Dəmir yolu, arxiv şəkli

Bakı-Tbilisi-Qarsdan keçməklə birbaşa Çinə

16
Marmaray və Bakı-Tbilisi-Qars dəmir yolu xətti, eləcə də Xəzər keçidli Şərq-Qərb Mərkəzi Dəhlizi ilə Çinə gedən ilk ixracat yük qatarı bu gün İstanbuldan yola düşüb.

BAKI, 4 dekabr — Sputnik. Türkiyənin Xarici İşlər Nazirliyi bu ölkədən Çinə gedən ilk ixracat qatarının bu gün İstanbuldan yola düşəcəyini bildirib. Sputnik Azərbaycan-ın Anadolu Agentliyinə istinadla yaydığı məlumata görə, bu barədə Türkiyə XİN-i yazılı açıqlama verib. Açıqlamada bildirilir ki, Marmaray və Bakı-Tbilisi-Qars dəmir yolu xətti, eləcə də Xəzər keçidli Şərq-Qərb Mərkəzi Dəhlizi ilə Çinə gedən qatarın 8 min 693 kilometr yol qət edəcəyi, 2 qitə, 2 dəniz və 5 ölkədən keçəcəyi və 12 gün ərzində mənzilbaşına çatacağı bildirilir.

"İlk dəfə Çindən yola düşən və Türkiyənin liderliyi ilə Xəzər keçidli Şərq-Qərb Dəhlizi və Marmaraydan keçməklə 2019-cu ilin noyabr ayında Avropanın Praqa şəhərinə çatan tranzit qatarının istismarı uğurla davam edir. Bu dəfə isə ixracat yükü daşıyan ilk qatar Türkiyədən Çinə yola düşür", – deyə nazirliyin açıqlamasında qeyd olunur.

"Ölkəmiz Şərqlə Qərb arasındakı əlaqələri inkişaf etdirmək və bölgədəki mərkəzi mövqeyini gücləndirmək üçün nəqliyyat sahəsində lazımi addımları atmağa davam edəcək", - deyə məlumatda bildirilir.

16

Yanvarın 25-nə qədər ölkədə ictimai nəqliyyat işləməyəcək

9
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

9

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev