Şəhid bacısının fotosu "İlin ən yaxşı fotoları" siyahısında yer alıb

15:29 19.12.2020(Yenilənib 15:35 19.12.2020)

"Time" jurnalı 2020-ci il üzrə ilin ən təsirli 100 fotosunu açıqlayıb: Azərbaycanda çəkilmiş şəhid qardaşının əlini öpən bacının şəkili ilin fotoları sırasında yer alıb.

BAKI, 19 dekabr — Sputnik. ABŞ-ın "Time" jurnalı 2020-ci il üzrə ilin ən təsirli 100 fotosunu açıqlayıb. Sputnik Azərbaycan "Time" nəşrinin saytına istinadla xəbər verir ki, ilin ən yaxşı fotoları sırasında Azərbaycanda çəkilmiş bir foto da yer alıb.

Bu, Ermənistan silahlı qüvvələrinin Azərbaycanın Bərdə rayonunda dinc sakinlərə atdığı kasetli bomba nəticəsində həlak olan Fuad İsmayılovun nəşinin və onun bacısının fotosudur. Şəkildə şəhidin bacısı qardaşının əlini öpür.

Sözügedən fotonun müəllifi isə "New-York Times"ın fotoqrafı Ayvor Prikettindir (Ivor Prickett).

Xatırladaq ki, Ermənistan Azərbaycanın Bərdə rayonunda mülki şəxslərin sıx məskunlaşdığı və hərəkətdə olduğu əraziləri 2020-ci il oktyabrın 27 və 28-i tarixlərində qadağan olunmuş silahlardan istifadə etməklə raket atəşinə tutması nəticəsində ümumilikdə 25 mülki şəxs həyatını itirib, 80-dən artıq şəxs yaralanıb.

Qazax sakinində silah aşkarlanıb

23:59 18.01.2021(Yenilənib 00:11 19.01.2021)

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

Azərbaycanda COVID-19 əleyhinə peyvəndləmənin ilk günü – Foto

23:45 18.01.2021(Yenilənib 00:06 19.01.2021)

Azərbaycanda bu gün koronovirus infeksiyasına qarşı vaksinasiyanın birinci mərhələsi başlayıb. İlk olaraq Çinin CoronaVac preparatı ilə tibb işçilərini peyvəndləməyə başlayıblar. Bunun necə baş verdiyinə Sputnik Azərbaycan-ın fotolentində baxa bilərsiniz.

Azərbaycanda yeni növ koronovirus əleyhinə vaksinasiyaya planlaşdırıldığı kimi yanvarın 18-də start verilib. Birinci olaraq səhiyyə naziri Oqtay Şirəliyev peyvənd olunub. TƏBİB rəhbəri Ramin Bayramlı da ilk vaksinasiya olunanlardandır.

Teqlər:

TƏBİB, Tibbi Ərazi Bölmələrini İdarəetmə Birliyi, Səhiyyə naziri Oqtay Şirəliyev, Oqtay Şirəliyev, Koronavirus, epidemiya, COVID-19