Elmlər Akademiyası metrostansiyasının yaxınlığında

"Elmlər Akademiyası"nda təhlükəsizlik tədbirləri görülür

837
(Yenilənib 16:39 27.01.2021)
Əgər metronun fəaliyyəti bərpa olunarsa, sərnişinlərin stansiyadan normal istifadə etməsi üçün təhlükəsizlik tədbirləri görüləcək.

Zülfiyyə Quluyeva, Sputnik Azərbaycan

BAKI, 27 yanvar — Sputnik. Bakı Metropoliteninin "Elmlər Akademiyası" stansiyasının üzərində yerləşən binasında təmir işlərinə başlanılıb.

Bu barədə Sputnik Azərbaycan-a "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov məlumat verib. O qeyd edib ki, bu məqsədlə metro stansiyanın ətrafı hasarlanır:

"Metronun "Elmlər Akademiyası" stansiyası üzərində yerləşən inzibati binasının fasadı yenilənəcək. Stansiyanın ətrafı da piyadaların təhlükəsizliyi üçün hasarlanır".

  • Elmlər Akademiyası metrostansiyasının yaxınlığında
    © Sputnik / Zulfiyya Guluyeva
  • Elmlər Akademiyası metrostansiyasının yaxınlığında
    © Sputnik / Zulfiyya Guluyeva
  • Elmlər Akademiyası metrostansiyasının yaxınlığında
    © Sputnik / Zulfiyya Guluyeva
  • Elmlər Akademiyası metrostansiyasının yaxınlığında
    © Sputnik / Zulfiyya Guluyeva
1 / 4
© Sputnik / Zulfiyya Guluyeva
Elmlər Akademiyası metrostansiyasının yaxınlığında

Sputnik Azərbaycan-ın məlumatına görə, hazırda ərazidə qaldırıcı kran işləyir, fəhlələr əraziyə daş plitələr daşıyır.

B.Məmmədov bildirib ki, Nazirlər Kabineti yanında Operativ Qərargahın müvafiq qərarı ilə metroda sərnişindaşıma fəaliyyəti dayandırılıb. Əgər metronun fəaliyyəti bərpa olunarsa, sərnişinlərin stansiyadan normal istifadə etməsi üçün təhlükəsizlik tədbirləri görüləcək. Hazırda aparılan işlər sırf piyadaların təhlükəsiz hərəkəti üçündür.

837
Teqlər:
Bakı Metropoliteni Qapalı Səhmdar Cəmiyyəti, Bakı Metropoliteni, "Elmlər Akademiyası"
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6
Lady Qaqa

Ledi Qaqa büsbütün dəyişdi

9
(Yenilənib 22:51 26.02.2021)
35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

BAKI, 26 fevral — Sputnik. Albomları və "A Star Is Born" filmindəki aktrisalıq qabiliyyəti ilə müzakirələrə səbəb olan Ledi Qaqa xarici görünüşündə dəyişiklik edib.

Sputnik Azərbaycan xarici mətbuata istinadən bildirir ki, 35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

Hazırda film çəkillişlərində iştirak edən Ledi geyim tərzini və saç rəngini dəyişib. O, bunu rol aldığı ekran işi üçün edib.

Qeyd edək ki, Qaqa "Gucci" adlı ekran əsərində çəkilir.

9