Azərbaycan və Rusiya bayraqları, arxiv şəkli

Rusiya Azərbaycanın strateji tərəfdaşıdır, amma araqarışdıran qüvvələr var - deputat

46
(Yenilənib 14:53 18.11.2020)
Millət vəkili Arzu Nağıyev: "Sülhməramlı qüvvələrin gəlməsi, Türkiyənin prosesdə iştirakı cənab prezidentin qələbəsidir".

BAKI, 18 noyabr — Sputnik. Bu gün heç bir qurum Azərbaycanın haqq işinə, qələbəsinə kölgə sala bilməz.

Bu sözləri Sputnik Azərbaycan-a millət vəkili Arzu Nağıyev ötən gün  Şəhidlər Xiyabanında bir qrup şəxsin Rusiya sülhməramlıları əleyhinə səsləndirdiyi şüarlara münasibət bildirərkən deyib.

"Rusiya və regional dövlətlər Azərbaycanın strateji partnyorlarıdır. Bu məsələdə ölkə başçısının səyləri danılmazdır. O, verdiyi müsahibələrdə münaqişənin başlama tarixindən başlayaraq hərbi əməliyyatların keçirilməsinə qədər ətraflı məlumat verərək, bütün dünyaya həqiqətləri çatdırdı. Bizim haqq qələbəmizi aşağılamağa heç kimin ixtiyarı yoxdur", - deyən A.Nağıyevin sözlərinə görə, Azərbaycan hər bir dövlətlə normal münasibət saxlayır.
Политолог Арзу Нагиев
© Sputnik / Murad Orujov
Millət vəkili Arzu Nağıyev

Millət vəkili əlavə edib ki, Azərbaycan 30 ildə beynəlxalq səviyyədə sülh yolu ilə həll edilə bilməyən münaqişəni bu gün hərbi yolla həll etdi.

"Bizi istəməyən, araqarışdıran qüvvələr var. Bunların haradan qaynaqlandığı məlum məsələdir. Birmənalı şəkildə Azərbaycan qalibdir. Sülhməramlı qüvvələrin gəlməsi, Türkiyənin prosesdə iştirakı cənab prezidentin qələbəsidir. Azərbaycan Ali Baş Komandanı, Azərbaycan vətəndaşı və Azərbaycan Ordusunun vəhdəti bu qələbənin əsas meyarlarından biridir", - deyə o, əlavə edib.

Xatırladaq ki, dünən Bakıda Şəhidlər Xiyabanında təxribat xarakterli aksiya keçirilib.

Sputnik Azərbaycan-ın rəsmi mənbələrdən əldə etdiyi məlumata görə, aksiyaçı qrup 12 nəfərdən ibarət olub. Onlar Milli Dirçəliş Günü münasibətilə Şəhidlər Xiyabanını ziyarət məqsədilə gəliblər və bundan sonra təxribatçı şüarlar səsləndiriblər. Onlara hüquq-mühafizə orqanlarının əməkdaşları tərəfindən müvafiq xəbərdarlıq edilib.

Bakı şəhər İcra Hakimiyyətindən Sputnik Azərbaycana bildiriblər ki, sözügedən qrupun üzvləri cəmiyyətin tanıdığı siyasi və ya ictimai fəallar deyil. "Xalq Cəbhəsi Partiyasının, eləcə də ölkədəki digər siyasi qüvvələrin nümayəndələri əllərində Azərbaycan bayrağı, Milli Dirçəliş Günü münasibətilə dinc şəkildə xiyabana gələrək şəhidləri ziyarət edib gediblər. Sözügedən təxribatçı qrupun isə hansı siyasi qüvvənin maraqlarını müdafiə etdiyini müəyyənləşdirmək mümkün olmayıb", - deyə BŞİH-dən bildirilib.

46
PPX avtomobili, arxiv şəkli

Bakı sakini küçədə qətlə yetirilib

18
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

18
Teqlər:
cinayət, istintaq, Bakı, qətl, Xətai rayonu, Xətai
Здание МИД Франции

Rəsmi Parisdən bəyanat : Fransa "Dağlıq Qarabağ Respublikası"nın müstəqilliyini tanımır

62
(Yenilənib 00:45 27.11.2020)
Fransa Xarici İşlər Nazirliyi bəyan etdi: Fransa özünü müstəqil elan etmiş “Dağlıq Qarabağ Respublikası”nı tanımır

BAKI, 27 noyabr - Sputnik. Rəsmi Paris “Dağlıq Qarabağ Respublikası”nın müstəqilliyini tanımır.

Sputnik Azərbaycan APA-ya istinadla xəbər verir ki, bu barədə Fransa Xarici İşlər Nazirliyinin brifinq zamanı yayımlanmış açıqlamasında deyilir.

“25 noyabrda Senat qətnamə qəbul edib və bu qətnamədə öz müstəqilliyini elan etmiş “Dağlıq Qarabağ Respublikası”nın tanınması ilə bağlı Fransa hakimiyyətinə çağırış edilib. Səsvermədən əvvəlki müzakirələr zamanı Xarici İşlər Nazirliyinin Dövlət katibi Jan-Batist Lemuan Fransa hökumətinin bu mövzuda mövqeyini bir daha xatırladıb – Fransa özünü müstəqil elan etmiş “Dağlıq Qarabağ Respublikası”nı tanımır”, - deyə məlumatda qeyd olunub.

Xatırladaq ki, noyabrın 25-də Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Azərbaycan və Türkiyənin rəsmi dairələri bu qərara ciddi təpki göstəriblər. Azərbaycanın Milli Məclisi 26 noyabrda Fransaya etiraz bəyanatı ünvanlayıb. Xarici İşlər Nazirliyi isə Fransaya nota verib və Fransa səfirini nazirliyə çağıraraq bu barədə onu bilgiləndirib.   

62
Teqlər:
Azərbaycan XİN, Milli Məclis, Dağlıq Qarabağ, Fransa, Paris