Tibb işçisi, arxiv şəkli

SOS: COVID-19-la bağlı vəziyyət nəzarətdən çıxıb

101
(Yenilənib 13:32 25.12.2020)
"Ambulator və stasionar xidmətinin ayrı-ayrı olması, bu işə nəzarətin itməsinin nəticəsidir ki, vəziyyət belə olub. Xəstə zəng edir, amma təcili yardım gəlmir, test verir, bir həftə nəticə gözləyir, çıxmır. Axı bu şəxslər müalicə olunmalıdırlar", - Adil Qeybulla.

Nigar İsgəndərova, Sputnik Azərbaycan

BAKI, 25 dekabr — Sputnik. On aydan artıqdır ki, Azərbaycanda koronavirusla bağlı pandemiyası şəraiti davam edir. Yay ayları ilə müqayisədə payızın gəlməsindən sonra bu xəstəliyə yoluxma və ölümlə bağlı rəqəmlərdə kifayət qədər artım nəzərə çarpır. Bir çox ekspertlər rəqəmlərdəki artımı tibb-səhiyyə sisteminin problemi kimi qiymətləndirir.

Tibb üzrə ekspert Adil Qeybulla Sputnik Azərbaycan-a açıqlamasında qeyd edib ki, payız-qış aylarında vitaminə böyük ehtiyac yaranır. Bütün vitamin kompleksi korreksiya olunmalı və normada saxlanılmalıdır.

"Vitamin C-nin qanı qatılaşdırması ilə bağlı deyilənlər doğru deyil. Bu, turşudur, qanı qatılaşdırmır, əksinə durulaşdırır. Nikotin turşusuna da nəzər yetirilməlidir, o, damargenişləndiricidir. Bədəndə immun sistemini möhkəmləndirən müxtəlif vitaminlər olmalıdır. Lazım gəldikdə bəlğəmgətiricilərdən də istifadə etmək lazımdır. Ümumiyyətlə, müzakirə edəcək çox məsələlər var. Sadəcə, ən önəmlisi vahid protokolların olmasıdır. Eyni zamanda da müalicənin prioritetləri olmalıdır", - deyə həkim bildirib. 

O qeyd edib ki, müalicə prosesi konkret nəzarətdə olmalıdır: "Əgər ambulator xəstələrə heç kəs yaxın durmursa, əksəriyyəti də tibb bacıları tərəfindən müalicə edilirsə, necə olmalıdır?! Bu gün əksər xəstələri tibb bacıları müalicə edirlər. Belə olan halda xəstələr ağırlaşır. Bu iş nəzarətdən çıxır, amma bundan danışan yoxdur. Bundan başqa, antibiotiklər də lazımsız olaraq sağa-sola istifadə edilir. Hər antibiotikin virusa təsiri var? Müalicə ilə bağlı görülən işlərə çoxsaylı iradlar bildirmək olar", - deyə ekspert əlavə edib.

A.Qeybulla bildirir ki, yol verilən yanlışlıqlar vahid strategiyanın olmamasından qaynaqlanır:

"Ambulator və stasionar xidmətinin ayrı-ayrı olması, bu işə nəzarətin itməsinin nəticəsidir ki, vəziyyət belə olub. Xəstə zəng edir, amma təcili yardım gəlmir, test verir, bir həftə nəticə gözləyir, çıxmır. Axı bu şəxslər müalicə olunmalıdırlar. Bundan başqa, digər problem də budur ki, həkimlərə əli çatmayan şəxslərin əksəriyyəti bu gün apteklərdə təyin olunan müalicələrlə müalicə alırlar".

Həkim problemdən çıxış yolunu izah edərkən deyib: 

"Poliklinikada bir yer düzəltmək, bu həkimlərin maaşını dörd qat artıq vermək, hərəsinə bir neçə tibb bacısı vermək, bütün elektron sistemi quraşdırmaq, xəstələrlə telefon bağlantısı qurmaqla onu nəzarətdə saxlamaq olar".

101
Teqlər:
Adil Qeybulla, Koronavirus, epidemiya, COVID-19
Avtomat və güllələlər, arxiv şəkli

Qazax sakinində silah aşkarlanıb

8
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

8

Azərbaycanda COVID-19 əleyhinə peyvəndləmənin ilk günü Foto

8
(Yenilənib 00:06 19.01.2021)
Azərbaycanda bu gün koronovirus infeksiyasına qarşı vaksinasiyanın birinci mərhələsi başlayıb. İlk olaraq Çinin CoronaVac preparatı ilə tibb işçilərini peyvəndləməyə başlayıblar. Bunun necə baş verdiyinə Sputnik Azərbaycan-ın fotolentində baxa bilərsiniz.

Azərbaycanda yeni növ koronovirus əleyhinə vaksinasiyaya planlaşdırıldığı kimi yanvarın 18-də start verilib. Birinci olaraq səhiyyə naziri Oqtay Şirəliyev peyvənd olunub. TƏBİB rəhbəri Ramin Bayramlı da ilk vaksinasiya olunanlardandır.

8
  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    TƏBİB sədri Ramin Bayramlıya koroanvirusa qarşı peyvənd vurulur.

  • © Sputnik / Murad Orujov

    Səhiyyə naziri Oqtay Şirəliyevə COVID-19 əleyhinə vaksin vurulur.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

  • © Sputnik / Murad Orujov

    Azərbaycanda koronavirus infeksiyasına qarşı vaksinasiyanın ilk mərhələsi.

Teqlər:
TƏBİB, Tibbi Ərazi Bölmələrini İdarəetmə Birliyi, Səhiyyə naziri Oqtay Şirəliyev, Oqtay Şirəliyev, Koronavirus, epidemiya, COVID-19