Türkiyə Xarici İşlər Nazirliyinin binası, arxiv şəkli

İranın Ankaradakı səfiri Türkiyə XİN-ə çağırıldı, Tehran isə təcili izahat gözləyir

205
(Yenilənib 00:56 12.12.2020)
İran səfirinə Türkiyə Prezidenti Rəcəb Tayyib Ərdoğana yönəlmiş əsaslandırılmamış ittihamlarla bağlı narazılıq bildirilib. 

BAKI, 11 dekabr - Sputnik. İranın Ankaradakı səfiri Məhəmməd Ferazmənd Prezident Rəcəb Tayyib Ərdoğanın Bakıda keçirilən "Zəfər paradı"nda dediyi şeirlə bağlı Türkiyənin Xarici İşlər Nazirliyinə çağırılıb.

Sputnik Azərbaycan xəbər verir ki, bu barədə Anadolu agentliyi məlumat yayıb.   

Məlumatda qeyd olunur ki, səfirə Türkiyə Prezidenti Rəcəb Tayyib Ərdoğana yönəlmiş əsaslandırılmamış ittihamlarla bağlı narazılıq ifadə edilib:

"Səfir Ferazməndə, İranın xarici işlər naziri Cavad Zərifin tvit yazması, sonra Türkiyənin Tehran səfiri Dərya Örsün İran Xarici İşlər Nazirliyinə çağırılması, Türkiyə və Prezident Ərdoğana qarşı əsassız iddiaların ortaya atılması və beləliklə, İranda Türkiyə əleyhinə nifrət kampaniyasının başlaması ilə bağlı etiraz bildirilib". 

Diplomatik mənbələr bildiriblər ki, Ferazməndlə söhbətdə sözügedən iddialar tamamilə rədd edilib. Vurğulanıb ki, İran tərəfinin Türkiyə ilə bağlı hər hansı bir məsələdə narahatlıq duyduğu təqdirdə bunu çatdıra biləcəyi kanallar var ikən, məhz İran XİN başçısı Zərif tərəfindən "Twitter" vasitəsilə layiq olmayan tərzdə Türkiyənin hədəfə alınması qəbuledilməzdir. 

Bundan başqa, belə yanaşma tərzinin Türkiyə ilə İran arasındakı yaxın əlaqələrlə də uzlaşmadığı və sadəcə bu əlaqələri pozmaq istəyən dairələrə xidmət etdiyi də qeyd olunub.

İranın Xarici İşlər Nazirliyinin sözçüsü Səid Xətibzadə isə daha əvvəl verdiyi açıqlamada Türkiyənin Tehran səfiri Dərya Örsün İran XİN-ə çağrıldığını bildirmişdi. 

"Türkiyə səfiri xarici işlər nazirinin müavini tərəfindən çağırılıb və ona hadisənin sərt şəkildə qınanıldığı bildirilib. Səfirə İranın məsələ ilə bağlı təcili izahat gözlədiyi bəyan edilib" - deyə Xətibzadə bildirib.

Qeyd edək ki, Türkiyə Prezidenti Rəcəb Tayyib Ərdoğanın Bakıda keçirilən "Zəfər paradı"nda səsləndirdiyi "Arazı ayırdılar, qum ilə doyurdular, mən səndən ayrılmazdım, zor ilə ayırdılar" misrasına rəsmi Tehran siyasi rəng verib. İranın xarici işlər naziri Cavad Zərif isə öz Twitter hesabında "heç kimin Ərdoğana oxuduğu şeirin İranın şimal-qərb hissəsində (Cənubi Azərbaycan - red.) "ərazilərin zorla bölünməsi" mövzusunda olduğunu xatırlatmadığına təəccübləndim" yazıb.

Qeyd edək ki, Ərdoğanın qədim Azərbaycan bayatısını səsləndirməsi Cənubi Azərbaycanda yaşayan soydaşlarımız tərəfindən coşğunluqla qarşılanıb və aksiyaya çevrilib. Onlar sözgüdən misraları kameralara söyləyərək "Bozqurd" işarəsi göstərməklə türk birliyini ifadə ediblər. 

205
Teqlər:
Ankara, Tehran, İran, prezident Rəcəb Tayyib Ərdoğan, Rəcəb Tayyip Ərdoğan, Türkiyə XİN, Türkiyə
Bakı karantinin yumşaldılmasından sonra

Kafe-restoran həsrətliləri üçün son tarix

2
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

2
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

7
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

7
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar