Heyva məhsulu, arxiv şəkli

Saatlıda Türkiyədən gətirilən ağaclarla bağ salınır

13
(Yenilənib 15:55 09.01.2021)
Saatlıda ilk dəfə olaraq Türkiyədən gətirilən heyva tinglərindən bağın salınmasına başlanılıb. Bağ üçün rayonun Qaralar kəndi ərazisində 25 hektar ərazi ayrılıb.

BAKI, 9 yanvar — Sputnik. Saatlıda Türkiyə sortu kimi tanınan "Eşmə" heyva növü yetişdiriləcək. Artıq bağın müəyyən hissəsində tinglər əkilib. Bağ innovativ üsulla becəriləcək.

Sputnik Azərbaycan Kənd Təsərrüfatı Nazirliyinin saytına istinadla xəbər verir ki, Saatlıda ilk dəfə olaraq Türkiyədən gətirilən heyva tinglərindən bağın salınmasına başlanılıb. Bağ üçün rayonun Qaralar kəndi ərazisində 25 hektar ərazi ayrılıb.

Təsərrüfat sahibi Ələsgər Əhmədov bildirir ki, intensiv bağın salınması üçün əvvəlcə torpaqdan analiz götürülüb və bağın tirə üsulu ilə əkilməsinə qərar verilib. Məqsəd isə ağac köklərinin qrunt sularından qorunmasıdır. Bağda 50 min ədəd "Eşmə" sortundan olan ting əkiləcək.

Bağın barvermə qabiliyyəti 2-ci ildən başlayacaq. Hər ağac əvvəlcə 6-8 kiloqram meyvə verə biləcək. Məhsuldarlıq ağacların üç yaşında hər ağacda 10-20 kiloqrama, sonrakı illərdə isə 30-40 kiloqrama çatacaq və ondan da çox olacaq. Bağın barvermə müddəti isə 30-40 ilə bərabərdir.

Yüksək məhsul götürmək üçün öncədən də bir çox aqrotexniki işlər yerinə yetirilib. Bağban İsmayıl Ağayev söyləyir ki, əkin işlərinə qədər sahədə şum və mala işləri görülüb. Eyni zamanda, tirələr çəkilərək ting üçün quyular qazılıb. Artıq tinglərin üçdəbir hissəsi əkilib. "Eşmə" sortu yerli heyvadan bir çox xüsusiyyətləri ilə seçilir, dadlı və yumşaq olur.

Bağın salınması, eyni zamanda, əlavə iş yerinin də açılmasına şərait yaradacaq. Hazırda əkin işləri ilə 100-ə yaxın kənd sakini məşğul olur.

 

 

13
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

8
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

8