Türkiyə bayrağı, arxiv şəkli

Türkiyə Avropa Parlamentinin qərarına sərt cavab verdi

19
(Yenilənib 15:41 27.11.2020)
"Türkiyə həm öz hüquqlarını, həm də Kipr türklərinin hüquqlarını heç bir təhdid və şantaja boyun əymədən qətiyyətli şəkildə qorumağa davam edəcək. Eyni zamanda dialoq və danışıqlar istiqamətində səylərini davam etdirəcək".

BAKI, 27 noyabr — Sputnik. Avropa Parlamentinin Türkiyəyə qarşı sanksiyalar tətbiq etməyə çağıran qətnaməsinə Türkiyə Xarici İşlər Nazirliyindən cavab gəlib.

Sputnik Azərbaycan "Sözcü"yə istinadla xəbər verir ki, Türkiyə Xarici İşlər Nazirliyinin sözçüsü Hami Aksoy məsələ ilə əlaqədar açıqlama verib: "Avropa Parlamentinin qəbul etdiyi tövsiyə xarakterli qərarını bütünlüklə rədd edirik. Bu qərar Avropa Parlamentinin bir daha Kipr məsələsində nə qədər qərəzli olduğunu göstərir. Belə yanaşma və düşüncə tərzi davam edərsə, Avropa İttifaqı qurumlarının Kipr məsələsinin həllinə konstruktiv töhfə verməsi mümkün deyil. Bu addımlar nə Avropa İttifaqının ümumi maraqlarına, nə Kipr probleminin həllinə, nə də qonşuluq münasibətlərinin yaxşılaşdırılmasına xidmət etmir".

"Türkiyə həm öz hüquqlarını, həm də Kipr türklərinin hüquqlarını heç bir təhdid və şantaja boyun əymədən qətiyyətli şəkildə qorumağa davam edəcək. Eyni zamanda dialoq və danışıqlar istiqamətində səylərini davam etdirəcək", - deyə o bildirib.

Qeyd edək ki, Avropa Parlamenti Avropa İttifaqı üzv dövlətlərini Aralıq dənizindəki davranışına görə Türkiyəyə qarşı sərt sanksiyalar tətbiq etməyə çağıran qətnamə qəbul edib. Sənədlə bağlı səsvermə Avropa Parlamentinin Brüsseldəki plenar iclasında baş tutub.

Bildirilir ki, qətnaməyə 631, əleyhinə 3 deputat səs verib. "Parlament üzvləri Avropa Şurasını Türkiyənin qanunsuz fəaliyyəti ilə bağlı vahid mövqe tutmağa və buna cavab olaraq sərt sanksiyalar tətbiq etməyə çağırırlar", - sənəddə deyilir.

Qətnamə Türkiyənin Kiprin şimalındakı keçmiş Varoşa kurort zonasını açmaq qərarının bu problemin həlli perspektivlərini sarsıtdığını vurğulayır.

Eyni zamanda sənəddə Ankaranın Aralıq dənizi, Liviya və Suriyadakı hərəkətləri sayəsində Avropa İttifaqı ilə Türkiyə arasındakı münasibətlərin "tarixi minimuma" çatdığı qeyd edilir. Avropa İttifaqı və Türkiyə münasibətləri 10-11 dekabr sammitində diqqət mərkəzində olan mövzulardan biri olacaq.

19
Teqlər:
türklər, Kipr, Türkiyə, Avropa parlamenti, qətnamə
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

15
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

15
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19