Raket buraxılışı, arxiv şəkli

Türkiyə yeni uzaqmənzilli raketlərini göstərdi Düşmənə qorxu - VİDEO

1347
(Yenilənib 12:36 05.02.2021)
Sınaqları Türkiyə Hərbi Dəniz Qüvvələrinin (HDQ) admiralı Adnan Özbal və Sinop vilayətinin qubernatoru Erol Karaöməroğlu izləyib.

BAKI, 5 fevral — Sputnik. Türkiyənin Sinop vilayətində "Atmaca" qanadlı raketinin sınaqları keçirilib. Sputnik Azərbaycan "Anadolu" agentliyinə istinadən xəbər verir ki, Türkiyənin "Roketsan" şirkəti tərəfindən hazırlanan gəmi əleyhinə uzaqmənzilli raketlərinin kütləvi istehsalına başlanılacaq.

Məlumatda qeyd olunur ki, sınaqlar uğurla həyata keçirilib, raketlər şərti düşmənin bütün hədəflərini müvəffəqiyyətlə zərərsizləşdirib.

Bildirilir ki, sınaqları Türkiyə Hərbi Dəniz Qüvvələrinin (HDQ) admiralı Adnan Özbal və Sinop vilayətinin qubernatoru Erol Karaöməroğlu izləyib.

""Atmaca" raketləri dosta güvən verəcək, düşməni qorxuya salacaq", - deyə admiral qeyd edib.

Türkiyənin Müdafiə Sənayesi İdarəsinin rəhbəri İsmayıl Dəmir də uğurlu sınaq münasibəti ilə "Atmaca"-nın yaradıcılarını təbrik edib.

1347
Teqlər:
Hərbi Dəniz Qüvvələri, raket, raket hücumu, Türkiyə
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

12
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

12

Azərbaycanlı müğənnini Rusiyanın ən çox qazanan blogeri ilə "sevgili" etdilər

24
Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Amma oğlanın adını heç kim bilmir.

BAKI, 3 mart - Sputnik. Rusiya KİV-i Azərbaycan əsilli populyar müğənni Jony-nin (Cahid Hüseynli) məşhur videobloger Dina Sayeva ilə sevgili olduğunu yazır. Sayeva ən çox pul qazanan Tik-Tok vlogerlərindəndir. 

Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Bu günlərdə göndərilən buket, az qala, kol boyda imiş.

Sayeva sevgilisinin adını gizləyir. Ancaq Rusiya KİV-ləri yazır ki, onun sevgilisi Jony-dir. Yeri gəlmişkən, Cahid də bu şayiələri təsdiqləməyə tələsmir.

Dina Sayeva Tacikistandandır. TikTok-un rusdilli seqmentinin ən populyar hesabının sahibidir. 2020-ci ildə Rusiya Forbes-u onu ən çox qazanan tiktokerlərin siyahısında ikinci sırada göstərmişdi.

2020-ci ilin sonunda Sayeva musiqi karyerasına başladı. Debüt mahnısı isə "Səni axtarıram" ("Я ищу тебя") oldu.

Jony dörd yaşı olanda valideynləri ilə Azərbaycandan Moskvaya köçüb. Uşaq vaxtından populyar olmaq istəyib və nəhayət, arzusunu gerçəkləşdirib. Öz dediyinə görə, populyarlaşmasında sosial şəbəkələr böyük rol oynayıb. Bakıda ilk dəfə "Jara-2019" musiqi festivalında çıxış edib. 

Müğənni azərbaycanlı ifaçı Elman Zeynalovun təsis etdiyi Raava Music musiqi leyblının artistləri sırasındadır. 2019-cu ildə ВКонтакте-nin versiyasına görə, ilin "Ən qabaqcıl" müğənnisi adını alıb. Onun "Xiyaban" ("Аллея") sinqlı isə 5 qat platin statusu alıb. 

 

24