Uşaq televizora baxır, arxiv şəkli

Dünyadakı hər kəsin sevimli cizgi filmi yenidən ekranlarda - bu dəfə fərqli janrda

22
(Yenilənib 23:39 19.11.2020)
Sonradan, onlar populyar dağ kurortu "Rosa Xutor"un maskotlarına çevriləcəklər. Hazırda 52-ci seriyanın yayımlanması planlaşdırılır, cizgi serialının hədəf auditoriyası 6-8 yaşlı uşaqlardır.

BAKI, 20 noyabr — Sputnik. "Soyuzmultfilm" "Nu poqodi" cizgi serialında yeni personajın səsi üçün ümumrusiya kastinqinə başlayıb. Sputnik Azərbaycan Rusiya mətbuatına istinadla xəbər verir ki, yeni personaj Qurdun Dovşanı əbədi izləməsinə müşahidəçi pişik balası olacaq.

Kinostudiyadan verilən məlumata görə, yeni hissələrdə qəhrəmanların tətildəki sərgüzəştləri yer alacaq.

Cizgi filminin təqdimatı bu ilin qışında baş tutacaq. Dovşanı teleaparıcı Dmitri Xrustalev, Qurdu isə Qarik Xarlamov səsləndirəcək.

Cizgi serialının ilk hissələri "Nu poqodi" Kanikulı" adlanacaq.

İlk hissələrdə yer alan yeni personaj pişik balası - balaca qəhrəman sadəcə olaraq lazım olmayan saatda, lazım olmayan yerdə olur. Buna görə də, o, Qurdun Dovşanı qovmasına şahid olur. Ancaq hər şeyə rəğmən kiçik pişik soyuqqanlı davranmağı bacarır.

Kinostudiyanın məlumatına görə, kastinqdə 6 yaşından yuxarı hər kəs iştirak edə bilər. Bunun üçün pişik balasının bir neçə ifadəsini səsləndirərək, vidoe çəkməli və onu "Instagram" və ya "Vkontakte" hesabında #xocuvnupoqodi həştəqi ilə paylaşmalıdır. 13 yaşından kiçik müraciət edənlər üçün valideynləri paylaşa bilər. İşlər 2020-ci il dekbarın 16-na qədər qəbul edilir. Nəticələr dekabrın 31-də açıqlanacaq.

Cizgi filmi 3D formatında çəkiləcək. Yeni personajlar porsuq Tim, kirpi Şu və cüyür Ulya olacaq.

Sonradan, onlar populyar dağ kurortu "Rosa Xutor" un maskotlarına çevriləcəklər. Hal-hazırda 52-ci seriyanın yayımlanması planlaşdırılır, cizgi serialının hədəf auditoriyası 6-8 yaşlı uşaqlardır.

22

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

13
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

13
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

7
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

7