Çingiz Mustafayev, arxiv şəkli

Çingiz Mustafayevdən Şərq melizmlərinin mistikasını özündə birləşdirən mahnı - VİDEO

666
(Yenilənib 00:19 03.02.2021)
Müğənni "Gülzar istərəm" adlı yeni mahnısını "Instagram" hesabında paylaşıb. Mahnı haqqında məlumat verən müğənni bu mahnını keçən yay Oğuz rayonunda təbiət qoynunda yazdığını deyib.

Şahpəri Abbasova, Sputnik Azərbaycan

BAKI, 3 fevral — Sputnik. Hər zaman fərqli janrlarda mahnılar ifa edən Çingiz Mustafayev bu dəfə də maraqlı bir mahnı ilə gündəmə gəlib.

Sputnik Azərbaycan xəbər verir ki, müğənni "Gülzar istərəm" adlı yeni mahnısına çəkilmiş klipi "Instagram" hesabında paylaşıb.

Посмотреть эту публикацию в Instagram

Публикация от Chingiz Mustafayev (@chingizmustafayev)

Mahnı haqqında məlumat verən müğənni bu mahnını keçən yay Oğuz rayonunda təbiət qoynunda yazdığını deyib: "Qəzəl üçün Məhəmməd Füzuli yaradıcılığından bəhrələndim və ortaya belə bir əsər çıxdı. Əsərdə şərq melizmlərinin mistikasına qapılıb olduğunuz məkandan ruhən tərki-dünya ola bilərsiniz. Tərki-dünya olsanız, özünüzü ucsuz-bucaqsız bir səhralığın ortasında tapacaqsınız. Nə etməli? Nə axtarmalı? Nə görməli? Nə düşünməli? Nə sorğulamalı? Onu artıq sizin xəyal gücünüzə buraxıram".

Qeyd edək ki, müğənni sözügedən mahnıya çəkilmiş klipdə fərqli bir imicdə - Şərq üslubunda geyinib. Sufizmin elementləri hiss olunan klipin rejissoru Fuad Tofiqoğludur. Klip izləyicilər tərəfindən bəyənilib. Müğənninin izləyiciləri ona xoş sözlərini yazıblar.

666
Azərbaycan Respublikasının Baş Naziri Əli Əsədov, arxiv şəkli

Əli Əsədov Fuad Oktaya başsağlığı verdi

3
Telefon danışığı əsnasında fevralın 19-da Ankarada keçirilmiş Azərbaycan-Türkiyə Hökumətlərarası Əməkdaşlıq Komissiyasının 9-cu iclasının yekunlarına dair imzalanmış Protokolun və Fəaliyyət Planlarının icrası ilə bağlı məsələlər müzakirə olunub.

BAKI, 5 mart — Sputnik. Martın 5-də Azərbaycan Respublikasının Baş naziri Əli Əsədov ilə Türkiyə Respublikasının Vitse-prezidenti Fuat Oktay arasında telefon danışığı olub.

Nazirlər Kabinetindən (NK) Sputnik Azərbaycan-a verilən məlumata görə, Baş nazir Əli Əsədov Fuat Oktaya Türkiyə Silahlı Qüvvələrinə məxsus helikopterin qəzaya uğraması nəticəsində türk əsgərlərinin şəhid olması ilə əlaqədar başsağlığı verib.

Telefon danışığı əsnasında fevralın 19-da Ankarada keçirilmiş Azərbaycan-Türkiyə Hökumətlərarası Əməkdaşlıq Komissiyasının 9-cu iclasının yekunlarına dair imzalanmış Protokolun və Fəaliyyət Planlarının icrası ilə bağlı məsələlər müzakirə olunub.

Həmçinin Azərbaycanla Türkiyə arasında müxtəlif sahələrdə əlaqələrin inkişaf perspektivləri barədə fikir mübadiləsi aparılıb.

3
Teqlər:
Türkiyə Respublikasının Vitse-prezidenti Fuat Oktay, Əli Əsədov, Baş nazir, Türkiyə, Azərbaycan
İclas zalı, arxiv şəkli

YAP İdarə Heyətindən çıxarılanların SİYAHIsı

10
YAP-ın Siyasi Şurası ləğv olunub. Partiyanın 40 nəfərdən ibarət İdarə Heyəti və Nəzarət Təftiş Komissiyası formalaşdırılıb

BAKI, 5 mart — Sputnik. Yeni Azərbaycan Partiyasının (YAP) İdarə Heyətindən çıxarılan şəxslərin adı məlum olub.

Sputnik Azərbaycan APA-ya istinadən bildirir ki, partiyanın bu gün keçirilmiş qurultayında formalaşdırılan 40 nəfərdən ibarət İdarə Heyətində aşağıdakı şəxslər yer almayıblar:

Ramiz Mehdiyev, Əli Həsənov, Siyavuş Novruzov, Hacıbala Abutalıbov, Vaqif Əliyev, Nurlana Əliyeva, Akif Əlizadə, Yusif Hümbətov, Kərim Kərimov, Abel Məhərrəmov, Əli Həsənov.

Qeyd edək ki, YAP-ın Siyasi Şurası ləğv olunub. Partiyanın 40 nəfərdən ibarət İdarə Heyəti və Nəzarət Təftiş Komissiyası formalaşdırılıb. Partiyada Veteranlar Şurası yaradılıb. Arif Rəhimzadə Veteranlar Şurasının sədri seçilib

 

10
Teqlər:
qurultay, YAP