Rusiya Prezidenti Vladimir Putin, Azərbaycan Prezidenti İlham Əlİyev və Ermənistanın Baş naziri Nikol Paşinyan arasında eçtərəfli görüş

Moskva görüşü hansı zərurətdən doğub - deputat detalları açıqladı

127
(Yenilənib 14:07 12.01.2021)
Deputat qeyd edib ki, imzalanan bəyanatda Azərbaycanın dediyi kimi, status məsələsi haqda heç bir kəlmə yoxdur və əsas diqqət nəqliyyat yollarının açılmasına yönəldilir.

Eldar Tanrıverdiyev, Sputnik Azərbaycan

BAKI, 12 yanvar — Sputnik. Moskvada Azərbaycan, Rusiya və Ermənistan liderləri İlham Əliyev, Vladimir Putin və Nikol Paşinyan arasında ötən gün baş tutan görüşə diqqət olduqca böyük idi. Belə ki, Azərbaycan və Ermənistan liderləri Vətən Müharibəsindən sonra ilk dəfə idi ki, görüşürdürlər. Bu həmçinin onların demək olar ki, son bir ildə (sonuncu dəfə onlar Münhen Təhlükəsizlik Konfransı çərçivəsində görüşmüşdülər) ilk canlı görüşü idi.

Rusiya mətbuat bu görüşün Rusiya Prezidenti Vladimir Putinin ev sahibliyi etdiyi ilk beynəlxalq tədbir olduğuna diqqət çəkib. Dörd saata yaxın davam edən üçtərəfli görüşdən sonra mətbuata verdiyi bəyanatda Vladimir Putin, bunu son dərəcə vacib və faydalı hesab etdiyini qeyd edib. Azərbaycan Prezidenti, Ali Baş komandan İlham Əliyev isə öz çıxışında Dağlıq Qarabağ münaqişəsinin keçmişdə qaldığını və gələcək barədə düşünməli olduqlarını xüsusilə vurğulayıb. O qeyd edib ki, bizim regionun bundan sonrakı davamlı və təhlükəsiz inkişafını təmin etmək üçün görüş çox vacib idi.

Azərbaycan-Rusiya-Ermənistan liderləri, həmçinin birgə bəyanat da imzalayıblar. Bəyanata əsasən regionda bütün iqtisadi və nəqliyyat əlaqələrinin bərpası ilə bağlı hissəsinin reallaşdırılması məqsədilə Azərbaycan Respublikasının, Ermənistan Respublikasının baş nazirləri müavinlərinin və Rusiya Federasiyası Hökumətinin sədr müavininin birgə həmsədrliyi ilə üçtərəfli İşçi qrupu yaradılması barədə təklifi dəstəklənir.

Sputnik Azərbaycan Moskvada üçtərəfli görüşün yekunları barədə Milli Məclisin deputatı, Müdafiə, təhlükəsizlik və korrupsiya ilə mübarizə Komitəsinin üzvü Arzu Nağıyevlə həmsöhbət olub.

Заместитель генерального директора информационного агентства Тренд, Арзу Нагиев
© Sputnik / Murad Orujov
Milli Məclisin deputatı, Müdafiə, təhlükəsizlik və korrupsiya ilə mübarizə Komitəsinin üzvü Arzu Nağıyev

Arzu Nağıyev qeyd edib ki, Moskvada baş tutmuş görüş Azərbaycanın mövqeyinin nədən ibrət olduğunu dünyaya bir daha göstərmək üçün yaxşı fürsət idi:

"Bu görüş olduqca mühüm idi. Cənab Prezidentin də qeyd etdiyi kimi biz münaqişənin müharibə mərhələsini artıq geridə qoymuşuq. Artıq quruculuq işlərinə başlamaq vaxtıdır. İşğaldan azad olunan ərazilərimizdə kommunikasiya və nəqliyyat xətlərini yenidən bərpa etməyin, bununla paralel olaraq, Ermənistan da daxil olmaqla regional dövlətlərin iştirakı ilə mühüm kommunikasiyaların açılması istiqamətində addımların atılmasının vaxtıdır. Yəni bir daha göstərdik ki, biz humanist addımlar ataraq artıq iqtisadi proseslərin başlanması üçün öz əlimizi bütün qonşu ölkələrə uzadırıq. Bu, bizim mövqeyimizdir".

Deputat qeyd edib ki, imzalanan bəyanatda Azərbaycanın dediyi kimi, status məsələsi haqda heç bir kəlmə yoxdur və əsas diqqət nəqliyyat yollarının açılmasına yönəldilir.

Rusiyanın sərgilədiyi mövqeyə toxunan Nağıyev qeyd edib ki, görüş zamanı Rusiya tərəfi regionda sülhməramlı qüvvələrin vacibliyi və onların gördüyü işlər barədə məlumat verib:

"İlham Əliyev və Vladimir Putinin çıxışlarında səslənən fikirlər, regionda yaranmış yeni reallıqlar və imkanlar Rusiya ilə Azərbaycanın münasibətlərin inkişafına daha da təkan verəcək".

Arzu Nağıyev xüsusi ilə qeyd edib ki, Ermənistan tərəfi yenə də öz ambisiyalarından əl çəkmir:

"Münaqişənin bitməsinə baxmayaraq, yenə də Qarabağın "statusu"ndan danışır. Paşinyanın "status"la, münaqişənin hələ bitməməsi haqda bəyanatını daha çox Ermənistanın daxili auditoriyasına yönəlmiş mesaj kimi şərh etmək daha doğru olardı."

Əsir və girovların dəyişdilməsinə gəldikdə isə deputat vurğulayıb ki, 10 noyabr tarixində imzalanan bəyanatdan sonra orada hansısa əsir və ya girovdan söhbət gedə bilməz. Hadrut istiqamətində ələ keçirilən şəxslər məhz terrorçu və diversantlardır.

Regionda nəqliyyat dəhlizlərin açılmasına toxunan deputat xatırladıb ki, hətta Türkiyə Prezidenti Rəcəb Tayyib Ərdoğan da öz çıxışında gələcəkdə Qafqaz Platformasının yaradılmasını təklif edib:

"Aydındır ki, həm Azərbaycan – Naxçıvan istiqamətində, həmçinin Azərbaycandan keçərək Ermənistana nəqliyyat dəhlizlərin açılması Cənubi Qafqaz regionunda sülhün bərqərar olması üçün olduqca vacib məsələdir. Azərbaycan cənab Prezidentin simasında bütün dünyaya göstərdi ki, biz artıq sülh üçün, iqtisadi problemlərin aradan qaldırılması üçün hazırıq".

127
Teqlər:
Ermənistanın baş naziri Nikol Paşinyan, Nikol Paşinyan, Azərbaycan Prezidenti İlham Əliyevə, Prezident İlham Əliyev, İlham Əliyev, Rusiya prezidenti Vladimir Putin, Vladimir Putin, Moskva
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

10
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

10
Pyotr Velikiy ağır atom raket kreyseri, arxiv şəkli

Qərb onu əsas təhdid sayır: Rusiya donanmasının flaqmanı dəyişir

6
Modernləşdirməyə qədər “Admiral Naximov” kreyseri “Fort” S-300F uzun mənzilli hava müdafiə sistemi ilə təchiz olunmuşdu, indi isə gəmidə hərbi-dəniz müdafiəsinin daha təkmil variantı olan S-400 kompleksi qurulacaq.

BAKI, 15 yanvar — Sputnik, Andrey Kots. Yeni raketlər, müasir gövdə avadanlıqları, misilsiz döyüş imkanları – Rusiya Hərbi Dəniz Qüvvələrinin flaqmanı mövqeyində "Pyotr Velikiy" kreyserinin yerini 1144 "Orlan" layihəsinin "Admiral Naximov" ağır nüvə raket kreyseri tutacaq. Bunun 2022-ci ildə baş verəcəyi gözlənilir. Modernləşdirilmiş gəminin donanmanı necə gücləndirəcəyi haqqında - RİA Novosti-nin növbəti materialında.

Birinci dərəcəli gəmilər

1144 "Orlan" layihəsinin kreyserləri təyyarə gəmilərindən sonra dünyanın ən böyük hərbi gəmiləri hesab olunur. Tonnajı – 25,8 min ton, uzunluğu - 250 metr, eni - 28,5 metrdir, heyəti - 760 nəfərdən ibarətdir.

Rusiyanın bu tipli iki vımpeli var – onlardan ikincisi olan "Pyotr Velikiy" Şimal donanmasının tərkibində fəaliyyət göstərir, lakin "Naximov" işə başlayan kimi modernləşdirməyə göndəriləcək. Hər iki kreyser, necə deyərlər, təpədən dırnağa kimi silahlanmış və istənilən hədəfi məhv etməyə qadir ağır nüvə gəmiləridir.

Standart dəstə – "Qranit" 20 P-700 gəmi əleyhinə raketləri, "Osa-M" zenit raket kompleksləri, "Kinjal" və uzaq mənzilli "Fort" S-300F raketləri, "Metel" və "Vodopad" sualtı raket-torpedaları, reaktiv bomba atanlar və avtomatik cüt lüləli AK-130 topu daxildir.

Hərəkət məsafəsi praktik olaraq məhdudlaşmayıb. Kreyserlər Uzaq Şimal şəraitində işləməyə qadirdir və Rusiyanın Arktika bölgəsindəki hərbi mövcudluğunu təmin edə bilər; bir çox analitiklər bu ərazinin yaxın gələcəkdə təbii ehtiyatlar uğrinda potensial döyüş sahəsinə çevriləcəyini istisna etmir.

Bununla belə, gəmilər tədricən köhnəlməyə başlayır. Əgər ötən əsrin 80-ci illərinin sonu, 90-cı illərinin əvvəllərində "Orlan"lar istənilən düşmənə müqavimət göstərə bilirdisə, indi vəziyyət dəyişib. Rusiya Müdafiə Nazirliyi birinci dərəcəli iri hərbi gəmilərin inşası ilə bağlı çətinliklərin olduğunu nəzərə alaraq, mövcud kreyserlərin modernləşdirilməsini, xüsusən də, onların yeni silahlarla təchizatını daha məqsədəuyğun hesab edir.

Hava Hücumundan Müdafiə platforması

"Admiral Naximov" 1999-cu ildə təmirə göndərilib, ancaq faktiki olaraq, kreyser üzərində işə yalnız 2013-cü ildə, nəhayət, müdafiəyə sahəsinə ciddi şəkildə vəsait ayrılandan sonra başlanılıb. Modernləşdirmə işlərinin 2018-ci ilə kimi başa çatdırılması nəzərdə tutulsa da, bu tarix bir neçə dəfə irəli çəkilib. Hələ ötən ilin may ayında Rusiya müdafiə nazirinin müavini Aleksey Krivoruçko məlumat vermişdi ki, ağır kreyser "Zirkon" hipersəsli raketləri ilə təchiz olunacaq ilk hərbi gəmilərdən biridir. Həmin raketlər hədəfə doğru səs sürətindən doqquz dəfə daha böyük sürətlə uçur ki, bu da onları istənilən hava hücumundan müdafiə sistemi üçün toxunulmaz edir. Mənzili 1000 kilometrə yaxındır. Beləliklə, "Zirkon" Amerikanın "Harpun" səsə qədər sürətə malik (130 kilometr mənzilli) gəmi əleyhinə raketlərini praktiki olaraq üstələyir.

"Orlan"lar hər zaman güclü hava hücumundan müdafiə sisteminə görə fərqləniblər. Modernləşdirməyə qədər "Naximov" kreyseri "Fort" S-300F uzun mənzilli hava müdafiə sistemi ilə təchiz olunmuşdu, indi isə gəmidə hərbi-dəniz müdafiəsinin daha təkmil variantı olan S-400 kompleksi qurulacaq.

Müxtəlif növ zenit hərbi sursatları ilə atəşə açan bu kompleks gizli təyyarələri və digər hava hədəflərini, o cümlədən qanadlı və ballistik raketləri tutmağa qadirdir.

40N6 raketi 400 kilometrə qədər məsafədəki obyektləri vura bilir. "Admiral Naximov" gəmisinə 96 ədəd S-400 zenit raket kompleksi buraxılış şaxtasının yerləşdiriləcəyi güman edilir ki, bu da onun bütün dünyada hava hücumundan ən yaxşı qorunan gəmi olmasına gətirib çıxaracaq.

80 oyuq

Bundan başqa, "Kortik" yaxın zonalı hava hücumundan müdafiə sistemi daha müasir "Pantsir-ME", "Osa-M" zenit raketləri isə yeni "Redut" sistemləri ilə əvəz olunacaq.

Bununla belə, modernləşmə müəyyən qədər hücum komplekslərini də əhatə edəcək. "Admiral Naximov" "Zirkon"larla yanaşı, gəmi əleyhinə P-800 raketləri, "Oniks" və 2500 kilometrə qədər mənzilli "Kalibr" qanadlı raketlərlə silahlandırılıcaq. Onların hamısı 80 oyuqlu 3 S14 şaquli buraxılış qurğusundan atılacaq. Bu qurğunu gəmiyə montaj etmək üçün P-700 "Qranit" kompleksinin gəmidən çıxarılması lazım gəlir.

Kreyserin sualtı silahlardan müdafiə sistemi də yenilənəcək. "Admiral Naximov" qısa məsafələrdə torpedalar və sualtı qayıqlardan qoruyan "Paket-NK" kompleksi ilə də təchiz olunacaq. Bu sistemdə iki tip hərbi sursat var: MTT istilik torpedaları və M-15 reaktiv torpeda əleyhinə silahlar.

Birincisi, sualtı qayıqları 600 metrə qədər dərinlikdə 20 kilometrə qədər məsafədə vura bilir, ikincisi isə gəmiyə 1,4 kilometrə qədər və 800 metrədək dərinlikdə hücum edən torpedaları dəf etmək qabiliyyətinə malikdir.

"Paket-NK" kompleksi maksimum dərəcədə avtomatlaşdırılıb, hədəfi müstəqil olaraq aşkarlayır və təsnif edir, hərəkət parametrlərini müəyyənləşdirir, torpeda və ya torpeda əleyhinə hədəf təyinatını verir. Hər iki döyüş sursatı kifayət qədər sürətlidir – 50 dəniz mili (saatda 92 kilometr).

Aydın məsələdir ki, kreyserin elektron "içliyi" ən müasirləri ilə əvəz ediləcək və bu da gəmi heyətinin vəziyyət barədə məlumatlandırılmasını ciddi şəkildə artıracaq, eləcə də təyyarə silahlarından istifadə imkanlarını əhəmiyyətli dərəcədə genişləndirəcək.

Bununla yanaşı, kreyser inkişaf etmiş rabitə və naviqasiya, elektron döyüş sistemləri və üç təkmilləşdirilmiş "Ka-27M" göyərtə helikopterlərindən ibarət hava sistemi ilə təmin ediləcək. Bütün bu vasitələr ekipajın potensial düşmən sualtı qayıqlarını aşkar etməsini xeyli asanlaşdıracaq.

6