azərbaycan xarici mediaya istinadən xəbər verir ki, rəssamın özünün yaratdığı "Pest Control" agentliyi əsərin həqiqiliyini təsdiqləyib. Canlı yayımlanan yandırılma prosesindən sonra rəsm əsəri dəyişdirilə bilinməyən tokenə (NFT) çevrilib. Qeyd olunur ki, bu, əsl sənət əsərinin virtual aktivə çevrildiyi ilk haldır.

"Morons" rəsmində real tarixi an - rəssam Vinsent Van Qoqun "Günəbaxanlar" tablosunun hərracda 50 milyon ABŞ dollarına satıldığı vəziyyət təsvir olunub. Bu, çoxlu lot ilə hərracların tətbiqinin başlanğıcı olub.

Daha əvvəl Benksinin qrafitisi olan divarın bir parçasının "altırəqəmli məbləğə" satıldığı bildirilmişdi.

4