Notebook-la oynayan kişi, arxiv şəkli

Məmurların üzünü görməmək xoşbəxtliyi - Nazirlik daha beş xidməti elektronlaşdırdı

21
(Yenilənib 23:17 23.12.2020)
Övladlığa götürülən uşağa, o cümlədən sağlamlıq imkanları məhdud 18 yaşınadək uşağa görə müavinətin e-təyinatı mümkündür.

BAKI, 23 dekabr — Sputnik. Prezident İlham Əliyevin tapşırığına əsasən, Əmək və Əhalinin Sosial Müdafiəsi Nazirliyi əhaliyə xidmətlərin elektron infrastruktur üzərində şəffaf və operativ təşkili, e-xidmətlərin dairəsinin genişləndirilməsi işlərini davam etdirir. Bu istiqamətdə Nazirlik növbəti elektron yeniliklərinin – 4-ü proaktiv olmaqla 5 e-xidmətini, (o cümlədən Pensiya kalkulyatoru e-xidmətini) həmçinin 10 e-arayış xidmətini təqdim edib. Sputnik Azərbaycan-ın məlumatına görə, tədbirdə Nazirliyin E-xidmətlər və innovasiyalar şöbəsinin müdiri Kənan Əkpərov qurumun elektronlaşma proqramının icrası sahəsində e-yeniliklərini diqqətə çatdırıb.

Bildirilib ki, 2019-cu ilin əvvəlindən ölkəmizdə ilk proaktiv xidmət kimi, pensiyaların, sonralar bir çox müavinət və təqaüdlərin e-qaydada təyinatı həyata keçirilir. Həmin istiqamətdə işlər davam edir və bu gün daha 5 e-xidmət təqdim edilir. Bunlar aşağıdakılardır:

Ailə başçısını itirməyə görə pensiyanın e-təyinatı;

Ailə başçısını itirməyə görə müavinətin e-təyinatı;

Radiasiya qəzası nəticəsində zərər çəkmiş şəxslərə hər il müalicə üçün müavinətin e-təyinatı;

Övladlığa götürülən uşağa, o cümlədən sağlamlıq imkanları məhdud 18 yaşınadək uşağa görə müavinətin e-təyinatı;

Pensiya kalkulyatoru e-xidməti.

Qeyd olunan 5 e-xidmətdən 4-ü proaktiv xidmətdir. Yəni onlar ailə başçısını itirməyə görə pensiyanın və ya müavinətin, radiasiya qəzası nəticəsində zərər çəkmiş şəxslərə hər il müalicə üçün müavinətin, övladlığa götürülən uşaqlara görə müavinətin təyinatının heç bir müraciət olmadan, elektron qaydada, avtomatik olaraq təyin edilməsinə imkan verir. Təyinat aparıldıqdan sonra isə müavinət və ya pensiya məbləği və bank kartı barədə məlumatlar ödəniş rəsmiləşdirilmiş şəxsin telefon nömrəsinə sms şəklində göndərilir.

Pensiya kalkulyatoru e-xidməti də vətəndaşların marağına səbəb ola biləcək e-yeniliklərdən biridir. İstifadəçilər e-sosial.az internet portalında qeydiyyatdan keçməklə və şəxsiyyət vəsiqəsi məlumatlarını daxil edərək, bu e-xidmət vasitəsilə özlərinin pensiya hüququnun yaranacağı tarix, pensiya yaşı, pensiya kapitalı, pensiyanın məbləği barədə məlumat əldə edə biləcək. Nazirliyin e-sosial internet portalının imkan və funksionallıqları daim genişləndirilir.

Növbəti işlər kimi, portala peşə standartları reyestri, habelə özünüməşğulluq proqramına, peşə hazırlığına, reabilitasiyaya cəlb olunanlar, əlilliyi olan şəxslərə qulluq edənlər, işsizlikdən sığorta ödənişi edilmiş şəxslər və b. barədə reyestr və arayışlar da daxil edilib. Bunların nəticəsi kimi, bu gün Nazirliyin aşağıda qeyd edilən daha 10 e-arayış xidməti də təqdim edilir:

Özünüməşğulluq proqramında iştirak edən şəxs olması barədə;

Özünüməşğulluq proqramı çərçivəsində əldə edilmiş aktivlər barədə;

Sağlamlıq imkanları məhdud uşaqlara qulluq edən şəxs olması barədə;

Əlilliyi olan şəxslərə qulluq edən şəxs olması barədə;

Peşə hazırlığına cəlb edilmiş şəxs olması barədə;

İstehsalat zədəsi almış şəxs olması barədə;

Sanatoriya-kurort yollayışı ilə təmin olunmuş şəxs olması barədə;

Sosial sığınacaqda yerləşdirilmiş şəxs olması barədə;

Reabilitasiya tədbirlərinə cəlb olunmuş şəxs olması barədə;

İşsizlikdən sığorta ödənişi edilmiş şəxs olması barədə.

Beləliklə, Nazirlik üzrə e-xidmətlərin sayı artıq 61-ə çatır ki, onlardan 34-ü proaktivdir. Nazirliyin e-arayış xidmətlərinin sayı isə 30-a çatır. Vətəndaşların marağını nəzərə alaraq Pensiya kalkulyatoru e-xidməti barədə Nazirliyin hazırladığı videoçarxı təqdim edirik: https://www.youtube.com/watch?v=oRdeh7QB5t4&feature=youtu.be

21

İqtisadi Şuranın 2021-ci ildə ilk iclası keçirilib

3
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

3
İmtahan, arxiv şəkli

Nazirlikdən imtahanlarla bağlı açıqlama

7
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

7