Vaqarşak Arutyunyan, arxiv şəkli

Ermənistanın yeni müdafiə nazirini Bakı ilə birləşdirir?

66
(Yenilənib 13:30 21.11.2020)
2002-ci ildə isə Ermənistanın o vaxtkı prezidenti Robert Koçaryan Vaqarşak Arutyunyanı general-leytenant rütbəsindən məhrum edib.

BAKI, 20 noyabr — Sputnik. Ermənistan prezidenti Armen Sarkisyanın sərəncamı ilə bu ölkənin müdafiə naziri David Tonoyan tutduğu vəzifədən azad edilib. Sputnik Azərbaycan xəbər verir ki, Ermənistan prezidentinin digər sərəncamı ilə bu vəzifəyə Vaqarşak Arutyunyan təyin edilib.

Ermənistanın yeni müdafiə naziri 1956-cı ildə noyabrın 28-i Gürcüstanın Axalkələk (Axalkalaki) şəhərində anada olub.

O, 1978-ci ildə Bakıda S.Kirov adına Xəzər Ali Dənizçilik Məktəbini bitirib. Arutyunyan 1978-1990-ci illərdə Uzaq Şərqdə hərbi xidmət keçib.

1991-ci ildə Rusiya Federasiyası Silahlı Qüvvələrinin Baş Qərargahının Hərbi Akademiyasını və Hərbi Dəniz Akademiyasını bitirib.

Vaqarşak Arutyunyan 1991-1992-ci illərdə daxili işlər nazirinin müavini, Ermənistan Respublikasının Müdafiə Komitəsi sədrinin müavini olub.

O, 1992-1994-cü illərdə MDB ölkələrinin Birgə Silahlı Qüvvələri Baş Komandanlığı Baş Qərargah rəisinin müavini vəzifəsini daşıyıb. 

Vaqarşak Arutyunyan 1999-2000-ci illərdə Ermənistanın müdafiə naziri olub. Daha sonra isə o, siyasi fəaliyyətlə məşğul olmağa başlayıb və müxalif "Respublika" partiyasına üzv olub.

2005-ci ildə o, Albert Bazeyanla "Milli Dirçəliş" partiyasının əsasını qoyub. 2007-ci ildə bu partiya Arutyunyanın etirazlarına baxmayaraq "Ramkavar Azatkan" partiyası ilə birləşir.

2002-ci ildə isə Ermənistanın o vaxtkı prezidenti Robert Koçaryan Vaqarşak Arutyunyanı general-leytenant rütbəsindən məhrum edib.

2019-cu ildə isə Ermənistanın hazırkı prezidenti Armen Sarkisyanın sərəncamı ilə onun hərbi rütbəsi bərpa olunub.

Vaqarşak Arutyunyan 20 noyabr 2020-ci ildə Ermənistanın müdafiə naziri təyin olunub.

66
Teqlər:
müdafiə naziri David Tonoyan, Ermənistan prezidenti Armen Sarkisyan, Robert Koçaryan, Ermənistan
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

67
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

67
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

39
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

39
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ