Hərbçinin dəfni

Azərbaycan ordusunun hərbi qulluqçusu vəfat edib

419
(Yenilənib 22:19 30.01.2021)
Üç bacının bir qardaşı olan Fətulla oktyabr ayında hərbi xidməti başa vurub ordu sıralarından tərxis edilməli imiş.  

Leyla Abdullayeva, Sputnik Azərbaycan

BAKI, 30 yanvar - Sputnik. Azərbaycan ordusunun xidmətdə olan hərbi qulluqçusu Siracov Fətulla Qasım oğlu səhhətində yaranan problemlər səbəbindən dünyasını dəyişib.

  • Hərbçinin dəfni
    © Sputnik / Leyla Abdullayeva
  • Hərbçinin dəfni
    © Sputnik / Leyla Abdullayeva
  • Hərbçinin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Hərbçinin dəfni

Sputnik Azərbaycan-ın bölgə müxbirinin verdiyi məlumata görə, Siracov ürək tutmasından vəfat edib. O, bu gün günorta saatlarında doğulduğu Şabran rayonunun Gəndov kəndində hərbi orkestrin müşayiəti ilə dəfn edilib. 

Üç bacının bir qardaşı olan Fətulla oktyabr ayında hərbi xidməti başa vurub ordu sıralarından tərxis edilməli imiş.  

Faktı Müdafiə Nazirliyi təsdiqləyib. 

Qeyd edək ki, F.Siracov "Kəlbəcərin azad olunmasına görə" medalı ilə təltif edilmişdi.

419
Qandal, arxiv şəkli

Gün ərzində törədilmiş 37 cinayətin üstü “isti izlər”lə açılıb

2
(Yenilənib 12:44 03.03.2021)
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 22, qanunsuz saxlanılan silah-sursatla bağlı 1 fakt müəyyən edilib.

BAKI, 3 mart — Sputnik. 2021-ci il mart ayının 2-də daxili işlər orqanlarında qeydə alınmış cinayət və hadisələr haqqında statistik məlumat açıqlanıb.

Daxili İşlər Nazirliyindən Sputnik Azərbaycan-a verilən məlumata görə, respublikanın daxili işlər orqanları tərəfindən, gün ərzində törədilmiş 37 cinayətin üstü “isti izlər”lə açılıb. Əvvəlki dövrlərdən bağlı qalan 20 cinayətin açılması təmin olunub. Axtarışda olduğuna görə ümumilikdə 37 nəfər, o cümlədən borclu şəxs qismində axtarışda olan 22 nəfər saxlanılaraq aidiyyəti üzrə təhvil verilib. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 22, qanunsuz saxlanılan silah-sursatla bağlı 1 fakt müəyyən edilib.

Cinayət törətməkdə şübhəli bilinən 46 nəfər saxlanılıb.

 

 

 

2
Reanimasiyada COVİD-19 xəstəsi, arxiv şəkli

Azərbaycanın tanınmış alimi koronavirusdan vəfat etdi

141
(Yenilənib 12:21 03.03.2021)
Tarixçi bir müddət idi ki, koronavirusa görə müalicə alırdı. O ötən ay ağır vəziyyətdə xəstəxanaya yerləşdirilmişdi.

BAKI, 3 mart — Sputnik. AMEA A.A.Bakıxanov adına Tarix İnstitutunun "Azərbaycanın orta əsrlər tarixi" şöbəsinin aparıcı elmi işçisi, tarix üzrə fəlsəfə doktoru Dilavər Əzimli vəfat edib. Sputnik Azərbaycan xəbər verir ki, bu barədə onun yaxın dostu Qələndər Muxtarlı məlumat verib.

Xatırladaq ki, tarixçi bir müddət idi ki, koronavirusa görə müalicə alırdı. O ötən ay ağır vəziyyətdə xəstəxanaya yerləşdirilmişdi.

Dilavər Mirzəkişi oğlu Əzimli 1959-cu il dekabrın 5-də Cəlilabad rayonunun Ağdaş kəndində anadan olub.

O, 1987-1992-ci illərdə Bakı Dövlət Universitetinin Tarix fakültəsini qırmızı dipıoma bitirib və həmin fakültənin aspiranturasında saxlanılıb. Dilavər Əzimli 1992-1994-cü illərdə Xarici İqtisadi Əlaqələr nazirliyində aparıcı mütəxəssis işləyib. 1994-cü ildən 2004-cü ilə kimi Azərbaycan mətbuatında müxtəlif qəzet və jurnallarda çalışıb. 2003-cü ildən AMEA A.A.Bakıxanov adına Tarix İnstitutunun "Azərbaycanın orta əsrlər tarixi" şöbəsində çalışırdı, eyni zamanda Azərbaycan Dövlət Pedaqoji Universitetində "Türk və Şərqi Avropa xalqları" kafedrasının müəllimi idi. Evlidir, iki övladı var.

Əzimli bir monoqrafiya, bir kitab müəllifidir.

141