Samir Şərifov, arxiv şəkli

Milli təhlükəsizlik müdafiəmizin gücləndirilməsinə qədər vəsait ayrılıb?

14
Maliyyə naziri Samir Şərifov: "Milli təhlükəsizlik və müdafiə qabiliyyətinin gücləndirilməsi hər zaman dövlətimiz üçün prioritet məsələ olub".

BAKI, 29 dekabr — Sputnik. "Milli təhlükəsizlik və müdafiə qabiliyyətinin gücləndirilməsi hər zaman dövlətimiz üçün prioritet məsələ olub. Bu sahəyə qoyulan xərclər 3,7 faiz artıb".

Sputnik Azərbaycan xəbər verir ki, bunu maliyyə naziri Samir Şərifov parlamentdə 2021-ci il üçün büdcə layihəsinin müzakirəsi zamanı çıxışında deyib.

O bildirib ki, bundan başqa, son 5 ildə dövlət büdcəsində sosialyönümlü xərclər 3,8 faiz çoxalıb. Əhalinin sosial müdafiəsinin daha da gücləndirilməsi üçün büdcə ilə bağlı müəyyən təkliflər irəli sürülüb.

Maliyyə naziri qeyd edib ki, vaxtın az olmasına baxmayaraq, Milli Məclisdə 2021-ci il üçün büdcə layihəsi ilə bağlı müzakirələr günün reallıqlarını özündə əks etdirib: "Bəzi cari məsələlər istisna olmaqla, əsas diqqət Böyük Qayıdış və bərpa işləri ilə bağlı aparılacaq işlərin təşkilinə yönəldilib".

Ölkəmizin müdafiə qabiliyyətinin artırılmasının vacibliyini vurğulayan Samir Şərifov deyib: "Azərbaycan Prezidenti işğaldan azad olunmuş ərazilərin bərpası ilə bağlı fərman imzalayıb. Əhaliyə dəyən ziyanın öyrənilməsi, prioritet ardıcıllıq nəzərdən keçirilir. Xüsusi dövlət proqramı layihəsi üzərində iş aparılır".

14
Bakı məktəblərin birində, arxiv şəkli

Orta məktəbi vaxtından əvvəl bitirmək istəyənlər üçün imkan

2
(Yenilənib 17:57 18.01.2021)
İstedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

BAKI, 18 yanvar — Sputnik. Ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək. Sputnik Azərbaycan-ın məlumatına görə, Bakı Şəhəri üzrə Təhsil İdarəsinin (BŞTİ) əmrinə əsasən, eksternat imtahanı yanvarın 19-da təşkil olunacaq.

Qeydiyyatdan keçmiş məktəblilərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.

Qeyd edək ki, istedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

2
Uşaqlar, arxiv şəkli

İnsan alverinin hər üç qurbanından biri uşaqdır

4
(Yenilənib 17:58 18.01.2021)
Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

BAKI, 18 yanvar — Sputnik. İnsan alveri insan hüquqlarının ciddi pozuntusu və cinayətin ağır formalarından biridir. Həm milli, həm də transmilli cinayət xarakteri daşıyan "insan alveri" istismar məqsədilə insanların cəlb edilməsi, daşınması, hədələyərək, güc tətbiq edərək qorxudulması, oğurlanması, aldadılması kimi üsullarla insana qarşı zorakılıq kimi başa düşülür.

Sputnik Azərbaycan Baş Prokurorluğun məlumatına istinadla xəbər verir ki, aşkar olunan qurbanlar arasında uşaqların faiz nisbəti artmaqdadır: hər üç qurbandan biri uşaqdır.

İnsan alverinə qarşı mübarizə məqsədilə Baş Prokurorluğun Mətbuat xidməti tərəfindən maarifləndirici videoçarx hazırlanıb.

Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "Qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

https://www.facebook.com/prokurorluq/videos/118373910083559

4