Türkiyədə tibb işçisi, arxiv şəkli

Reanimatoloq: "COVID-19 zamanı antibiotiklərdən yalnız bu halda istifadə edilməlidir"

110
(Yenilənib 19:27 24.12.2020)
"Antibiotiklərdən yalnız yanaşı infeksion xəstəliklər olduqda istifadə edilməlidir, çünki onların tətbiqi virusa qarşı səmərəsizdir" - Həkim

Nigar İsgəndərova, Sputnik Azərbaycan

BAKI, 24 dekabr — Sputnik. Bu ilin martından Azərbaycanda başlanan pandemik vəziyyət hələ də davam etməkdədir.

Sputnik Azərbaycan olaraq Mərkəzi Gömrük Hospitalının Reanimasiya və Anesteziologiya şöbəsinin rəisi, reanimatoloq Tural Sadıqovla söhbətləşdik. T.Sadıqov deyir ki, istehsalçı şirkətlərin verdiyi məlumata görə, peyvəndlərin qoruyuculuğu 95 faizə qədərdir: "Bunun nə dərəcədə dəqiq olduğunu yalnız peyvəndlərin tətbiqindən sonra söyləmək olar. Yalnız bundan sonra onların 3 və ya 6 ay, yoxsa hansı müddətə xəstəlikdən qoruduğu  aşkar ediləcək".

T.Sadıqovun sözlərinə görə, hazırda infeksiyaya yoluxan xəstələrin sayının çoxluğu, reanimasiya və stasionarlarda xəstəliyi ağır keçirənlərin artmasının səbəbi qeyri-düzgün və həkim təyinatı olmadan aparılan müalicələrdir: "Antibiotiklərdən yalnız yanaşı infeksion xəstəliklər olduqda istifadə edilməlidir, çünki onların tətbiqi virusa qarşı səmərəsizdir. Steroid preparatlardan istifadə isə xəstəliyin ağırlaşmasına, immun sisteminin zəifləməsinə və xəstəliyin daha ağır keçməsinə aparıb çıxara bilər. Həmin preparatlar yalnız həkim göstərişi ilə təyin ediləndə səmərə verir.  Preparatın vaxtından qabaq və ehtiyac olmadan tətbiqi COVID-dən xilas etmir. Hər bir dərmanın müsbət təsiri olduğu kimi, yan təsirləri də var, yəni bir orqana müsbət təsir edəndə digərinə zərərli təsir göstərir. COVID-in ağırlaşmaları ölümə aparıb çıxarır. Ağırlaşmalara səbəb qanda laxtalanmanın artması və tromboz yaranmasıdır. Laxtalanmanın artması isə ürək-damar xəstəliklərinin ən əsas səbəblərindən biridir".

Bir ilə yaxındır ki, COVID-li xəstələrin müalicəsi ilə məşğul olan həkim-terapevt deyib: "Təcrübə göstərir ki, COVID-ə yoluxma yanaşı xəstəliklərin baş qaldırmasına səbəb olur. Ürək-damar xəstələrinin vəziyyətinin daha da ağırlaşması, diabet xəstələrində qanda şəkərin səviyyəsinin yüksəlməsi və tənzimlənmənin çətinləşməsi, işemiyanın və infarkt keçirmək riskinin artması müşahidə olunur. COVID-19 zamanı qəbul edilən bəzi preparatlar qaraciyər fermentlərinin yüksəlməsinə səbəb olur və böyrəklərə zərərli təsir göstərir".

110

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Göranboyda hadisə yerində

Goranboyda gecə qəzası: "Opel" xarab olub yolda qalan maşına çırpılıb - FOTOLAR

16
(Yenilənib 00:04 22.01.2021)
Qəzaya düşmüş Tovuz, Tərtər, Kürdəmir rayonlarının sakinləri Goranboy Rayon Mərkəzi Xəstəxanasına çatdırılıblar.

Rahim Məmmədov, Sputnik Azərbaycan

BAKI, 21 yanvar - Sputnik. Gecə saatlarında Goranboyda yol qəzası baş verib. Hadisə Goran-Naftalan yolunun rayonun Bolusulu kəndindən keçən hissəsində qeydə alınıb.

Sputnik Azərbaycan xəbər verir ki, qəfildən nasazlıq yaranan tinglə yüklü “Vaz 21-011”-in sürücüsü maşını yol kənarında dayandırmalı olub. Sürücü və sərnişinlər minik maşınından düşərək nasazlığı aradan qaldırmağa çalışıb. Bu zaman yolda hərəkətdə olan “Opel” markalı minik avtomobili idarəetmədən çıxaraq nasazlıq yaranan “Vaz”-a çırpılıb. Qəza zamanı 3 nəfər Elçin Qurbanov, Həmid Əsgərzadə və Yadigar Quliyev müxtəlif dərəcəli xəsarət alaraq Goranboy Rayon Mərkəzi Xəstəxanasına çatdırılıb.

  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
1 / 3
© Sputnik / Rahim Mammadov
Göranboyda hadisə yerində

Məlumata görə, “Vaz” markalı minik maşının sürücüsü və sərnişinləri Tərtər rayonundan satış üçün müxtəlif meyvə ağaclarının tinglərini daşıyırmış. Goranboy rayonunun Boluslu kəndi ərazisində avtomobil xarab olduğundan yol kənarında dayanmağa məcbur olub. Qəza da qəfildən, onlar maşını düzəldən zaman baş verib.

Yol-nəqliyyat hadisəsi zamanı avtomobildə olan meyvə ağacları da ətrafa dağılıb. Qeyd edək ki, xəsarət alan şəxslər Tovuz, Tərtər və Kürdəmir rayon sakinləridir. Faktla bağlı araşdırma aparılır.

16