Fransa bayrağı, arxiv şəkli

Fransanın Minsk qrupundan əl çəkmək fikri yoxdur

27
(Yenilənib 12:48 02.02.2021)
Fransanın Azərbaycandakı səfirliyi Fransanın Avropa və Xarici İşlər Nazirliyinin dövlət katibi Jan Batist Lömuanın Azərbaycana səfərinin yekunu ilə bağlı bəyanat yayıb.

Eldar Tanrıverdiyev, Sputnik Azərbaycan

BAKI, 2 fevral — Sputnik. "Tarixi öhdəliyinə sadiq qalan Fransa, bölgədə davamlı sülh yaratmaq üçün tam səfərbər olaraq qalır".

Sputnik Azərbaycan xəbər verir ki, bu barədə Fransanın Azərbaycandakı səfirliyinin Fransanın Avropa və Xarici İşlər Nazirliyinin dövlət katibi Jan Batist Lömuanın Azərbaycana səfərinin yekunu ilə bağlı bəyanatında deyilir.

"Cənab Lömuan Azərbaycan və Ermənistan hakimiyyətini ATƏT-in Minsk Qrupu həmsədri olaraq Dağlıq Qarabağ münaqişəsinin siyasi yolla həllinə Fransanın tam səfərbər olmasına əmin etdi. O, həmçinin təcili humanitar məsələlərin həllində irəliləyişin vacibliyini vurğuladı.

Bakıda Dövlət Katibini Prezident Cənab İlham Əliyev, eləcə də Xarici İşlər, İqtisadiyyat, Maliyyə, Mədəniyyət və Təhsil nazirləri qəbul edib. Dövlət katibi ikitərəfli münasibətlərin möhkəmləndirilməsi imkanlarını, habelə əməkdaşlıq, əlaqələndirmə və regional iqtisadi inkişaf perspektivlərini müzakirə etdi. Bu münasibətlə Biləcəridə Azərbaycan Dəmir Yolları və Alstom, habelə dəmir yolu sahəsində Fransa İnkişaf Agentliyi (AFD) arasında tərəfdaşlığı təcəssüm etdirən dəmir yollarının yeni istismar deposu ilə tanış oldu. O, həmçinin fransız şirkətlərinin nümayəndələri ilə görüşüb, Bakıdakı Fransız Liseyinin müdiri və Fransa-Azərbaycan Universitetinin Baş katibi ilə söhbət etdi", - deyə məlumatda bildirilir.

27
Teqlər:
ATƏT-in Minsk Qrupunun həmsədrləri, ATƏT-in Minsk qrupu, Prezident İlham Əliyev, Fransa

Azad edilmiş daha bir kəndimizin hazırkı mənzərəsi belədir - VİDEO

6
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

6
Britaniya kraliçası II Elizabet, arxiv şəkli

Britaniya kraliçası öz şəxsi təyyarələrindən məhrum olacaq

8
Kral ailəsi indiyədək dörd BAE-146 regional təyyarədən və AW-109 helikopterindən istifadə edib. Ancaq həmin helikopter bundan sonra da kraliçaya xidmət edəcək.

BAKI, 6 mart - Sputnik. Böyük Britaniya kraliçası II Elizabet daha özünün xüsusi təyyarələrindən istifadə edə bilməyəcək və bundan sonra Baş nazirin təyyarəsindən istifadə etməli olacaq.

APA xəbər verir ki, bu barədə “Mail Online” nəşri məlumat yayıb.

“1980-ci illərdən bəri kral ailəsinin istifadəsində olan təyyarələr gələn ildən etibarən Hərbi Hava Qüvvələrinin tərkibindən çıarılacaq və kraliça öz hökmranlığı dövründə ilk dəfə şəxsi təyyarəsiz qalacaq”, - deyə yazıb.

Qərarın müdafiə xərclərinin azaldılması səbəbindən verildiyi bildirilir.

Qeyd edək ki, kral ailəsi indiyədək dörd BAE-146 regional təyyarədən və AW-109 helikopterindən istifadə edib. Ancaq həmin helikopter bundan sonra da kraliçaya xidmət edəcək.

8