Netflix şirkətinin ofisi, arxiv şəkli

“Netflix”in uğurunun sirri eşidənləri şoka salıb

20
(Yenilənib 00:35 23.01.2021)
Striminq platformasının əldə etdiyi uğura COVID-19 pandemiyası, orijinal kontent, həmçinin “Korona” və “Kraliçanın gedişi” seriallarının nümayişi səbəb olub.

BAKI, 23 yanvar — Sputnik. Ötən ilin nəticələrinə görə “Netflix” yayım şirkətinin auditoriyası rekord həddə çataraq 200 milyondan çox abunəçi toplayıb.

Sputnik Azərbaycan xarici mətbuata istinadla xəbər verir ki, striminq platformasının əldə etdiyi uğura COVID-19 pandemiyası, orijinal kontent, həmçinin “Korona” və “Kraliçanın gedişi” seriallarının nümayişi səbəb olub.

Netflix, internet üzərindən yayım həyata keçirən bir Amerika platformasıdır. Netflix-də müxtəlif serial, film, sənədli film və verilişlər yayımlanır. Həmçinin şirkət, film və seriallar çəkilişləri ilə də məşğuldur. Netflix-in iş sistemi belədir: Sayta üzv olmaq və müəyyən aylıq ödəniş etməklə seriallara və filmlərə baxmaq imkanı təqdim edir.

İnternetin ən böyük xidmətlərindən biri olan Netflix, 29 Avqust 1997-ci ildə Rid Hastinqs (Reed Hastings) və Mark Randolf (Marc Randolph) tərəfindən qurulub. İlk iş modeli DVD satış və kirayəsi olub. Ancaq qurulduqdan təxminən bir il sonra Rid Hastinqs tərəfindən poçtla DVD icarəsinə diqqət ayıracaqları elan edilib və satışları dayandırıblar.

1999-cu ildə abunə sisteminə keçdikdən sonra, Avropanın bir hissəsinə, eləcə də Şimali və Cənubi Amerikaya 100 min fərqli media məzmunu və 1 milyarddan çox DVD ilə xidmət göstərməyə başladı. Qısa bir müddət sonra ABŞ-da abunə sayı 39 milyona, qlobal olaraq 57.4 milyona çatdı. 2007-ci ildə insanların maraqlarına uyğun olaraq, internet üzərindən filmləri izləmək fürsəti təmin etməyə yönəldi.

Televiziya vərdişlərimizi kökündən dəyişdirən Netflix, Kanadada 2010-cu ildə xidmət göstərməyə başladı və beləliklə dünyaya açılması üçün ilk addımı atdı. 2016-cı ilin yanvar ayından etibarən 190-dan çox ölkədə xidmət göstərməyə başladılar. 2016-cı ildə 126 orijinal serial və film buraxdılar. 2017-ci ilin iyul ayında Netflix dünya səviyyəsində 103.95 milyon abunəçiyə çatdı. 2021-ci ilin ilk ayında isə bu rəqəm artıq 200 milyon abunəçidir. 

İlk 2,5 milyon dollarlıq investisiya ilə qurulan Netflix, 23 May 2002-ci ildə NFLX kodu ilə Nasdaq Birjasında səhm buraxılışına başladı. İlk günündə 12% dəyər qazanmağı bacardı.

Netflix-in, xüsusən beynəlxalq sferada qəbul edilməsi sayəsində şirkətin səhmləri əhəmiyyətli dərəcədə artdı. 2002-ci ildə təklif olunan səhm dəyəri 1,2 dollar idi, indi 530 dollar civarındadır.

20
Teqlər:
Netflix şirkəti
Oğlan, arxiv şəkli

Daha bir telefon mağazasından oğurluq olub

7
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

7
Koronavirusa qarşı peyvənd Pfizer-BioNTech, arxiv şəkli

İcbari Tibbi Sığorta üzrə Dövlət Agentliyi ÜST-ə etirazını bildirdi

130
Agentlik: Azərbaycanın “Pfizer-BioNTech” vaksinlərini əldə edəcək 18 ölkə siyahısına daxil edilməməsi aydın deyil

BAKI, 4 mart - Sputnik. İcbari Tibbi Sığorta üzrə Dövlət Agentliyi (Agentlik) Azərbaycanın COVAX platforması çərçivəsində “Pfizer-BioNTech” vaksinlərini əldə edəcək 18 ölkə siyahısına daxil edilməməsi barədə Ümumdünya Səhiyyə Təşkilatının (ÜST) qeydi ilə razı deyil.

Agentlikdən bildirilib ki, ÜST tərəfindən verilən məlumatda 29 yanvar tarixinədək COVID-19 peyvənd proqramına başlamış iştirakçı ölkələr “Pfizer-BioNTech” peyvəndinin birinci müstəsna paylanma mərhələsinə daxil edilmədiyi qeyd olunub:

“Bu əsaslandırma aydın deyil və bununla bağlı müddəalar heç bir hüquqi sənəddə və rəsmi yazışmalarda öz əksini tapmayıb. Azərbaycan ÜST-ün tövsiyələrini nəzərə alaraq vaksinasiya strategiyasını təsdiqləyib və vaksinlərin qəbulu üçün bütün texniki tələbləri yerinə yetirib.

Ötən il yaradılmış COVAX platformasının “SARS-CoV-2” virusuna qarşı vaksinlərin hazırlanması təşəbbüsünü yüksək qiymətləndirən və bu əməkdaşlığa ilk qoşulan 50 ölkədən biri də məhz Azərbaycan Respublikasıdır”.

Məlumatda qeyd olunub ki, Azərbaycan vaksinlərin dünya ölkələri arasında ədalətlilik və həmrəylik prinsipləri ilə bölgüsünün tərəfdarıdır:

“Təəssüflə qeyd etmək istərdik ki, təcrübədə bunun əksini görürük.

Bir daha vurğulayırıq ki, Azərbaycan ilk gündən ÜST-ün tövsiyələrinə uyğun fəaliyyət göstərməklə yanaşı, COVID-19-la mübarizə çərçivəsində həyata keçirilən əməkdaşlıqlara öz töhfəsini vermişdir və vətəndaşlarının sağlamlığı üçün qarşıya qoyulmuş bütün öhdəlikləri yerinə yetirməyə bu gün də davam edir”.

Bildirilib ki, COVAX-la yazışmalarda Azərbaycanın bu vaksinləri infrastruktur baxımından qəbul etməyə tam hazır olduğu bildirilib:

“Bu gün COVAX layihəsi faktiki olaraq öz öhdəliklərini yerinə yetirə bilmir. Vaksinlərin düzgün paylaşdırılmasında ədalətsiz yanaşma birbaşa bu layihənin icrasında ciddi problemlərin olmasından xəbər verir.  Hesab edirik ki, COVAX layihəsi çərçivəsində bu proses nəzarətdə saxlanılmalı və istehsalçı şirkətlər qarşısında konkret tələblər qoyulmalıdır. 

Agentlik mövqeyini COVAX-a göndərilən rəsmi məktubda bildirib və təşəbbüskar qurumları qərara yenidən baxmağa çağırıb”.

130