Harri Potter kitabını oxuyan qız, arxiv şəkli

"Harry Potter" ən çox nədən qorxduğunu açıqlayıb

22:45 07.12.2020(Yenilənib 22:56 07.12.2020)

Deniel Redklif: "Gənc yaşlarımda internetdə haqqımda yazılan şərhləri oxuyurdum. Müxtəlif axmaq fikirlərə rast gəlirdim. Bu çox zərərli və lazımsız məşğuliyyətdir. Mənim üçün sosial şəbəkələrin əhəmiyyəti yoxdur"

BAKI, 7 dekabr — Sputnik. "Harry Potter" filmləri ilə məşhurlaşan ingilis aktyor Deniel Redklif sosial şəbəkələrdən istifadə etməməsinin səbəbini açıqlayıb.

Sputnik Azərbaycan xəbər verir ki, bu barədə aktyor "YouTube"da yayımlanan "First We Feast" şousunda danışıb.

31 yaşlı Deniel sosial şəbəkələrdən qorxduğunu, orada haqqında yazılacaq neqativ şərhlərin onun psixikasına zərər verəcəyini bildirib. Aktyor əvvəllər "Twitter"də hesab açmaq istədiyini, sonradan isə fikrindən döndüyünü deyib:

"Gənc yaşlarımda internetdə haqqımda yazılan şərhləri oxuyurdum. Müxtəlif axmaq fikirlərə rast gəlirdim. Bu, çox zərərli və lazımsız məşğuliyyətdir. Mənim üçün sosial şəbəkələrin əhəmiyyəti yoxdur".

Qazax sakinində silah aşkarlanıb

23:59 18.01.2021(Yenilənib 00:11 19.01.2021)

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

Azərbaycanda COVID-19 əleyhinə peyvəndləmənin ilk günü – Foto

23:45 18.01.2021(Yenilənib 00:06 19.01.2021)

Azərbaycanda bu gün koronovirus infeksiyasına qarşı vaksinasiyanın birinci mərhələsi başlayıb. İlk olaraq Çinin CoronaVac preparatı ilə tibb işçilərini peyvəndləməyə başlayıblar. Bunun necə baş verdiyinə Sputnik Azərbaycan-ın fotolentində baxa bilərsiniz.

Azərbaycanda yeni növ koronovirus əleyhinə vaksinasiyaya planlaşdırıldığı kimi yanvarın 18-də start verilib. Birinci olaraq səhiyyə naziri Oqtay Şirəliyev peyvənd olunub. TƏBİB rəhbəri Ramin Bayramlı da ilk vaksinasiya olunanlardandır.

Teqlər:

TƏBİB, Tibbi Ərazi Bölmələrini İdarəetmə Birliyi, Səhiyyə naziri Oqtay Şirəliyev, Oqtay Şirəliyev, Koronavirus, epidemiya, COVID-19